భారత్‌లో 2014లో విడుదల కానున్న రెనో లాడ్జీ ఎమ్‌పివి

రెనో లాడ్జీ గురించి కొన్ని వాస్తవాలు:

రెనో లాడ్జీ ఒక 7-సీటర్ ఎమ్‌పివి.

2014 మధ్య భాగంలో దేశీయ విపణిలో విడుదల కావచ్చని అంచనా.

అంచనా ధర రూ.7 లక్షల నుంచి రూ.10 లక్షలు మధ్యలో.

2014 ఢిల్లీ ఆటో ఎక్స్‌పోలో విడుదల కావచ్చు.

ఇంజన్

ఇండియన్ మార్కెట్లో విడుదల కానున్న రెనో లాడ్జీ ఎమ్‌పివిలో పాపులర్ 1.5 లీటర్ కె9కె ఇంజన్‌ను ఉపయోగించవచ్చని తెలుస్తోంది. ఇది గరిష్టంగా 84 బిహెచ్‌పిల శక్తిని విడుదల చేస్తుంది. అలాగే, పెట్రోల్ వెర్షన్ రెనో లాడ్జీ ఎమ్‌పివిలో 1.6 లీటర్, 84 బిహెచ్‌పి ఇంజన్‌ను ఉపయోగించవచ్చని సమాచారం.

ఇండియాలో రెనో లాడ్జీ కాంపిటీషన్

గ్లోబల్ మార్కెట్లలో మంచి సక్సెస్ సాధించిన రెనో లాడ్జీ ఈ సెగ్మెంట్లో కెల్లా విశిష్టమైన ఫీచర్లను కలిగి ఉండి, భారత మార్కెట్లో ఈ సెగ్మెంట్లోని మారుతి సుజుకి ఎర్టిగా, నిస్సాన్ ఇవాలియా, టొయోటా ఇన్నోవా, మహీంద్రా జైలో వంటి మోడళ్లతో పోటీ పడనుంది.

ప్రస్తుతం భారత మార్కెట్లో యుటిలిటీ వాహనాలకు డిమాండ్ పెరుగుతున్న నేపథ్యంలో, డస్టర్ ఎస్‌యూవీని ఇక్కడి మార్కెట్లో విడుదల చేసి భారీ సక్సెస్‌ను సొంతం చేసుకున్న రెనో ఇండియా ఎమ్‌పివి విభాగంలో కూడా లాడ్జీ విడుదలతో సక్సెస్‌ను సాధించాలని భావిస్తోంది. రెనో ప్రస్తుతం గ్లోబల్ మార్కెట్లలో డాసియా బ్రాండ్‌తో లాడ్జీ ఎమ్‌పివిని విక్రయిస్తోంది.

రెనో లాడ్జీ ఎమ్‌పివికి సంబంధించిన లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూనే ఉండండి.