నేడు పర్యావరణ దినోత్సవం; ఉచిత పొల్యూషన్ చెకప్

ప్రపంచ పర్యావరణ దినోత్సవాన్ని (ప్రతి ఏటా జూన్ 5వ తేదీని వరల్డ్ ఎన్విరాన్మెంట్ డేగా జరుపుకుంటారు) పురస్కరించుకొని దేశవ్యాప్తంగా అన్ని కార్ మేకర్ల డీలర్ల ద్వారా 'ఉచిత కాలుష్య తనిఖీ' (ఫ్రీ పొల్యూషన్ చెకప్)ను నిర్వహించాలని భారత ఆటోమొబైల్ తయారీదారుల సంఘం (సియామ్) నిర్ణయించింది.

సియామ్ ఈ మేరకు ఆయా కార్ కంపెనీల డీలర్లతో చేతులు కలిపి దేశవ్యాప్తంగా ఈ కార్యక్రమాన్ని నిర్వహించనుంది. ఉదాహరణకు మీరు ఫోర్డ్ కారును ఉపయోగిస్తుంటే, ఈరోజు (05.06.2014) మీ ఫోర్డ్ కారును మీకు సమీపంలోని ఫోర్డ్ అధీకృత డీలర్‌షిప్ లేదా సర్వీస్ సెంటర్ వద్దకు తీసుకువెళ్లి ఉచితంగా పొల్యూషన్ చెకప్ చేయించుకొని, పియూసి సర్టిఫికెట్ కూడా పొందవచ్చు.

వాహనాల వలన పర్యావరణానికి కలిగే నష్టం గురించి వాహన యజమానుల్లో అవగాహనను పెంచడం, తద్వారా భావితరాలకు కాలుష్య రహిత సమాజాన్ని అందించడమే లక్ష్యంగా సియాన్ ఈ ప్రణాళికను విస్తృత స్థాయిలో అమలుపరుస్తోంది. మరి పర్యావరణానికి మీ వంతు కృషిలో భాగంగా, మీరు కూడా మీ కారును ఫ్రీ పియూసి చెకప్‌కు తీసుకువెళ్తున్నారా..?