కొత్త 2015 రెనో పల్స్ విడుదల: ధర, ఫీచర్లు, స్పెసిఫికేషన్లు

ఫ్రెంచ్ కార్ కంపెనీ రెనో ఇండియా, దేశీయ విపణిలో విక్రయిస్తున్న పల్స్ హ్యాచ్‌బ్యాక్‌లో కొత్త 2015 వెర్షన్‌ను విడుదల చేసింది. దేశవ్యాప్తంగా ఉన్న రెనో డీలర్‌షిప్ నెట్‌వర్క్‌ల ద్వారా ఈ కొత్త 2015 రెనో పల్స్ లభ్యం కానుంది. రానున్న నెలల్లో మరో కొత్త వాహనాన్ని కూడా విడుదల చేస్తామని (బహుశా రెనో లాజీ ఎమ్‌పివిని) కంపెనీ పేర్కొంది.

2015 రెనో పల్స్ ధర:
దేశీయ మార్కెట్లో కొత్త 2015 రెనో పల్స్ ప్రారంభ ధరను రూ.5.03 లక్షలు (ఎక్స్-షోరూమ్, ఢిల్లీ)గా నిర్ణయించారు. ఈ కొత్త మోడల్‌లో ఇదివరకటి పల్స్ హ్యాచ్‌బ్యాక్ కన్నా మరిన్ని అదనపు ఫీచర్లు ఉన్నాయని కంపెనీ తెలిపింది.

2015 రెనో పల్స్ ఇంజన్:

• కొత్త 2015 రెనో పల్స్ హ్యాచ్‌బ్యాక్‌లో ఉపయోగించిన 1.2 లీటర్ ఎక్స్‌హెచ్5 పెట్రోల్ ఇంజన్ గరిష్టంగా 74 హెచ్‌పిల శక్తిని, 104 ఎన్ఎమ్‌ల టార్క్‌ని ఉత్పత్తి చేస్తుంది. ఇది లీటరుకు 18.1 కిలోమీటర్ల మైలేజీని ఆఫర్ చేస్తుంది.
• కొత్త 2015 రెనో పల్స్ హ్యాచ్‌బ్యాక్‌లో ఉపయోగించిన 1.5 లీటర్ కె9కె డీజిల్ ఇంజన్ గరిష్టంగా 63 హెచ్‌పిల శక్తిని, 160 ఎన్ఎమ్‌ల టార్క్‌ని ఉత్పత్తి చేస్తుంది. ఇది లీటరుకు 23.1 కిలోమీటర్ల మైలేజీని ఆఫర్ చేస్తుంది.
• ఈ రెండు ఇంజన్లు కూడా 5-స్పీడ్ మ్యాన్యువల్ గేర్‌బాక్స్‌తో లభిస్తాయి. ఈ కొత్త వెర్షన్ పల్స్ హ్యాచ్‌బ్యాక్‌లో ఆటోమేటిక్ వేరియంట్ అందుబాటులో లేదు.

2015 రెనో పల్స్ ఫీచర్లు:

• ఆటోమేటిక్ హెడ్‌లైట్స్
• హైట్ అడ్జస్టబల్ డ్రైవర్ సీట్
• స్టీరింగ్ వీల్‌పై ఆడియో కంట్రోల్స్
• డ్యూయెల్ టోన్ డ్యాష్‌బోర్డ్
• పియానో బ్లాక్ ఫ్రంట్ ఫేసియా
• ఇంజన్ స్టార్ట్/స్టాప్ బటన్
• స్మార్ట్ కీ
• ఆటో ఫోల్డింగ్ సైడ్ మిర్రర్స్
• 2 డిన్ మ్యూజియ్ ఆడియో సిస్టమ్ (యూఎస్‌బి, బ్లూటూత్)

2015 రెనో పల్స్ సేఫ్టీ:

• ఏబిఎస్
• ఈబిడి
• డ్యూయెల్ ఎయిర్‌బ్యాగ్స్
• క్రాష్ సెన్సార్స్

బేసిక్ డిజైన్ పరంగా పెద్దగా ఎలాంటి మార్పులు లేకపోయినప్పటికీ ఎక్స్టీరియర్, ఇంటీరియర్ పరంగా కాస్మోటిక్ అప్‌గ్రేడ్స్ ఉన్నాయి. అయితే, కంపెనీ ఈ కొత్త 2015 రెనో పల్స్ మోడల్‌పై వారంటీని తగ్గించారు. గతంలో 80,000 కిలోమీటర్లు లేదా 4 ఏళ్లుగా ఉన్న వారంటీని ప్రస్తుతం 50,000 కిలోమీటర్లు లేదా రెండేళ్లకు తగ్గించారు.