బ్రెజిల్: టొయోటా ఎతియోస్ క్రాస్ ఎడిషన్ ఆవిష్కరణ

టొయోటా ఎతియో క్రాస్ ఎడిషన్‌లో కొత్త బంపర్‌ను అమర్చారు. ట్రాపేజోడియల్ షేపులో సిల్వర్ ఇన్‌సెర్ట్స్‌తో డిజైన్ చేసిన ఈ బంపర్ మరింత స్పోర్టీ లుక్‌నిస్తుంది. వీల్ అర్చెస్ చుట్టూ అలాగే సైడ్స్‌లో బ్లాక్ ప్లాస్టిక్ క్లాడింగ్‌ను అమర్చారు.

కొత్త బంపర్స్, సైడ్ సిల్స్‌తో పాటుగా, ఎతియోస్ క్రాస్‌లో కొత్తగా రూఫ్ బార్స్‌ను కూడా జోడించారు. ఈ బార్స్ 50 కిలోల వరకు బరువును మోయగలవు.

ఇంటీరియర్ మార్పుల విషయానికి వస్తే, కొత్త సీట్ ఫ్యాబ్రిక్స్‌ను జోడించారు. స్పోర్టీయర్ లుక్‌నిచ్చేలా అక్కడక్కడా క్రోమ్ ఇన్‌సెర్ట్స్‌ను అమర్చారు.

ఇంజన్ పరంగా ఎలాంటి మార్పులు లేవు. ఇందులో 1.5 లీటర్ 96 హెచ్‌పి ఇంజన్‌ను ఉపయోగించారు. అయితే, టొయోటా ఎతియోస్ క్రాస్ ఎడిషన్ రైడ్ హైట్‌ను మాత్రం కొద్దిగా పెంచారు.

కానీ, ఇందులో ఆల్-వీల్ డ్రైవ్ ఆప్షన్ అందుబాటులో లేకపోవటం కాస్తంత అసంతృప్తికి గురిచేసే అంశం. ఇంజన్ నుంచి ఉత్పత్తి శక్తి ఫైవ్-స్పీడ్ ట్రాన్సిమిషన్ ద్వారా ముందు చక్రాలకు బదిలీ అవుతుంది (రెగ్యులర్ ఎతియోస్ మాదిరిగానే).

బ్రెజిల్ మార్కెట్లో టొయోటా ఎతియోస్ క్రాస్ నవంబర్ 18 నుంచి లభ్యం కానుంది. అక్కడి మార్కెట్లో దీని ధర 45,690 బ్రెజిలియన్ రియల్. అంటే మన దేశ కరెన్సీలోసుమారు రూ.12.47 లక్షలు. టాప్ ఎండ్ వేరియంట్ (ఎటియోఎస్ ఎక్స్ఎల్ఎస్)లో లభించే అన్ని ఫీచర్లను ఎతియోస్ క్రాస్‌లో కూడా ఆఫర్ చేయనున్నారు.