బెంగుళూరులో దేశంలో తొలి ఎలక్ట్రిక్ బస్సు సేవలు ప్రారంభం

ఎలక్ట్రిక్ బస్సుకు సంబంధించిన కొన్ని విషయాలు:

మోడల్ - కె9 డి

తయారు చేసినది - చైనాకు చెందిన బిల్డ్ యువర్ డ్రీమ్స్ (బివైడి) కంపెనీ

భారత్‌కు పరిచయం చేసింది - ఉటోపియా ప్రై. లి.

ధర - సుమారు రూ.2.7 కోట్లు

రేంజ్ - పూర్తి చార్జ్‌పై 250 కి.మీ.

చార్జింగ్‌కు పట్టే సమయం - 4 నుంచి 6 గంటలు

టికెట్ చార్జీ - రెగ్యులర్ వోల్వో బస్సుల మాదిరిగానే

సీటింగ్ సామర్థ్యం - 36-41 (కాన్ఫిగరేషన్‌ను బట్టి)

విద్యుత్ వినియోగం - గంటకు 100 కి.వా.

మూడు నెలల పాటు బిఎమ్‌టిసి మరియు చైనీస్ కంపెనీలు సంయుక్తంగా ఈ ట్రైల్ రన్‌ను నిర్వహిస్తాయి. ట్రైల్ రన్ సక్సెస్ అయితే, మరిన్ని ఎలక్ట్రిక్ బస్సులను పరిచయం చేసే ఆస్కారం ఉంది.

ఈ ఎలక్ట్రిక్ బస్సు వోల్వో సిటీ బస్సు మాదిరిగానే ఉంటుంది. ఇందులో 41 మంది ప్రయాణికులు కూర్చునేందుకు వీలుంటుంది. వీటి వల్ల కలిగే పెద్ద ప్రయోజనం ఏంటంటే, ఇవి పూర్తిగా పర్యావరణ సాన్నిహిత్యమైనవి. ఈ ఎలక్ట్రిక్ బస్సుల వలన ధ్వని కాలుష్యం, వాయి కాలుష్యం, పర్యావరణ కాలుష్యం వంటి ఉండవు.

సాధారణంగా కాలుష్యాన్ని వెదజల్లే, శబ్ధంతో కూడిన డీజిల్ ఇంజన్లతో పోల్చుకుంటే ఈ ఎలక్ట్రిక్ బస్సులు నిశ్శబ్ధంగా ఉండి, ఎలాంటి ప్రమాదకర వాయువులను విడుదల చేయవు.

ఇప్పటికే అమెరికా, కెనడా, చైనా, జపాన్, సింగపూర్‌లతో పాటు అనేక యూరోపియన్ దేశాల్లో ఎలక్ట్రిక్ బస్సులను విజయవంతంగా నిర్వహిస్తున్నారు.

భారతదేశంలో ఇప్పటి వరకు పూర్తిస్థాయిలో నిర్వహిస్తున్న ఎలక్ట్రిక్ బస్సులు ఎక్కడా లేవు. ఒకవేళ బెంగుళూరు మెట్రోపాలిటన్ ట్రాన్స్‌పోర్ట్ కార్పోరేషన్ వీటిని పూర్తిస్థాయిలో అమల్లోకి తీసుకువస్తే, భారతదేశంలో ఎలక్ట్రిక్ బస్సులను ప్రారంభించిన మొట్టమొదటి నగరంగా బెంగుళూరు చరిత్ర సృష్టించనుంది.

అయితే, ఎలక్ట్రిక్ బస్సులను నిర్వహించడం అంత సులువైన పనేం కాదు. ఈ బస్సులకు డీజిల్, మెయింటినెస్స్ ఖర్చుల బాధ లేకపోయినప్పటికీ, వీటి ధర మరియు బ్యాటరీలకు అయ్యే ఖర్చే పెద్ద సమస్యగా మారే అవకాశం ఉంది.