యూకేలో నిస్సాన్ మైక్రా లిమిటెడ్ ఎడిషన్ విడుదల

నిస్సాన్ ఇటీవల విడుదల చేసిన గ్లోబల్ వెర్షన్ అప్‌గ్రేడెడ్ నిస్సాన్ మైక్రా ప్లాట్‌ఫామ్‌ను ఆధారంగా చేసుకొని కంపెనీ ఈ లిమిటెడ్ ఎడిషన్‌ను తయారు చేసింది.

ఇది కాంట్రాస్టింగ్ రూఫ్ సైడ్ మిర్రర్స్‌తో మూడు విభిన్న కలర్ కాంబినేషన్లలో లభిస్తుంది. అవి పసిఫిక్ బ్లూ విత్ వైట్ రూఫ్/మిర్రర్ క్యాప్స్, షిరాజ్ రెడ్ విత్ బ్లాక్ రూఫ్/మిర్రర్ క్యాప్స్, ఆల్బాస్టర్ వైట్ విత్ రెడ్ రూఫ్/మిర్రర్ క్యాప్స్. ఈ కాంట్రాస్టింగ్ కలర్‌ను సైడ్ సిల్స్ మరియు సెంటర్ క్యాప్స్‌పై కూడా అప్లయ్ చేస్తారు.

ఈ కలర్ కాంబినేషన్ కేవలం ఎక్స్టీరియర్లకు మాత్రమే పరిమితం కాదు. ఎయిర్ కండిషనింగ్ వెంట్స్, గేర్ లివర్ కాలమ్ లోవర్ పార్ట్, ఫ్లోర్ మ్యాట్స్ కూడా అదే కాంట్రాస్టింగ్ కలర్లతో లభిస్తాయి. చివరిగా ఇందులో లిమిటెడ్ ఎడిషన్ బ్యాడ్జ్ మరియు క్రోమ్ టిప్డ్ ఎగ్జాస్ట్ పైప్స్ ఇందులో మరో ప్రత్యేకతగా నిలుస్తాయి.

యూకే మార్కెట్లో లభ్యం కానున్న ఈ లిమిటెడ్ ఎడిషన్ నిస్సాన్ మైక్రాలో యాంత్రికపరమైన మార్పులేవీ లేవు. అక్కడి మార్కెట్లో అమ్ముడయ్యే నిస్సాన్ మైక్రా అసెంటా వేరియంట్‌లో 15 ఇంచ్ అల్లాయ్ వీల్స్, క్రూయిజ్ కంట్రోల్, రూప్ స్పాయిలర్‌ ఫీచర్లు స్టాండర్డ్‌గా లభిస్తాయి.

మైక్రా లిమిటెడ్ ఎడిషన్ ధర 12300 పౌండ్లు (మనదేశ కరెన్సీలో సుమారు రూ.12.66 లక్షలు).

ఆశ్చర్యకరమైన విషయం ఏంటంటే, యూకే మార్కెట్లో విడుదలైన ఈ లిమిటెడ్ ఎడిషన్ నిస్సాన్ మైక్రా మనదేశంలో తయారైనదే. చెన్నైలోని ఓరగడం వద్ద ఉన్న రెనో-నిస్సాన్ ప్లాంటులో ఈ కారును తయారు చేసి, యూకే మార్కెట్లకు ఎగుమతి చేస్తున్నారు.