'టాటా బోల్ట్' హ్యాచ్‌బ్యాక్ ఆవిష్కరణ - వివరాలు

టాటా మోటార్స్ యొక్క ఎక్స్1 ప్లాట్‌ఫామ్‌ను ఆధారంగా చేసుకొని కొత్త టాటా బోల్ట్ హ్యాచ్‌బ్యాక్‌ను తయారు చేశారు.

కొత్త టాటా బోల్ట్ హ్యాచ్‌బ్యాక్ ఫ్రంట్ డిజైన్ పూర్తిగా కొత్తగా అనిపిస్తుంది. టాటా 'హ్యుమినిటీ' లైన్ కాన్సెప్ట్ ఆధారంగా చేసుకొని డిజైన్ చేసిన ఫ్రంట్ గ్రిల్, కొత్త హెడ్‌ల్యాంప్స్, ఎల్ఈడి డేటైమ్ రన్నింగ్ ల్యాంప్స్, కొత్త బంపర్స్, కొత్త కల్ ఆప్షన్స్‌ ఇందులో ప్రత్యేక ఆకర్షణలు.

ఈ కారులో లేటెస్ట్ ఎలక్ట్రానిక్ ఎమినిటీస్‌తో అప్‌గ్రేడ్ చేసిన సరికొత్త ఇంటీరియర్లు కూడా ప్రత్యేక ఆకర్షణగా నిలుస్తాయి.

టాటా బోల్ట్ కారులో మరో ప్రధానమైన మార్పు ఏంటంటే, టాటా మోటార్స్ ఇటీవల విడుదల చేసిన 1.2 లీటర్ రెవోట్రాన్ ఎమ్‌పిఎఫ్ఐ టర్బోఛార్జ్‌డ్ పెట్రోల్ ఇంజన్‌ను ఇందులో ఉపయోగించారు.

అలాగే బోరింగ్ రెగ్యులర్ 1.3 లీటర్ మల్టీజెట్ డీజిల్ ఇంజన్‌కు బదులుగా ఇందులో శక్తివంతమైన 1.5 లీటర్ మల్టీజెట్ డీజిల్ ఇంజన్‌ను ఉపయోగించారు.

ఈ కారులో ఆఫర్ చేయనున్న కొన్ని ముఖ్యమైన ఫీచర్ల విషయానికి వస్తే, ఇందులో 5 ఇంచ్ టచ్‍స్క్రీన్‌తో కూడిన హార్మన్ ఇన్ఫోటైన్‌మెంట్ సిస్టమ్, బ్లూటూత్ ఫోన్ కనెక్టివిటీ, వాయిస్ రికగ్నైజేషన్ అండ్ టెక్స్ట్ టూ స్పీచ్ సిస్టమ్, ఫోన్ ఆధారిగా నావిగేషన్ సిస్టమ్ వంటి మరెన్నో అధునాతన ఫీచర్లున్నాయి.

ఫిబ్రవరి 5, 2014వ తేది నుంచి ప్రారంభం కానున్న 12వ ఎడిషన్ ఢిల్లీ ఆటో ఎక్స్‌పోలో టాటా మోటార్స్ ఈ కొత్త కారుతో పాటుగా జెస్ట్ కాంపాక్ట్ సెడాన్‌ను కూడా ప్రదర్శించనుంది.

లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూ ఉండండి.