రేంజ్ రోవర్, రేంజ్ రోవర్ స్పోర్ట్‌లలో హైబ్రిడ్ వెర్షన్స్

ఇంజన్

ఈ రెండు హైబ్రిజ్ రేంజ్ రోవర్ కార్లలో రెగ్యులర్ రేంజ్ రోవర్లలో ఉపయోగించే అదే పాత 3.0 లీటర్ టర్బోఛార్జ్‌‌డ్ వి6 డీజిల్ ఇంజన్‌ను ఉపయోగించనున్నారు. దీనికి అదనంగా ఓ 37 కి.వా. (47 హెచ్‌పి) ఎలక్ట్రిక్ మోటార్‌ను జోడించనున్నారు. ఫలితంగా రేంజ్ రోవర్ హైబ్రిడ్ మోడళ్ల పవర్ 335 హార్స్ పవర్‌కు పెరుగుతుంది.

మైలేజ్, ఎమిషన్స్

2372 కేజీల బరువు ఉండే రేంజ్ రోవర్ స్పోర్ట్ హైబ్రిడ్, 2394 కేజీల బరువు ఉండే రేంజ్ రోవర్‌ హైబ్రిడ్‌లు, ఇందులో 120 కేజీల హైబ్రిడ్ యూనిట్ చేర్చడం వలన, వాస్తవానికి ఇవి తేలికగా ఉండవు. కానీ ఆశ్చర్యకర విషయం ఏంటంటే, ఇవి రెగ్యులర్ రేంజ్ రోవర్ మోడళ్ల కన్నా తేలికగానే ఉండటం విశేషం. ఈ వాహనాలు లీటరుకు 18.7 కి.మీ. మైలేజీనిస్తాయని, కిలోమీటరుకు 169 గ్రాముల కర్భన వ్యర్థాలను విడుదల చేస్తాయని ల్యాండ్ రోవర్ పేర్కొంది. ఈ మైలేజ్ రెగ్యులర్ వెర్షన్ రేంజ్ రోవర్ల కన్నా 16 శాతం అధికం.

పెర్ఫామెన్స్

జెడ్ఎఫ్ 8-స్పీడ్ ట్రాన్సిమిషన్‌తో జతచేయబడి ఉండే ఈ ఇంజన్ల నుంచి వెలువడే శక్తి నాలుగు చక్రాలకు (ఫోర్-వీల్ డ్రైవ్) సమానంగా పంపిణీ అవుతుంది. రెగ్యులర్ వెర్షన్ రేంజ్ రోవర్లలో ఉండే ఆఫ్-రోడింగ్ సామర్థ్యాలే ఈ హైబ్రిడ్ వెర్షన్లలోను ఉంటాయి. రేంజ్ రోవర్ హైబ్రిడ్ 7.1 సెకండ్ల వ్యవధిలో 0-100 కి.మీ. వేగాన్ని అందుకుంటుంది, దీని గరిష్ట వేగం గంటకు 217 కి.మీ. రేంజ్ రోవర్ స్పోర్ట్ హైబ్రిడ్ 6.9 సెకండ్ల వ్యవధిలో 0-100 కి.మీ. వేగాన్ని అందుకుంటుంది, దీని గరిష్ట వేగం గంటకు 225 కి.మీ.

ఎలక్ట్రిక్ మోడ్

ఈ హైబ్రిడ్ వాహనాల్లో పూర్తి ఎలక్ట్రిక్ మోడ్ కూడా ఉంటుంది, అయితే ఇది అంత ఉపయోగకరమైనది కారు. ఈ మోడ్‌లో రేంజ్ రోవర్ హైబ్రిడ్ వాహనాలను గంటకు గరిష్టంగా 48 కి.మీ. కంటే ఎక్కువ వేగంతో ప్రయాణించలేము, ఈ మోడ్‌లో కేవలం 1 మైలు దూరం మాత్రమే ప్రయాణించవచ్చు.