టెస్టింగ్ దశలో కెమెరాకు చిక్కిన 'టాటా నానో ప్లస్'

టాటా నానో ప్లస్ వేరియంట్లో 1.0 లీటర్, 3-సిలిండర్ పెట్రోల్ ఇంజన్‌ను ఉపయోగించనున్నట్లు సమాచారం. కంపెనీ ఇప్పటికే ఈ వేరియంట్‌ను పూనే-కొల్హాపూర్ ప్రాంతంలోని ఎన్‌హెచ్4 రహదారిపై టెస్టింగ్ చేస్తోంది.

టాటా నానో ప్లస్ వేరియంట్లో ఫ్రంట్ డిస్క్ బ్రేక్స్, ఇంప్రూవ్డ్ ఎయిర్ కండిషనింగ్, బకెట్ సీట్స్, కొత్త డ్యాష్‌బోర్డ్, ఎల్ఈడి హెడ్‌ల్యాంప్స్, ఫాగ్ లైట్స్, రివైజ్డ్ హుడ్ స్టయిలింగ్, ఓపనబల్ టెయిల్ వంటి ఆకర్షనీయమైన ఫీచర్లు ఉంటాయని సమాచారం.

టాటా నానో ప్లస్‌లో ఉపయోగించనున్న ఈ 1.0 లీటర్ ఇంజన్ మరింత స్మూత్‌గా ఉండి, మరింత వేగంగా యాక్సిలరేట్ అవుతుంది. అంటే, మొత్తమ్మీద ఇది ప్రస్తుత 0.6 లీటర్ టాటా నానో కన్నా మెరుగైన పెర్ఫామెన్స్‌ను ఆఫర్ చేయనుందన్నమాట.

ఈ కొత్త టాటా నానో ప్లస్ ఫైనల్ ప్రొడక్షన్ వేరియంట్‌ను కంపెనీ వచ్చే నెలలో జరగనున్న 2014 ఇండియన్ ఆటో ఎక్స్‌పోలో ప్రదర్శించవచ్చనే వార్తలు వినిపిస్తున్నాయి.

డీజిల్ వెర్షన్ టాటా నానో గురించి కంపెనీ నోరు విప్పకపోయినప్పటికీ, ఇందులో కంపెనీ తాజాగా అభివృద్ధి చేస్తున్న 800సీసీ కామన్ రెయిల్ డీజిల్ ఇంజన్‌ను ఉపయోగించనున్నట్లు సమాచారం. ఈ ఇంజన్ గరిష్టంగా 40.2 బిహెచ్‌పిల శక్తిని, 70 ఎన్ఎమ్‌ల టార్క్‌ను ఉత్పత్తి చేయవచ్చని తెలుస్తోంది. టాటా నానో డీజిల్ లీటరుకు 30 కి.మీ. లకు పైగా మైలేజీని ఇవ్వొచ్చని అంచనా.