గాలి వార్త కాదు.. గాలితో నడిచే టాటా ఎయిర్‌పాడ్!

గడచిన 2007వ సంవత్సరంలో మోటార్ డెవలప్‌మెంట్ ఇంటర్నేషనల్ (లక్సెంబర్గ్) మరియు టాటా మోటార్స్ కంపెనీలు ఓ ఒప్పందాన్ని కుదుర్చుకున్నాయి. ఈ ఒప్పందంలో భాగంగా, ఎమ్‌డిఐ టెక్నాలజీని ఉపయోగించి కంప్రెస్డ్-ఎయిర్ ద్వారా నడిచే కార్లను అభివృద్ధి చేయనున్నారు.

టాటా మోటార్స్ ఇప్పటికే ప్రొడక్షన్‌కు సిద్ధంగా ఉన్న ఎయిర్-పవర్డ్ వాహనాలను పలు ఆటో షోలలో ప్రదర్శనకు ఉంచింది. కంప్రెస్డ్-ఎయిర్‌తో నడిచే రెండు వాహనాలను అభివృద్ధి చేశారు. వీటిలో ఒకటి చిన్న తరహా వాణిజ్య వాహనంగానూ, మరొకటి ప్యాసింజర్ కారు గానూ ఉండనున్నాయి.

కంప్రెస్డ్-ఎయిర్‌తో నడిచే వాహనాలు గరిష్టంగా గంటకు 80 కి.మీ. వేగంతో పరుగులు తీయగలవు. సిలిండర్లలో ఉండే ఎయిర్ (గాలి)తో సుమారు 300 కి.మీ రేంజ్ వరకూ ప్రయాణించవచ్చు.

ఈ ఎయిర్-పవర్డ్ కారులో ఓ ఎయిర్‌ ట్యాంక్ అమర్చబడి ఉంటుంది. దీనిని నింపడానికి కేవలం రెండు డాలర్లు (సుమారు 120 రూపాయలు) మాత్రమే ఖర్చు అవుతుంది. ఇంటిలో ఉండే ఎయిర్ కంప్రెసర్ ద్వారా ఈ ట్యాంక్‌ను ఫిల్ చేసుకోవడానికి 3-4 గంటల సమయం పడుతుంది.

తక్కువు బరువుండేలా ఈ కారును డిజైన్ చేయటం వలన ఎక్కువ దూరం ప్రయాణించేదుకు వీలవుతుంది. దీనిలో కంబస్టియన్ ఇంజన్ ఉండదు కాబట్టి, కేవలం 50,000 కి.మీ. ఒక్కసారి చొప్పున ఆయిల్ మార్పిడి చేస్తే సరిపోతుంది.