హైదరాబాద్‌లో ది ఇండియన్ లగ్జరీ ఎక్స్‌పో 2013 ప్రారంభం

హైదరాబాదీలు ఆకట్టుకునేందుకు 2013 ఎడిషన్ ఇండియన్ లగ్జరీ ఎక్స్‌పో సిద్ధమైంది. డిసెంబర్ 13న ప్రారంభమైన ఈ ఎక్స్‌పో డిసెంబర్ 15 (ఆదివారం) వరకు కొనసాగుతుంది.

రాయదుర్గంలోని జేఆర్‌సీ కన్వెన్షన్ సెంటర్‌లో తిరుపతి ఎమ్మెల్యే భూమన కరుణాకర్ రెడ్డి శుక్రవారం రోజు ఈ ప్రదర్శనను ప్రారంభించారు.

గడచిన సంవత్సరం ప్రారంభించిన 2012 ఎడిషన్ ఇండియన్ లగ్జరీ ఎక్స్‌పో మంచి సక్సెస్‌ను సాధించడంతో ఈసారి 2013 ఎడిషన్ లగ్జరీ ఎక్స్‌పోను మరింత విస్తృతంగా నిర్వహిస్తున్నారు.

ఈ ఎక్స్‌పోకు విచ్చేసే అతిథులను ప్రత్యేకంగా పర్సనల్ ఇన్విటేషన్ ద్వారా ఆహ్వానించడం జరుగుతుందని, అడ్వైజరీ బోర్డ్ సభ్యుల ద్వారా ఈ క్లైంట్‌లను ఎంచుకోవడం జరుగుతుందని నిర్వాహకులు చెబుతున్నారు.

ఎయితే, ఎవరైనా ఈ ఎక్స్‌పోకు రావాలని నిర్ణయించుకొని, అలాంటి వారికి పర్సనల్ ఇన్విటేషన్ అందకపోయినట్లయితే, వారు నేరుగా వేదిక దగ్గర పాస్‌ను కొనుగోలు చేసుకోవటం లేదా బుక్ మై షో ద్వారా ఆన్‌లైన్‌లో రిజిస్టర్ చేసుకోవటం చేయవచ్చు.

అయితే, ఎవరైనా ఈ ఎక్స్‌పోకు రావాలని నిర్ణయించుకొని, అలాంటి వారికి పర్సనల్ ఇన్విటేషన్ అందకపోయినట్లయితే, వారు నేరుగా వేదిక దగ్గర పాస్‌ను కొనుగోలు చేసుకోవటం లేదా బుక్ మై షో ద్వారా ఆన్‌లైన్‌లో రిజిస్టర్ చేసుకోవటం చేయవచ్చు.

ది ఇండియన్ లగ్జరీ ఎక్స్‌పో - 2013లో మొత్తం 35 బ్రాండ్‌లు పాల్గొని, తమ ఉత్పత్తులను ప్రదర్శనకు/విక్రయానికి ఉంచనున్నాయి.

ఈ 35 బ్రాండ్లలో ఆటోమొబైల్ బ్రాండ్ల విషయానికి వస్తే, ఆస్టన్ మార్టిన్, పోలారిస్, వోల్వో, జాగ్వార్ ల్యాండ్ రోవర్, హ్యోసంగ్, బిఎమ్‌డబ్ల్యూ మోటారాడ్ బ్రాండ్లున్నాయి.

ఈ ఫొటోలో ఆస్టన్ మార్టిన్ వి8 వ్యాంటేజ్ కారును చూడొచ్చు.

ఈ ఏడాది జరుగుతున్న 2013 ఇండియన్ లగ్జరీ ఎక్స్‌పోలో 'లాంబోర్గినీ ముర్సిలాగో ఎల్‌పి-640' సూపర్‌కారు ప్రధాన ఆకర్షణగా నిలిచింది.

ఈ లాంబోర్గినీ ముర్సిలాగో ఎల్‌పి-640 సూపర్‌కారు మరెవరిదో కాదు. మన ఇండియన్ క్రికెటర్ యువరాజ్ సింగ్‌ది. సికింద్రాబాద్‌కు చెందిన సందీప్‌సింగ్ ఈ కారును యువరాజ్ నుంచి కొనుగోలు చేసి ఇక్కడ ప్రదర్శించేందుకు తీసుకొచ్చారు.

సందీప్ సింగ్ ఈ కారును కొనుగోలు చేయటం కోసం సుమారు రూ.7.50 కోట్లు చెల్లించినట్లు సమాచారం. ఈ కారులో 6.5 లీటర్ వి-12 డిఓహెచ్‌సి పెట్రోల్ ఇంజన్‌ను ఉపయోగించారు. ఇది గరిష్టంగా 649 బిహెచ్‌పిల శక్తిని, 67.3 కెజిఎమ్‌ల టార్క్‌ను ఉత్పత్తి చేస్తుంది. సిక్స్-స్పీడ్ మ్యాన్యువల్ ట్రాన్సిమిషన్ సిస్టమ్, ఆల్-వీల్ డ్రైవ్ ఆప్షన్‌తో ఇది లభిస్తుంది.

ఈ సూపర్ కారు కేవలం 3.8 సెకండ్లలోనే 0-100 కిలోమీటర్ల వేగాన్ని అందుకుంటుంది. ఇది గరిష్టంగా గంటకు 340 కి.మీ. వేగంతో పరుగులు పెడుతుంది. దీని ఇంధన ట్యాంక్ సామర్థ్యం 100 లీటర్లు. ఇది లీటరు పెట్రోల్‌కు కేవలం 3-5 కి.మీ. మైలేజిని మాత్రమే ఇస్తుంది.

ధూమ్ 3 చిత్రంలో అమీర్ ఖాన్ నడిపినటువంటి బిఎమ్‌డబ్ల్యూ కె1300ఆర్ సూపర్‌బైక్‌ను కూడా ఈ షోలో ప్రదర్శించారు. ఇందులో 1293సీసీ వాటర్-కూల్డ్, 4-స్ట్రోక్ ఇన్-లైన్ ఫోర్-సిలిండర్ ఇంజన్‌ను ఉపయోగించారు. ఈ ఇంజన్ గరిష్టంగా 173 బిహెచ్‌పిల శక్తిని, 140 ఎన్ఎమ్‌ల టార్క్‌ను ఉత్పత్తి చేస్తుంది.

3 ఇడియట్స్ కారు

ది ఇండియన్ లగ్జరీ ఎక్స్‌పో 2013లో అమీర్ ఖాన్ నటించిన '3 ఇడియట్స్' చిత్రంలో ఉపయోగించిన వోల్వో కారును కూడా ప్రదర్శనకు ఉంచారు. క్లైమాక్స్ సీన్ ఈ కారును ప్రధానంగా కనిపిస్తుంది.

టాటా మోటార్స్ స్వాధీనం చేసుకున్న బ్రిటీష్ లగ్జరీ కార్ బ్రాండ్ జాగ్వార్ ల్యాండ్ రోవర్‌కు చెందిన జాగ్వార్ లగ్జరీ కారును ఈ ప్రదర్శనలో ఉంచారు.

టాటా మోటార్స్ స్వాధీనం చేసుకున్న బ్రిటీష్ లగ్జరీ కార్ బ్రాండ్ జాగ్వార్ ల్యాండ్ రోవర్‌కు చెందిన రేంజ్ రోవర్ స్పోర్ట్ లగ్జరీ ఎస్‌యూవీని ఈ ప్రదర్శనలో హైలైట్‌గా నిలిచింది.

అమెరికాకు చెందిన ప్రమఖ ఏటివి (ఆల్ టెర్రైన్ వెహికల్) తయారీ కంపెనీ పోలారిస్ తమ విస్తృతస్థాయి ఉత్పత్తులను, ఆఫ్-రోడింగ్ వాహనాలను ఇక్కడ ప్రదర్శనకు ఉంచింది.

ది ఇండియన్ లగ్జరీ ఎక్స్‌పో 2013లో అమీర్ ఖాన్ నటించిన '3 ఇడియట్స్' చిత్రంలో ఉపయోగించిన వోల్వో కారును కూడా ప్రదర్శనకు ఉంచారు. క్లైమాక్స్ సీన్ ఈ కారును ప్రధానంగా కనిపిస్తుంది.