Click it and Unblock the Notifications
సుజుకి ఎస్-క్రాస్: సెడాన్-ఎస్యూవీల కాంబినేషన్
మీకు సుజుకి ఎస్-క్రాస్ గుర్తుందా..? 2012వ అంతర్జాతీయ ప్యారిస్ మోటార్ షోలో జపాన్ ఆటో దిగ్గజం సుజుకి మోటార్ కార్పోరేషన్ ఆవిష్కరించిన క్రాసోవర్ కాన్సెప్ట్ ఇది. ప్రస్తుతం ఈ కాన్సెప్ట్ ప్రొడక్షన్ దశకు చేరుకుంది. అంతేకాదు, రానున్న జనవరిలో ఆస్ట్రేలియా మార్కెట్లలో కూడా విడుదల కానుంది.
ఈ కాంపాక్ట్ ఎస్యూవ/క్రాసోవర్ను అక్కడి మార్కెట్లో 23,990 డాలర్లకు (మనదేశ కరెన్సీలో సుమారు రూ.13.2 లక్షల) విక్రయించనున్నారు. మొత్తం 4.3 మీటర్ల పొడవు ఉండే సుజుకి ఎస్-క్రాస్ ప్రస్తుత ఎస్ఎక్స్4 కన్నా తక్కువ ఎత్తును, ఎక్కువ వెడల్పును కలిగి ఉండటమే కాకుండా, 100 కేజీలు తక్కువ బరువును కలిగి ఉండి, ఎక్కువ మైలేజీని ఆఫర్ చేస్తుంది.
మరి ఈ సుజుకి ఎస్-క్రాస్ భారత్కు వస్తుందా..? మరిన్ని వివరాలను క్రింది ఫొటో ఫీచర్లో పరిశీలించండి.
సుజుకి ఎస్-క్రాస్ క్రాసోవర్ కాన్సెప్ట్ తక్కువ కర్భన ఉద్ఘారాలను విడుదల చేస్తూ, మంచి డ్రైవింగ్ డైనమిక్స్ను కలిగి ఉంటుంది. అధిక లగేజ్ స్పేస్, విశాలమైన ఇంటీరియర్స్ వంటి సౌకర్యాలను దృష్టిలో ఉంచుకొని కంపెనీ ఈ క్రాసోవర్ను డిజైన్ చేసింది.
మారుతి సుజుకి బెస్ట్ సెల్లింగ్ హ్యాచ్బ్యాక్ స్విఫ్ట్, పవర్ఫుల్ సి-సెగ్మెంట్ సెడాన్ ఎస్ఎక్స్4, ప్రీమియం సెడాన్ కిజాల నుంచి స్ఫూర్తి పొంది కంపెనీ సుజుకి ఎస్-క్రాస్ను తయారు చేశారు.ఇది మంచి ఆన్-రోడ్ డ్రైవ్ డైనమిక్స్, మైలేజ్, పెర్ఫామెన్స్లను ఆఫర్ చేస్తుంది.
సుజుకి ఎస్-క్రాస్ క్రాసోవర్లో ఫోర్-వీల్ డ్రైవ్ ఆప్షన్ను కూడా సుజుకి అభివృద్ధి చేస్తోంది. రోజూవారీ అవసరాలు, వారాంతపు దూర ప్రయాణాలకు అనువుగా సుజుకి తమ ఎస్-క్రాస్ క్రోసోవర్ కారును తీర్చిదిద్దారు.
డైనమిక్ లైన్స్, ఎల్ఈడి హెడ్లైట్స్, ఫాగ్ ల్యాంప్స్, టెయిల్ ల్యాంప్స్, స్పోర్టీ ఏరోడైనమిక్ డిజైన్, ఫ్లేర్డ్ వీల్ ఆర్చెస్, ఫ్రంట్ స్కిడ్ ప్లేట్, క్రోమ్ ఫ్రంట్ గ్రిల్, స్లీక్ రూఫ్ రెయిల్స్ వంటి ఫీచర్లు సుజుకి ఎస్-క్రాస్ క్రాసోవర్లో ప్రధానంగా చెప్పుకోదగినవి.
ఎస్-క్రాస్ క్రాసోవర్లో సుజుకి ప్లష్ ఇంటీరియర్స్ను పరిచయం చేసింది. అధునాత సాంకేతి పరిజ్ఞానాన్ని ఉపయోగించి సుజుకి ఈ కారును తయారు చేశారు. భారత్లో కాంపాక్ట్ కార్లకు గిరాకీ ఎక్కువగా ఉన్న నేపథ్యంలో సుజుకి తమ ఎస్-క్రాస్ను భారత్లో కూడా విడుదల చేసే అవకాశం ఉంది. అయితే, ఇది 2015 తర్వాతే రావచ్చని అంచనా.
Continue with Google