మీ పాత రెనో డస్టర్‌ను కూడా అడ్వెంచర్ ఎడిషన్‌గా మార్చుకోవచ్చు!

ఈ అడిషనల్ అడ్వెంచర్ ఎడిషన్ యాక్ససరీ ప్యాకేజ్‌తో ప్రస్తుత పాత డస్టర్లనే ఆఫ్-రోడర్‌లా కనిపించే డస్టర్ అడ్వెంచర్ ఎడిషన్‌గా మార్చేసుకోవచ్చు. ఈ యాక్ససరీ ప్యాకేజ్‌ను కంప్లీట్ కిట్‌గా కానీ లేదా ఇండివిడ్యువల్‌గా మీకు నచ్చిన భాగాలను మాత్రమే ఎంచుకునే వెసలుబాటు కూడా ఉంటుంది.

అయితే, రెగ్యులర్ అడ్వెంచర్ ఎడిషన్ డస్టర్‌‌లో లభించే స్పెషల్ ఫ్లోర్ మ్యాట్స్, సీట్ కవర్స్ వంటి మాత్రం ఈ ప్యాకేజ్‌లో లభ్యం కావు. కేవలం ఎక్స్టీరియర్ కిట్స్ మాత్రమే ఇందులో లభిస్తాయి. స్టాండర్డ్ వేరియంట్‌తో పోల్చుకుంటే రెగ్యులర్ డస్టర్ అడ్వెంచర్ ఎడిషన్ వేరియంట్ ధర సుమారు రూ.1 లక్ష వరకు అదనంగా ఉంటోంది. కానీ ఈ యాక్ససరీ ప్యాక్ మాత్రం తక్కువ ధరకే లభిస్తుంది.

కంప్లీట్ ఎక్స్టీరియర్ క్లాడింగ్ ప్యాకేజ్

ఇది కంప్లీట్ బాడీ కిట్. ఇందులో రెండు లైట్లతో కూడిన ఫ్రంట్ బంపర్ గార్డ్, ప్రొటెక్టివ్ సైడ్ మౌల్డింగ్, వీల్ ఆర్చెస్ క్లాడింగ్స్ లభిస్తాయి. ఈ కంప్లీట్ బాడీ కిట్ ధర రూ.62,390.

ఫ్రంట్ బంపర్ గార్డ్

రెండు లైట్లతో కూడిన ఫ్రంట్ బంపర్ గార్డ్‌ను మాత్రమే అమర్చుకోవాలనుకు వారు దీనిని ఎంచుకోవచ్చు. ఈ యాక్ససరీ కిట్ ధర రూ.18,410.

సైడ్ బాడీ క్లాడింగ్

కేవలం సైడ్స్ మాత్రమే మార్చుకోవాలనుకునే వారు రూ.19,320 చెల్లించి ఈ కిట్ కొనుగోలు చేయవచ్చు.

వీల్ ఆర్చెస్

అలా కాకుండా కేవలం వీల్ ఆర్చెస్ మాత్రమే మార్చుకోవాలనుకునే వారు రూ.24,660 చెల్లించి ఈ కిట్ కొనుగోలు చేయవచ్చు.

ఏ రెనో డస్టర్ వేరియంట్‌కైనా ఈ యాక్ససరీలను ఫిట్ చేసుకోవచ్చని గుర్తుంచుకోండి. కంపెనీ ఇటీవలే ప్రకటించిన రెనో డస్టర్ 1 లక్షవ ఎడిషన్‌కు కూడా ఈ యాక్ససరీలను ఫిక్స్ చేయించుకోవచ్చు. డస్టర్ అడ్వెంచర్ ఎడిషన్‌కు పెరిగిన పాపులారిటీని దృష్టిలో ఉంచుకొని కంపెనీ ఈ అడ్వెంచర్ యాక్ససరీ ప్యాక్‌ను ప్రవేశపెట్టింది.