నిస్సాన్ సన్నీ ఫేస్‌లిఫ్ట్ ఇదే; ఢిల్లీ ఆటో ఎక్స్‌పోలో విడుదల

కొత్త నిస్సాన్ సన్నీ సెడాన్‌లోని ఫ్రంట్ గ్రిల్ డిజైన్‌ కొత్తగా రీడిజైన్ చేశారు. ఇది కంపెనీ అందిస్తున్న పెద్ద సెడాన్స్ అల్టిమా, సిల్ఫీలను పోలి ఉంటుంది. అలాగే క్రింది భాగంలో క్రోమ్ హైలైటింగ్ మరియు కొత్త ఫాగ్‌ల్యాంప్స్‌ను ఇందులో గమనించవచ్చు.

సైడ్ ప్రొఫైల్‌లో పెద్దగా చెప్పుకోదగిన మార్పులేవీ లేవు. అయితే, ఇందులో కొత్తగా 15-ఇంచ్ అల్లాయ్ వీల్స్‌ను అమర్చారు.

కొత్త నిస్సాన్ వెనుక డిజైన్‌లో కూడా మార్పులు చేర్పులు ఉన్నాయి. రీడిజైన్ చేయబడిన రియర్ బంపర్, టెయిల్ ల్యాంప్స్ మరియు కొత్తగా జోడించిన బూట్ డోర్ మౌంటెడ్ రియర్ రూఫ్ స్పాయిలర్‌లను ఇందులో చూడొచ్చు.

ఇంటీరియర్స్‌లో కూడా చెప్పుకోదగిన మార్పులు ఉన్నాయి. సెంటర్ కన్సోల్‌ను, డ్యాష్ బోర్డును రీడిజైన్ చేశారు. పియానో బ్లాక్ కలర్ క్లస్టర్ ఇందులో ప్రత్యేక ఆకర్షణగా నిలుస్తుంది. స్టీరింగ్ వీల్‌ను కూడా రీడిజైన్ చేశారు.

ఇందులో 2-డిన్ ఆడియో సిస్టమ్ ఉంటుంది. కొత్తగా ఇందులో 6.1 ఇంచ్ టచ్‌స్క్రీన్ డివిడి ప్లేయర్‌ను ఆఫర్ చేస్తున్నారు (ఇండియన్ వెర్షన్‌లో ఈ ఫీచర్ ఉండకపోవచ్చని అంచనా).

యాంత్రిక పరంగా ఇందులో ఎలాంటి మార్పులు లేవు. ప్రస్తుత నిస్సాన్ సన్నీ సెడాన్‌లో ఉపయోగిస్తున్న పెట్రోల్, డీజిల్ ఇంజన్లనే కొత్త ఫేస్‌లిఫ్ట్ వెర్షన్ నిస్సాన్ సన్నీ సెడాన్‌లోను ఉపయోగిస్తున్నారు.

థాయ్‌లాండ్ మార్కెట్లో కొత్త నిస్సాన్ సన్నీ సెడాన్ ధరలు 4,33,000 బాట్స్ నుంచి 5,99,000 బాట్స్ మధ్యలో ఉన్నాయి. (మన కరెన్సీలో సుమారు రూ.8.3 లక్షల నుంచి రూ.11.66 లక్షలు).