పోర్షే 911 కరెరా ఎస్ 50వ వార్షికోత్స ఎడిషన్ వస్తోంది

జర్మనీకు చెందిన ప్రముఖ లగ్జరీ కార్ల తయారీ కంపెనీ పోర్షే, తమ సంస్థను స్థాపించి అప్పుడే 50 ఏళ్లను పూర్తి చేసుకుంది. ఈ సందర్భంగా తమ సంస్థ 50 ఏళ్ల వార్షికోత్సవాన్ని పురస్కరించుకొని, కంపెనీ అందిస్తున్న 911 మోడల్ కారులో ఓ స్పెషల్ ఎడిషన్‌ను అందుబాటులోకి తీసుకువచ్చింది. పోర్షే తమ సంస్థను 1963లో స్థాపించింది. ఈ నేపథ్యంలో తమ 50వ వార్షికోత్స ఎడిషన్ పోర్షే 911 కరెరా ఎస్ కారును కేవలం 1963 యూనిట్లను మాత్రమే ఉత్పత్తి చేయనుంది.

ప్రపంచ వ్యాప్తంగా ఇవి 1963 యూనిట్లు మాత్రమే అందుబాటులో ఉండనున్నాయి. సాధారణంగా కరెరా 4 మోడళ్లలో కనిపించే వెడల్పాటి, డైనమిక్ కార్నరింగ్ లైట్స్, స్పెషల్‌గా ట్యూన్ చేయబడిన పిఏఎస్ఎమ్ సస్పెన్షన్ సిస్టమ్, స్పోర్ట్స్ ఎగ్జాస్ట్ వంటి యాంత్రికపరమైన మార్పులను ఈ స్పెషల్ ఎడిషన్‌లో గమనించవచ్చు. ఈ స్పెషల్ ఎడిషన్‌లో 395 బిహెచ్‌పిల శక్తిని ఉత్పత్తి చేసే ఇంజన్‌ను ఉపయోగించారు. ఈ ఇంజన్ 7-స్పీడ్ మ్యాన్యువల్ మరియు డ్యూయెల్-క్లచ్ ఆటోమేటిక్ ట్రాన్సిమిషన్‌లతో జతచేయబడి ఉంటుంది.

పోర్షే 911 కరెరా ఎస్ 50వ వార్షికోత్సవ ఎడిషన్ మ్యాన్యువల్ వేరియంట్ కేవలం 4.5 సెకండ్ల వ్యవధిలోనే గంటకు 0 నుంచి 100 కి.మీ. వేగాన్ని మరియు ఆటోమేటిక్ వేరియంట్ కేవలం 4.3 సెకండ్ల వ్యవధిలోనే గంటకు 0 నుంచి 100 కి.మీ. వేగాన్ని అందుకుంటుంది. మ్యాన్యువల్ వేరియంట్ గరిష్ట వేగం గంటకు 300 కిలోమీటర్లు. ఆటోమేటిక్ వేరియంట్ గరిష్ట వేగం గంటకు 297 కిలోమీటర్లు. 20-ఇంచ్ ఫైవ్-స్పోక్ అల్లాయ్ వీల్స్, స్పెషల్ బ్యాడ్జ్‌లు, విభిన్న వింగ్ మిర్రర్స్, డ్యూయెల్ కలర్ ఆప్షన్‌లు ఈ మోడల్ సొంతం.

పోర్షే 911 కరెరా ఎస్

50వ వార్షికోత్స ఎడిషన్

ఫ్రంట్ ప్రొఫైల్

రియర్ వ్యూ

ఇంటీరియర్ వ్యూ

మీటర్ కన్సోల్

5-స్పోక్ అల్లాయ్ వీల్స్

సీట్స్

స్పెషల్ ఎడిషన్ బ్యాడ్జ్

మీటర్ కన్సోల్‌పై స్పెషల్ ఎడిషన్ బ్యాడ్జ్

హాఫ్ సెంచరీ ఎడిషన్..

పోర్షే 911 కరెరా ఎస్ 50