Click it and Unblock the Notifications
భారత్కు రానున్న పోర్షే 911 50వ వార్షికోత్స ఎడిషన్
జర్మన్ లగ్జరీ కార్ కంపెనీ పోర్షే, తమ సంస్థను స్థాపించి 50 ఏళ్లు పూర్తి చేసుకున్న సందర్భంగా కంపెనీ అందిస్తున్న 911 మోడల్ కారులో ఓ 50వ వార్షికోత్స ఎడిషన్ పోర్షే 911 కరెరా ఎస్ మోడల్ను ఆవిష్కరించిన సంగతి తెలిసినదే. తాజా అప్డేట్ ప్రకారం, ఈ లిమిటెడ్ ఎడిషన్ వేరియంట్ భారత మార్కెట్లో కూడా అందుబాటులోకి రానుంది. అయితే, ముందుగా బుక్ చేసుకున్న వారికి మాత్రమే ఈ బ్యూటీ సొంతమవుతుంది. రానున్న సెప్టెంబర్ నెలలో ఈ స్పెషల్ ఎడిషన్ కారు దేశీయ విపణిలో విడుదల కానున్నట్లు సమాచారం.
పోర్షే తమ సంస్థను 1963లో స్థాపించింది. ఈ నేపథ్యంలో తమ 50వ వార్షికోత్స ఎడిషన్ పోర్షే 911 కరెరా ఎస్ కారును కూడా కేవలం 1963 యూనిట్లను మాత్రమే ఉత్పత్తి చేయనుంది. ఇప్పటికే ఈ కారుకు ప్రపచం వ్యాప్తంగా బుకింగ్లు ప్రారంభమయ్యాయి. మీరు ఇలాంటి ఓ కారును సొంతం చేసుకోవాలనుకుంటే, వెంటనే మీ సమీపంలో పోర్షే అధీకృత డీలరు వద్దకు వెళ్లి ఈ కారును బుక్ చేసుకోండి. సెప్టెంబర్ నెలలో ఫ్రాంక్ఫర్ట్లో జరగనున్న అంతర్జాతీయ మోటార్ షో (ఐఏఏ)లో కంపెనీ ఈ కారును విడుదల చేయనుంది.
ప్రపంచ వ్యాప్తంగా ఇవి 1963 యూనిట్లు మాత్రమే అందుబాటులో ఉండనున్నాయి. సాధారణంగా కరెరా 4 మోడళ్లలో కనిపించే వెడల్పాటి, డైనమిక్ కార్నరింగ్ లైట్స్, స్పెషల్గా ట్యూన్ చేయబడిన పిఏఎస్ఎమ్ సస్పెన్షన్ సిస్టమ్, స్పోర్ట్స్ ఎగ్జాస్ట్ వంటి యాంత్రికపరమైన మార్పులను ఈ స్పెషల్ ఎడిషన్లో గమనించవచ్చు. ఈ స్పెషల్ ఎడిషన్లో 395 బిహెచ్పిల శక్తిని ఉత్పత్తి చేసే ఇంజన్ను ఉపయోగించారు. ఈ ఇంజన్ 7-స్పీడ్ మ్యాన్యువల్ మరియు డ్యూయెల్-క్లచ్ ఆటోమేటిక్ ట్రాన్సిమిషన్లతో జతచేయబడి ఉంటుంది.
పోర్షే 911 కరెరా ఎస్ 50వ వార్షికోత్సవ ఎడిషన్ మ్యాన్యువల్ వేరియంట్ కేవలం 4.5 సెకండ్ల వ్యవధిలోనే గంటకు 0 నుంచి 100 కి.మీ. వేగాన్ని మరియు ఆటోమేటిక్ వేరియంట్ కేవలం 4.3 సెకండ్ల వ్యవధిలోనే గంటకు 0 నుంచి 100 కి.మీ. వేగాన్ని అందుకుంటుంది. మ్యాన్యువల్ వేరియంట్ గరిష్ట వేగం గంటకు 300 కిలోమీటర్లు. ఆటోమేటిక్ వేరియంట్ గరిష్ట వేగం గంటకు 297 కిలోమీటర్లు. 20-ఇంచ్ ఫైవ్-స్పోక్ అల్లాయ్ వీల్స్, స్పెషల్ బ్యాడ్జ్లు, విభిన్న వింగ్ మిర్రర్స్, డ్యూయెల్ కలర్ ఆప్షన్లు ఈ మోడల్ సొంతం.
Continue with Google