సరికొత్త హోండా సిటీ ఆవిష్కరణ; డీజిల్ ఇంజన్ ఆప్షన్ లభ్యం

కొత్త 2014 హోండా సిటీ ఇదివరకటి సిటీ పొడవునే (4440 మి.మీ) కలిగి ఉంటుంది. అయితే, వీల్‍‌బేస్‌ను మాచ్కం 50 మి.మీ. పెంచారు (2600 మి.మీ.). దీని వెడల్పులో కూడా ఎలాంటి మార్పు లేదు. కానీ, షోల్డర్ రూమ్‌ను 40 మి.మీ. హెడ్‌రూమ్‌ను 10 మి.మీ. పెంచారు.

నెక్స్ట్ జనరేషన్ జాజ్ ప్లాట్‌ఫామ్‌ను ఆధారంగా చేసుకొని కొత్త సిటీ సెడాన్‌ను తయారు చేశారు. ఇది మునుపటి వెర్షన్ సిటీ సెడాన్స్ కన్నా మరిన్ని ప్రీమియం ఫీచర్లను, సరికొత్త స్టయిలింగ్ ఎలిమెంట్లను కలిగి ఉంటుంది.

కొత్త 2014 హోండా సిటీలో 5-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్ ఉంటుంది. ఇది బ్లూటూత్, ఆక్స్-ఇన్, ఐపాడ్, యూఎస్‌బి బ్లూటూత్ కనెక్టివిటీలను కలిగి ఉంటుంది. ఈ కారులో ఎనిమిది స్పీకర్లతో కూడిన మ్యూజిక్ సిస్టమ్ ఉంటుంది.

స్మార్ట్ ఫీచర్ల విషయానికి వస్తే, ఇందులో వన్ పుష్ స్మార్ట్ కీ ఎంట్రీ సిస్టమ్, క్రూయిజ్ కంట్రోల్, షార్క్ ఫిన్ యాంటినా, టచ్ ప్యానెల్ ఆటో ఏసి ఫీచర్లు ఉన్నాయి.

కొత్త హోండా సిటీలో వెనుక వైపు ఎయిర్‌కాన్ వెంట్స్, ఫోర్ పవర్ అవుట్‌లెట్స్ సన్‌రూఫ్ వంటి ఫీచర్లను జోడించారు. అలాగే, వెనుక వైపు ఎల్ఈడి టెయిల్ ల్యాంప్స్, ముందు వైపు ప్రొజెక్టర్ హెడ్‌ల్యాంప్స్, కొత్త పెద్ద క్రోమ్ గ్రిల్ కూడా ప్రత్యేక ఆకర్షణగా నిలుస్తాయి.

కాగా.. ఈ కొత్త 2014 హోండా సిటీ సెడాన్ జనవరి 2014 నుంచి వాణిజ్య పరంగా అందుబాటులోకి రానుంది. అయితే, కొత్త సిటీ కోసం ఇప్పటికే డీలర్లు బుకింగ్‌లను స్వీకరిస్తున్నారు.

కొత్త హోండా సిటీ కారు ధర మరియు ఇతర వివరాలను జనవరిలో విడుదల చేసినప్పుడు వెల్లడించనున్నారు. ఈ కారుకు సంబంధించిన మరిన్ని లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూనే ఉండండి.