మారుతి ఆల్టోకి పోటీగా వస్తున్న టాటా పెలికాన్!

టాటా పెలికాన్ కారు ఇంజన్ విభిన్న ఇంజన్ ఆప్షన్లతో లభ్యం కానున్నట్లు తెలుస్తోంది. ఇందులో ఒకటి 1000సీసీ లీటర్ పెట్రోల్ ఇంజన్ కాగా, మరొకటి 800సీసీ ఇంజన్.

టాటా మోటార్స్ సనంద్ ప్లాంట్‌లో ఉత్పత్తి సామర్థ్యాన్ని పూర్తిస్థాయిలో వినియోగించుకునే దిశలో భాగంగా మరియు చిన్న కార్ మార్కెట్లో ఓ మంచి కారును ఆఫర్ చేయాలనే భావనతో కంపెనీ ఈ కొత్త హ్యాచ్‌బ్యాక్‌ను ప్రత్యేకించి ఇండియన్ మార్కెట్ కోసం డిజైన్ చేస్తోంది.

టాటా మోటార్స్ డెవలప్ చేస్తున్న ఈ పెలికాన్ హ్యాచ్‌బ్యాక్‌ను టాటా నానో కారుకి ఎగువన ప్రవేశపెట్టనున్నారు. అంతేకాకుండా.. ఈ కొత్త మోడల్‌ను ఓ కొత్త బ్రాండ్ పేరుతో విక్రయించనున్నారు.

టాటా పెలికాన్ డీజిల్ ఇంజన్ ఆప్షన్‌తో కూడా లభ్యం కానుంది. ఇందులో 800సీసీ డీజిల్ ఇంజన్‌ను ఉపయోగించనున్నారు. ఇది ఎక్కువ మైలేజీనిస్తుందని సమాచారం. అంతేకాకుండా.. దేశంలో కెల్లా అత్యంత చవకైన డీజిల్ కారుగా కూడా రికార్డు సృష్టించే అవకాశం ఉంది.

టాటా పెలికాన్ కారును ఇండియన్ మార్కెట్లోనే కాకుండా పలు అంతర్జాతీయ మార్కెట్లలో కూడా విడుదల చేసే అవకాశం ఉంది. లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ని గమనిస్తూ ఉండండి.