స్పెషల్ ఎడిషన్ ఎర్టిగా ఎలిగాంట్‌ను విడుదల చేసిన సుజుకి

స్పెషల్ ఎడిషన్

భారత మార్కెట్లో తయారైన మారుతి సుజుకి ఎర్టిగాను, మారుతి మాతృసంస్థ జపాన్‌కు చెందిన సుజుకి మోటార్ కార్పోరేషన్ సుజుకి ఎర్టిగా పేరుతో ఇండోనేషియా మార్కెట్లో అందిస్తుంది. అక్కడి మార్కెట్లో ఈ మోడల్ భారీ హిట్ కావటంతో, కంపెనీ ఇందులో 'ఎర్టిగా ఎలిగాంట్' అనే స్పెషల్ ఎడిషన్‌ను ప్రవేశపెట్టింది.

ఎక్స్టీరియర్ ఫీచర్లు

ఈ స్పెషల్ ఎడిషన్‌ను ఎర్టిగా జిఎక్స్ వేరియంట్ ఆధారంగా చేసుకొని అభివృద్ధి చేశారు. ఇది సైడ్ మౌల్డింగ్స్, బాడీ స్కర్టింగ్, రియర్ రూఫ్ స్పాయిలర్, ఎగ్జాస్ట్ ఎక్స్‌టెన్షన్, వెనుక వైపు క్రోమ్ గార్నిష్ మరియు ఎలిగాంట్ బ్యాడ్జ్‌‌లతో లభిస్తుంది.

ఇంటీరియర్ ఫీచర్లు

ఇంటీరియర్ల విషయానికి వస్తే, ఇతర వేరియంట్లలో ఆప్షన్ ఫీచ్‌గా ఉన్న లెథర్ అప్‌హోలెస్ట్రీని ఇందులో ఆఫర్ చేస్తున్నారు. ఎర్టిగా ఫెలిజ్ లిమిటెడ్ ఎడిషన్‌లో ఆఫర్ అన్ని ఇంటీరియర్ ఫీచర్లను ఈ ఎర్టిగా ఎలింగాంట్‌లోను ఆఫర్ చేస్తున్నారు.

ఇంజన్

ఇంజన్ పరంగా ఎర్టిగా ఎలిగాంట్‌లో ఎలాంటి మార్పులు లేవు. ఇండోనేషియా మార్కెట్లో లభ్యమవుతున్న ఎర్టిగా ఎలిగాంట్‌లో 1.4 లీటర్ కె-సిరీస్ పెట్రోల్ ఇంజన్‌ను ఉపయోగించారు. ఇది 5-స్పీడ్ మ్యాన్యువల్ లేదా 4-స్పీడ్ ఆటోమేటిక్ ట్రాన్సిమిషన్ ఆప్షన్లతో అందుబాటులో ఉంటుంది.

సికెడి అసెంబ్లింగ్

ఎర్టిగాను భారత్ నుంచి సికెడి (కంప్లీట్లీ నాక్డ్ డౌన్) రూపంలో ఇండోనేషియాకు దిగుమతి చేసుకుని అక్కడి మార్కెట్లో అసెంబ్లింగ్ చేస్తున్నారు. ఈ మోడల్‌కు పెరుగుతున్న డిమాండ్‌ను దృష్టిలో ఉంచుకొని, దీని అసెంబ్లింగ్ సామర్థ్యాన్ని పెంచేందుకు కంపెనీ సన్నాహాలు చేస్తుంది.

ధర

ఇండోనేషియా మార్కెట్లో సుజుకి ఎర్టిగా ఎలిగాంట్ ఎమ్‌పివి ధర 10 మిలియన్ రుపయ్య (మనదేశ కరెన్సీలో సుమారు రూ.59,480) లుగా ఉంది.

భారత మార్కెట్లో విడుదల

ఎర్టిగా ఫెలిజ్ లిమిటెడ్ ఎడిషన్ భారత మార్కెట్లో విడుదలైనట్లుగానే, ఈ ఎర్టిగా ఎలిగాంట్ కూడా భారత మార్కెట్లో విడుదలయ్యే అవకాశాలున్నాయి. బహుశా పండుగ సీజన్‌లో ఇది విడుదలైనా ఆశ్చర్యపోవాల్సిన అవసరం లేదు.