మెర్సిడెస్ బెంజ్ జిఎల్ఏ క్లాస్ విడుదల; ధర రూ.32.75 లక్షలు

తర్వాతి స్లైడ్‌లలో మెర్సిడెస్ బెంజ్ జిఎల్ఏ క్రాసోవర్‌కు సంబంధించిన మరిన్ని వివరాలు తెలుసుకోండి.

ఈ క్రాసోవర్ పెట్రోల్, డీజిల్ వెర్షన్లలో లభిస్తుంది. పెట్రోల్ వెర్షన్‌లో 2.0 లీటర్, టర్బోచార్జ్డ్ పెట్రోల్ ఇంజన్‌ను ఉపయోగించారు. ఈ ఇంజన్ గరిష్టంగా 5500 ఆర్‌పిఎమ్ వద్ద 135 కి.వా. శక్తిని, 1200-1400 ఆర్‌పిఎమ్ వద్ద 300 ఎన్ఎమ్‌ల టార్క్‌ని ఉత్పత్తి చేస్తుంది. ఇది కేవలం 7.6 సెకండ్ల వ్యవధిలోనే 0-100 కిలోమీటర్ల వేగాన్ని అందుకుంటుంది. దీని గరిష్ట వేగం గంటకు 225 కిలోమీటర్లు.

డీజిల్ వెర్షన్‌లో 2.2 లీటర్ ఇంజన్‌ను ఉపయోగించారు. ఈ ఇంజన్ గరిష్టంగా 3600-4400 ఆర్‌పిఎమ్ వద్ద 100 కి.వా. శక్తిని, 1600-3000 ఆర్‌పిఎమ్ వద్ద 300 ఎన్ఎమ్‌ల టార్క్‌ని ఉత్పత్తి చేస్తుంది. ఇది కేవలం 9.9 సెకండ్ల వ్యవధిలోనే 0-100 కిలోమీటర్ల వేగాన్ని అందుకుంటుంది. దీని గరిష్ట వేగం గంటకు 205 కిలోమీటర్లు.

ఈ రెండు ఇంజన్లు కూడా 7జి-డిసిటి 7-స్పీడ్ డ్యూయెల్ క్లచ్ ట్రాన్సిమిషన్‌తో అనుసంధానం చేయబడి ఉంటాయి. ఈ డ్యూయెల్ క్లచ్ ట్రాన్సిమిన్ ఇటు 7-స్పీడ్ ఆటోమేటిక్ ట్రాన్సిమిషన్‌లో సౌకర్యాన్ని మరియు మ్యాన్యువల్ ట్రాన్సిమిషన్‌లోని డ్రైవింగ్ డైనమిక్స్‌ను ఆఫర్ చేస్తుంది. దీని వలన గేరు మార్పిడి స్మూత్‌గా, ఫాస్ట్‌‌గా ఉంటుంది.

భారత మార్కెట్లో కొత్త 2014 మెర్సిడెస్ బెంజ్ జిఎల్ఏ-క్లాస్ ధరలు ఇలా ఉన్నాయి:

* జిఎల్ఏ సిడిఐ స్టైల్ - రూ.32.75 లక్షలు

* జిఎల్ఏ 200 స్పోర్ట్ - రూ.36.00 లక్షలు

* జిఎల్ఏ సిడిఐ స్పోర్ట్ - రూ.36.90 లక్షలు

(అన్ని ధరలు ఎక్స్-షోరూమ్, ఢిల్లీ)