మరింత శక్తివంతమైన మెర్సిడెస్ బెంజ్ ఏ-క్లాస్ విడుదల

By Ravi

Published: Thursday, March 12, 2015, 10:12 [IST]

జర్మన్ లగ్జరీ కార్ కంపెనీ మెర్సిడెస్ బెంజ్, భారత మార్కెట్లో విక్రయిస్తున్న ఏ-క్లాస్ కారులో మరింత శక్తివంతమైన వేరియంట్‌ను మార్కెట్లో విడుదల చేసింది. మెర్సిడెస్ బెంజ్ ఏ-క్లాస్‌లో ప్రస్తుతం లభిస్తున్న వాటి కన్నా మరింత శక్తివంతమైన డీజిల్ ఇంజన్‌ను కంపెనీ పరిచయం చేసింది.

మెర్సిడెస్ బెంజ్ ఏ-క్లాస్ ఏ 200 సిడిఐ స్పోర్ట్ ఇప్పుడు మరింత పవర్‌ను, పెర్ఫార్మెన్స్‌ను ఆఫర్ చేస్తుంది. ఇందులోని 2143సీసీ, 4-సిలిండర్ ఇంజన్ గరిష్టంగా 136 హెచ్‌పిల శక్తిని, 300 ఎన్ఎమ్‌ల టార్క్‌ని ఉత్పత్తి చేస్తుంది. ఈ ఇంజన్ 7-స్పీడ్ ఆటోమేటిక్ గేర్‍‌బాక్స్‌తో కనెక్ట్ చేయబడి ఉంటుంది.