Click it and Unblock the Notifications
ఇవాలియా ఎమ్పివిలో కొత్త ఫీచర్లను జోడించిన నిస్సాన్
నిస్సాన్ ఇండియా దేశీయ విపణిలో అందిస్తున్న ఇవాలియా ఎమ్పివిలో ఫీచర్లను మెరుగుపరచామని కంపెనీ ప్రకటించింది. వినియోగదారుల నుంచి సేకరించిన ఫీడ్బ్యాక్ను ఆధారంగా చేసుకొని ఈ 7-సీటర్ ఎమ్పివి అప్గ్రేడ్ చేశామని, వినియోగదారుల సంతృప్తికి కట్టుబడి ఉండే దిశలో భాగంగా ఈ మార్పులు చేర్పులు చేశామని కంపెనీ తెలిపింది.
కొత్త ఇవాలియా ఇంటీరియర్స్, ఎక్స్టీరియర్స్లో కొద్దిపాటి మార్పులు చేర్పులు చేశారు. అయితే, ఇంజన్ పరంగా మాత్రం ఎలాంటి మార్పులు లేవు. నిస్సాన్ ఇవాలియాలో ఉపయోగించిన అదే 1.5 లీటర్ డిసిఐ కె9కె డీజిల్ ఇంజన్ గరిష్టంగా 85 పిఎస్ల శక్తిని, 200ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ గేర్బాక్స్తో అనుసంధానం చేయబడి ఉంటుంది.
కంపెనీ సర్టిఫై చేసిన దాని ప్రకారం, ఇది లీటరుకు 19.3 కిలోమీటర్ల మైలేజీని ఆఫర్ చేస్తుంది. అప్గ్రేడెడ్ నిస్సాన్ ఇవాలియా ప్రారంభ ధర రూ.8.78 లక్షలు (ఎక్స్-షోరూమ్, ఢిల్లీ)గా ఉంది. ఇందులోని కొత్త ఫీచర్లను క్రింది ఫొటో ఫీచర్లో పరిశీలించండి.
అప్గ్రేడెడ్ నిస్సాన్ ఇవాలియాలో వెనుక స్లైడింగ్ డోర్స్పై స్ప్లిట్ ఓపెన్ యూరో విండోస్ను కొత్తగా జోడించారు.
కొత్త ఇవాలియోలోని రెండవ (మధ్య) వరుసలో స్లైడింగ్/రెక్లైనింగ్ కెప్టెన్ సీట్స్ను జోడించారు.
ఇందులో 15-ఇంచ్ అల్లాయ్ వీల్స్ (ఇదివరకు 14 ఇంచ్ అల్లాయ్ వీల్స్ ఉపయోగించే వారు) మరో ప్రత్యేక ఆకర్షణగా నిలుస్తుంది.
అలాగే, అప్గ్రేడెడ్ ఇవాలియా వెనుక వైపు వైపర్, డిఫాగ్గర్లను కూడా జోడించారు.
ఇంటీరియర్స్ విషయానికి వస్తే, ఇందులో కొత్త యాంటీ-గ్లేర్ ఇంటర్నల్ రియర్ వ్యూ మిర్రర్, ఫ్రంట్ రో అసిస్ట్ గ్రిప్, గ్లవ్ బాక్స్ లిడ్, 2-డిన్ ఆడియో సిస్టమ్ (యూఎస్బి కనెక్టివిటీతో) వంటి ఫీచర్లను జోడించారు. ఆప్షనల్గా వెనుక సీట్లలోని ప్రయాణికుల కోసం రూఫ్ మౌంటెడ్ ఏసి బ్లోయెప్ యూనిట్ను జోడించుకోవచ్చు.
నిస్సాన్ ఇవాలియా ధరలు
Nissan Evalia XE: INR 8.78 lakh
Nissan Evalia XE+: INR 9.22 lakh
Nissan Evalia XL: INR 9.80 lakh
Nissan Evalia XL (Option): INR 10.05 lakh
Nissan Evalia XV: INR 10.48 lakh
Nissan Evalia XV (Option): INR 10.73 lakh
కొత్త నిస్సాన్ ఇవాలియా బ్రిక్ రెడ్, ఆక్వా గ్రీన్, బ్లేడ్ సిల్వర్, ట్విలైట్ గ్రే, ఆంక్సీ బ్లాక్, స్టోర్మ్ వైట్, పెరల్ వైట్ అనే ఆకర్షనీయమైన రంగులలో లభిస్తుంది.
Continue with Google