హోండా మొబిలియోతో కామెడీ చేసిన 'కపిల్ శర్మ'

హోండా కార్స్ ఇండియా లిమిటెడ్ మరికొద్ది రోజుల్లోనే తమ 'మొబిలియో' (Mobilio) ఎమ్‌పివిని దేశీయ విపణిలో విడుదల చేయనున్న సంగతి తెలిసినదే. ఈ నేపథ్యంలో, హోండా ఇప్పటికే ఈ మోడల్‌కు సంబంధించిన ఓ కమర్షియల్‌ను కూడా రూపొందించింది. హోండా మొబిలియో కమర్షియల్ కోసం కంపెనీ, ప్రముఖ టెలివిజన్ కమెడియన్ కపిల్ శర్మను ఎంచుకుంది.

కామెడీ సర్కస్ ప్రోగ్రామ్ ద్వారా బుల్లితెరకు పరిచయమై, ప్రస్తుతం కామెడీ నైట్స్ విత్ కపిల్ పేరుతో ఓ ప్రత్యేకమైన వినోదాత్మక కార్యక్రమాన్ని హోస్ట్ చేస్తున్న కపిల్ శర్మ తొలిసారిగా హోండా మొబిలియో కమర్షియల్ చేయటం విశేషం. ఈ కమర్షియలో కూడా కపిల్ తనదైన శైలిలో హాస్యాన్ని పండిస్తూ, హోండా మొబిలియో ఎమ్‌పివిలోని ఫీచర్లను కూడా వివరించాడు.

ఆ హాస్యభరిత వీడియోని మనం కూడా చూసేద్దాం రండి..!
<center><iframe width="100%" height="450" src="//www.youtube.com/embed/3jpLOO8SRM0?rel=0" frameborder="0" allowfullscreen></iframe></center>
హోండా మొబిలియో విషయానికి వస్తే, ఇదొక 7-సీటర్ (2+3+2) ఎమ్‌‌పివి. ఇది పెట్రోల్, డీజిల్ ఇంజన్ ఆప్షన్లతో లభ్యం కానుంది. పెట్రోల్ వెర్షన్‌లో 1.5 లీటర్, 4-సిలిండర్ ఐ-విటెక్ ఇంజన్‌ను అమర్చనున్నారు. ఈ ఇంజన్ గరిష్టంగా 6600 ఆర్‌పిఎమ్ వద్ద 117 బిహెచ్‌పిల శక్తిని, 4600 ఆర్‌పిఎమ్ వద్ద 145 ఎన్ఎమ్‌ల టార్క్‌ని ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ గేర్‌బాక్స్‌తో అనుసంధానం చేయబడి ఉంటుంది. ఇందులో ఆటోమేటిక్ వెర్షన్ అందుబాటులో లేదు.

ఇకపోతే.. డీజిల్ వెర్షన్‌లో 1.5 లీటర్, 4-సిలిండర్ ఐ-డిటెక్ ఇంజన్‌ను అమర్చనున్నారు. ఈ ఇంజన్ గరిష్టంగా 3600 ఆర్‌పిఎమ్ వద్ద 98 బిహెచ్‌పిల శక్తిని, 1750 ఆర్‌పిఎమ్ వద్ద 145 ఎన్ఎమ్‌ల టార్క్‌ని ఉత్పత్తి చేస్తుంది. ఈ ఇంజన్ కూడా 5-స్పీడ్ మ్యాన్యువల్ గేర్‌బాక్స్‌తోనే లభిస్తుంది. ఇందులో కూడా ఆటోమేటిక్ వెర్షన్ అందుబాటులో లేదు. దేశీయ విపణిలో దీని ప్రారంభ ధర రూ.5.90 లక్షలు ఉండొచ్చని అంచనా. లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూ ఉండండి.