డిసెంబర్ 2013 నెలలో అమ్ముడైన 'టాప్ 10' కార్లు ఇవే!

మారుతి సుజుకి ఆల్టో

మారుతి సుజుకి ఎవర్‌గ్రీన్ మోడల్ ఆల్టో ఎప్పటిలాగే డిసెంబర్ 2013 నెలలో కూడా ఈ జాబితాలో అగ్ర స్థానంలో ఉంది. గడచిన నెలలో మొత్తం 23,823 ఆల్టో కార్లు (ఆల్టో 80, ఆల్టో కె10 రెండూ కలిపి) అమ్ముడుపోయాయి.

మారుతి సుజుకి స్విఫ్ట్

డిసెంబర్ 2013 నెలలో స్విఫ్ట్ హ్యాచ్‌బ్యాక్ అమ్మకాలు జోరుగానే సాగాయి. గడచిన నెలలో మొత్తం 16,788 స్విఫ్ట్ హ్యాచ్‌బ్యాక్ కార్లు అమ్ముడుపోయాయి.

మారుతి సుజుకి స్విఫ్ట్ డిజైర్

స్విఫ్ట్ హ్యాచ్‌బ్యాక్ తర్వాత అత్యధికంగా అమ్ముడుపోతున్న కారు స్విఫ్ట్ డిజైర్. డిసెంబర్ 2013 నెలలో మొత్తం 15,427 స్విఫ్ట్ డిజైర్ కాంపాక్ట్ సెడాన్‌ కార్లు అమ్ముడుపోయాయి.

మారుతి సుజుకి వ్యాగన్ఆర్

ఈ టాప్ 10 కార్ల జాబితాలో నాల్గవ స్థానంలో ఉన్న మోడల్ కూడా మారుతి సుజుకికి చెందినదే. డిసెంబర్ 2013 నెలలో కంపెనీ అందిస్తున్న బెస్ట్ సెల్లింగ్ హ్యాచ్‌బ్యాక్ వ్యాగన్ఆర్ 12,154 యూనిట్లు అమ్ముడుపోయాయి.

హ్యుందాయ్ ఐ10 గ్రాండ్

హ్యుందాయ్ మోటార్ ఇండియా తాజాగా మార్కెట్లోకి ప్రవేశపెట్టిన ఐ10 గ్రాండ్ ఇటు పెట్రోల్ అటు డీజిల్ ఇంజన్ ఆప్షన్లతో సరసమైన ధరకే లభిస్తుండటంతో దీని అమ్మకాలు జోరందుకున్నాయి. డిసెంబర్ నెలలో మొత్తం 9,077 ఐ10 గ్రాండ్ కార్లు అమ్ముడుపోయాయి.

మహీంద్రా బొలెరో

ఎస్‌యూవీ స్పెషలిస్ట్ మహీంద్రా అండ్ మహీంద్రాకు చెందిన చీప్ అండ్ బెస్ట్ ఎస్‌యూవీ బొలెరో ఎప్పటి మాదిరిగానే కంపెనీకి ఎవర్‌గ్రీన్ మోడల్‌గా నిలిచింది. డిసెంబర్ 2013 నెలలో మొత్తం 8,465 బొలెరో ఎస్‌యూవీలు అమ్ముడుపోయాయి.

మారుతి సుజుకి ఓమ్నీ

మారుతి సుజుకి అందిస్తున్న మినీ వ్యాన్ ఓమ్నీ అమ్మకాలు కూడా జోరుగానే సాగాయి. గడచిన డిసెంబర్ 2013 నెలలో మొత్తం 5,590 మారుతి సుజుకి ఓమ్నీలు సేల్ అయ్యాయి.

హ్యుందాయ్ ఇయాన్

హ్యుందాయ్ ఐ10 గ్రాండ్ రాకతో హ్యుందాయ్ ఇయాన్ అమ్మకాలు క్రమంగా తగ్గుముఖం పడుతున్నాయి. గడచిన డిసెంబర్ 2013 నెలలో మొత్తం 5,428 ఇయాన్ కార్లు అమ్ముడుపోయాయి.

మారుతి సుజుకి ఎర్టిగా

నవంబర్ 2013 నెలలో మారుతి సుజుకి ఎర్టిగా ఎమ్‌పివి అమ్మకాలు ఒక్కసారిగా జోరందుకున్నాయి. గడచిన నెలలో మొత్తం 4,924 ఎర్టిగా ఎమ్‌పివిలు అమ్ముడయ్యాయి.

టొయోటా ఇన్నోవా

గడచిన నెలలో టొయోటా ఇన్నోవా అమ్మకాలు, అంతకు ముందు నెలతో పోల్చుకుంటే స్వల్పంగా పెరిగాయి. డిసెంబర్ 2013 నెలలో మొత్తం 4,918 టొయోటా ఇన్నోవాలు ఎమ్‌పివిలు అమ్ముడయ్యాయి.