ఆటో ఎక్స్‌పో 2014: టాటా నెక్సన్ కాంపాక్ట్ ఎస్‌యూవీ

టాటా మోటార్స్ ఇటీవలే ఆవిష్కరించిన బోల్ట్ హ్యాచ్‌బ్యాక్, జెస్ట్ కాంపాక్ట్ సెడాన్లను తయారు చేసిన ఎక్స్1 ప్లాట్‌ఫామ్‌ను ఆధారంగా చేసుకొనే ఈ సరికొత్త టాటా నెక్సన్ కాంపాక్ట్ ఎస్‌యూవీ కాన్సెప్ట్‌ను కూడా తయారు చేశారు.

టాటా నెక్సన్ కాంపాక్ట్ ఎస్‌యూవీ కాన్సెప్ట్ ఖచ్చితంగా 4 మీటర్ల పొడవును కలిగి ఉండి, 1.73 మీటర్ల వెడల్పును, 1.6 మీటర్ల ఎత్తును మరియు 2.45 మీటర్ల వీల్‌బేస్‌ను కలిగి ఉంటుంది.

టాటా నెక్సన్ కాంపాక్ట్ ఎస్‌యూవీ కాన్సెప్ట్‌లో 1.2 లీటర్ టర్బోచార్జ్డ్ పెట్రోల్ ఇంజన్‌ను ఉపయోగించనున్నారు. ఈ ఇంజన్ గరిష్టంగా 108 బిహెచ్‌పిల శక్తిని, 170 ఎన్ఎమ్‌ల టార్క్‌ను ఉత్పత్తి చేస్తుంది. ఈ ఇంజన్ 5-స్పీడ్ సెమీ-ఆటోమేటిక్ ట్రాన్సిమిషన్‌ (ఏఎమ్‌టి మాదిరిగానే)తో అనుసంధానం చేయబడనుంది.

ప్రొడక్షన్ వెర్షన్ టాటా నెక్సన్ కాంపాక్ట్ ఎస్‌యూవీ ఫ్రంట్ వీల్ డ్రైవ్ మరియు ఆల్ వీల్ డ్రైవ్ ఆప్షన్లను అందుబాటులో ఉంచొచ్చని అంచనా.

పెట్రోల్ వెర్షన్ టాటా నెక్సన్ గరిష్టంగా గంటకు 180 కిలోమీటర్ల వేగంతో పరుగులు తీస్తుంది. ఇది లీటరుకు 17.6 కిలోమీటర్ల మైలేజీని ఆఫర్ చేస్తుంది.

రానున్న 24 నెలల్లో టాటా నెక్సన్ కాన్సెప్ట్‌ను ఉత్పత్తి దశకు తీసుకువెళ్తామని కంపెనీ ప్రకటించింది. అంటే, 2016 ఆరంభం నాటికి ఇది రోడ్లపై పరుగులు తీసే ఆస్కారం ఉంది.

ఢిల్లీ ఆటో ఎక్స్‌పో ఎస్‌యూవీలో టాటా నెక్సన్ కాంపాక్ట్ ఎస్‌యూవీ కాన్సెప్ట్ ఆవిష్కరణ.

ఢిల్లీ ఆటో ఎక్స్‌పో ఎస్‌యూవీలో టాటా నెక్సన్ కాంపాక్ట్ ఎస్‌యూవీ కాన్సెప్ట్ ఆవిష్కరణ. టాటా నెక్సన్ రియర్ ప్రొఫైల్‌ను ఈ ఫొటోలో చూడొచ్చు.