9-స్పీడ్ గేర్‌బాక్స్‌తో 2014 రేంజ్ రోవర్ ఎవోక్ విడుదల

ఫ్యూయెల్ ఎకానమీ, ఎమిషన్స్

9-స్పీడ్ ట్రాన్సిమిషన్ జోడించిన ఈ కొత్త రేంజ్ రోవక్ ఎవోక్ 11.4 శాతం ఎక్కువ మైలేజీని, 9.5 శాతం తక్కువ కర్భన కర్భన వ్యర్థాలను విడుదల చేస్తుందని ల్యాండ్ రోవర్ పేర్కొంది. ఇందులో 148 హార్స్ పవర్‌ల శక్తిని ఉత్పత్తి చేసే 2.2 లీటర్ డీజిల్ ఇంజన్ సగటున లీటరుకు 24.48 కి.మీ. మైలేజీని, కిలోమీటరుకు 129 గ్రాముల కర్భన వ్యర్థాలను విడుదల చేస్తుంది.

యాక్టివ్ డ్రైవ్‌లైన్

ఇదొక ఆప్షనల్ ఫీచర్. ఈ ఫీచర్ వలన ఆల్-వీల్ డ్రైవ్, ఫ్రంట్-వీల్ డ్రైవ్‌లకు మధ్య ఆటోమేటిక్‌గా స్విచ్ చేసుకునే వీలుంటుంది. గంటకు గరిష్టంగా 35 కి.మీ. లేదా అంత కన్నా ఎక్కువగా నిర్ధిష్ట వేగంతో నడుపుతున్నప్పుడు ఫ్రంట్ వీల్ డ్రైవ్ యాక్టివేట్ అవుతుంది. డ్రైవింగ్ కండిషన్ మారినప్పుడు, కేవలం 300 మిల్లీ సెకండ్ల వ్యవధిలోనే యాక్టివ్ డ్రైవ్ సిస్టమ్ పనిచేసి ఆల్-వీల్ డ్రైవ్ సిస్టమ్ యాక్టివేట్ అవుతుంది.

యాక్టివ్ టార్క్ బయాసింగ్

యాక్టివ్ డ్రైవ్‌లైన్ ఫీచర్‌లో భాగంగానే, యాక్టివ్ టార్క్ బయాసింగ్ కూడా రోడ్డుపై మంచి గ్రిప్ కోసం టార్క్‌ను వెనుక చక్రాలకు యాంత్రికంగా పంపిణీ చేస్తుంది.

టార్క్ వెక్టరింగ్

ఇది స్టాండర్డ్‌గా ఆఫర్ చేసే ఓ ప్రత్యేక ఫీచర్. ఇది బ్రేక్ ఫోర్స్‌‌ను నాలుగు చక్రాలకు పంపిణీ చేసేందుకు సహకరిస్తుంది, ఫలితంగా అండర్‌స్టీరింగ్, ఓవర్‌స్టీరింగ్‌లను కంట్రోల్‌లో ఉంచుతుంది.

2014 రేంజ్ రోవర్ ఎవోక్‌లో అనేక స్టాండర్డ్, ఆప్షనల్ లగ్జరీ సేఫ్టీ ఫీచర్లు అందుబాటులో ఉండనున్నాయి. దీని డిజైన్‌లో కొద్దిపాటి మార్పులు చేర్పులు (కొత్త అల్లాయ్ వీల్స్, కొత్త కలర్ ఆప్షన్స్ మొదలైనవి) కూడా అందుబాటులో ఉంటాయి.