Click it and Unblock the Notifications
సుజుకి ఆల్టో ఆర్ఎస్ టర్బో ఆవిష్కరణ
మారుతి సుజుకి మాతృసంస్థ, జపాన్ ఆటో దిగ్గజం సుజుకి మోటార్ కార్పోరేషన్ అంతర్జాతీయ మార్కెట్లలో విక్రయిస్తున్న ఆల్టో బ్రాండ్లో కంపెనీ ఓ పవర్ఫుల్ వెర్షన్ను డిజైన్ చేసింది. 'సుజుకి ఆల్టో ఆర్ఎస్ టర్బో' (Suzuki Alto RS Turbo) కంపెనీ డిజైన్ చేసిన ఓ కాన్సెప్ట్ వాహనాన్ని వచ్చే ఏడాది జనవరి నెలలో జపాన్లో జరగనున్న టోక్యో ఆటో సెలన్లో ప్రదర్శనకు ఉంచనుంది.
ఈ నేపథ్యంలో, సుజుకి తమ ఆల్టో ఆర్ఎస్ టర్బో మోడల్ అఫీషియల్ ఫొటోని, వివరాలను వెల్లడి చేసింది. జపాన్ మార్కెట్లో సుజుకి విక్రయిస్తున్న స్టాండర్డ్ వెర్షన్ ఆల్టో మోడల్కి టర్బోచార్జ్డ్ వెర్షనే ఈ ఆల్టో ఆర్ఎస్ టర్బో. ఈ కారులో, 660సీసీ టర్బోచార్జ్డ్ పెట్రోల్ ఇంజన్ను ఉపయోగించారు. ఈ ఇంజన్ పెర్ఫార్మెన్స్ వివరాలను కంపెనీ జనవరి 2015లో వెల్లడించనుంది.
ఈ ఇంజన్ను పూర్తిగా సరికొత్త ప్లాట్ఫామ్పై తయారు చేశారు, ఇదివరకటి ఇంజన్లతో పోల్చుకుంటే ఇది చాలా తేలికగా (సుమారు 60 కేజీలు) ఉంటుంది. సుజుకి అందిస్తున్న స్టాండర్డ్ వెర్షన్ కీ (Kei) కార్లలో 5-స్పీడ్ ఆటోమేటెడ్ మ్యాన్యువల్ లేదా సివిటిని ఆఫర్ చేస్తున్నారు. కాగా.. ఈ కొత్త సుజుకి ఆల్టో ఆర్ఎస్ టర్బో మోడల్లో కూడా ఇదే ట్రాన్సిమిషన్ను ఆఫర్ చేయవచ్చని సమాచారం.
స్టాండర్డ్ సుజుకి ఆల్టోకి ఈ కొత్త సుజుకి ఆల్టో ఆర్ఎస్ టర్బో మోడల్కి అనేక కాస్మోటిక్ అప్గ్రేడ్స్ ఉంటాయి. వైట్ కలర్ బాడీ పెయింట్, రెడ్ డీకాల్స్ అండ్ డీటేలింగ్స్, వెనుక వైపు ఆర్ఎస్ బ్యాడ్జ్, ప్రొజెక్టర్ హెడ్ ల్యాంప్స్, క్రోమ్ గార్నిష్ వంటి అప్డేట్స్ ఉన్నాయి. ఈ కారులో పెద్ద 17-ఇంచ్ రెడ్ కలర్ అల్లాయ్ వీల్స్ను ఆఫర్ చేస్తున్నారు. మార్చ్ 2015 నాటికి ఈ స్పోర్టీ మోడల్ జపాన్ మార్కెట్లో విడుదల కావచ్చని అంచనా.
Continue with Google