Click it and Unblock the Notifications
పోర్షే 911 టార్గా విడుదల: ధర, ఫీచర్లు, స్పెసిఫికేషన్లు
జర్మన్ లగ్జరీ కార్ కంపెనీ పోర్షే, తాజాగా భారత మార్కెట్లో మరో కొత్త కారును విడుదల చేసింది. 'పోర్షే 911 టార్గా' (Porsche 911 Targa) పేరుతో ఈ కొత్త కారును ప్రవేశపెట్టారు. ఇదొక ఓపెన్-టాప్ కారు. దేశీయ విపణిలో ఇది రెండు వేరియంట్లలో లభ్యం కానుంది అవి - టార్గా 4, టార్గా 4ఎస్. మార్కెట్లో వీటి ధరలు ఇలా ఉన్నాయి.
పోర్షే 911 టార్గా ధరలు:
- పోర్షే 911 టార్గా 4 - రూ.1.59 కోట్లు
- పోర్షే 911 టార్గా 4ఎస్ - రూ.1.78 కోట్లు
(అన్ని ధరలు ఎక్స్-షోరూమ్, ఢిల్లీ)
పోర్షే 911 టార్గా 4 స్పెసిఫికేషన్లు:
పోర్షే 911 టార్గా 4 వేరియంట్లో 3.4 లీటర్, 6-సిలిండర్ ఇంజన్ను ఉపయోగించారు. ఈ ఇంజన్ గరిష్టంగా 350 బిహెచ్పిల శక్తిని, 390 ఎన్ఎమ్ల టార్క్ని ఉత్పత్తి చేస్తుంది. ఈ ఇంజన్ 7-స్పీడ్ డ్యూయెల్ క్లచ్ ఆటోమేటిక్ ట్రాన్సిమిషన్ (పిడికె)తో అనుసంధానం చేయబడి ఉంటుంది. ఇది కేవలం 4.8 సెకన్లలో 0-100 కిలోమీటర్ల వేగాన్ని అందుకుంటుంది. దీని గరిష్ట వేగం గంటకు 282 కిలోమీటర్లు.
పోర్షే 911 టార్గా 4ఎస్ వేరియంట్లో 3.8 లీటర్, 6-సిలిండర్ ఇంజన్ను ఉపయోగించారు. ఈ ఇంజన్ గరిష్టంగా 400 బిహెచ్పిల శక్తిని, 440 ఎన్ఎమ్ల టార్క్ని ఉత్పత్తి చేస్తుంది. ఈ ఇంజన్ 7-స్పీడ్ డ్యూయెల్ క్లచ్ ఆటోమేటిక్ ట్రాన్సిమిషన్ (పిడికె)తో అనుసంధానం చేయబడి ఉంటుంది. ఇది కేవలం 4.4 సెకన్లలో 0-100 కిలోమీటర్ల వేగాన్ని అందుకుంటుంది. దీని గరిష్ట వేగం గంటకు 296 కిలోమీటర్లు.
పోర్షే 911 టార్గా మోడల్ కంపెనీ ఆప్షనల్ ప్యాకేజీలను కూడా అందిస్తోంది. కస్టమర్లు స్పోర్ట్ క్రోనో, కరెరా ఎస్ పవర్కిట్ ప్యాకేజీలను ఎంచుకోవచ్చు. అత్యాధునిక సాంకేతిక ఫీచర్లతో ఈ కారును తయారు చేశారు. ఇందులో అన్ని రకాల సేఫ్టీ, కంఫర్ట్, కన్వీనెసన్స్ ఫీచర్లు ఉన్నాయి.
Continue with Google