Click it and Unblock the Notifications
ఫైర్ఫైటింగ్ కారును తయారు చేసిన ఫోక్స్వ్యాగన్ అకాడెమీ విద్యార్థులు
ఫోక్స్వ్యాగన్ అకాడెమీ వద్ద మూడేళ్ల డ్యూయెల్ అప్రంటీస్ కోర్స్ చేస్తున్న విద్యార్థుల బృందం ఓ ఫైర్పైటింగ్ కార్ (అగ్నిమాపక కారు)ను తయారు చేసింది. ఫోక్స్వ్యాగన్ పూనే ప్లాంట్లోని సేఫ్టీ విభాగం కోసం ఈ కారును తయారు చేశారు. ఈ అకాడెమీలోని తొలి బ్యాచ్ యొక్క చివరి సంత్సరపు అసైన్మెంట్లో భాగంగా, తక్కువ బడ్జెట్లో కారును నిర్మించాలన్న ఉద్దేశ్యంతో ఈ ప్రాజెక్టును చేపట్టారు.
ఫోక్స్వ్యాగన్ అకాడెమీలోని 14 మంది విద్యార్థులకు ఈ టాస్క్ ఇచ్చారు. ఫోక్స్వ్యాగన్ పూనే ప్లాంట్లో ప్రతిరోజు ఫైర్ అండ్ సేఫ్టీ డిపార్ట్మెంట్కు ఉపయోగపడేలా ఓ ఫైర్ఫైటింగ్ వాహనాన్ని తయారు చేయాల్సిందిగా ఆ విద్యార్థులకు సూచించారు.
ఇందులో భాగంగా, ఆ విద్యార్థుల బృందం తక్కువ ఖర్చులో ఓ ఫైర్ఫైటింగ్ కారును తయారు చేసేందుకు గాను ఫోక్స్వ్యాగన్ వెంటో మరియు క్రాస్ పోలో కార్లలో ఉపయోగించే విడిభాగాలు మరియు స్క్రాప్డ్ పార్ట్స్ను ఉపయోగించి ఈ వాహనాన్ని తయారు చేశారు.
దీని బేసిక్ డిజైన్ ఫోక్స్వ్యాగన్ వెంటో మాదిరిగా కనిపించినప్పటికీ, బి-పిల్లర్ నుంచి టెయిల్గేట్ వరకు అనేక మార్పులు చేసి, ఫ్రంట్ క్యాబినే ఉండేలా వెనుక వైపు పరికరాలను తీసుకువెళ్లేలా దీనిని ఓ పికప్ ట్రక్ మాదిరిగా డిజైన్ చేశారు.
ఫోక్స్వ్యాగన్ ఫైర్ఫైటింగ్ కారు కోసం దాదాపు 160కి పైగా విడిభాగాలను ప్రత్యేకంగా డిజైన్ చేశామని అకాడెమీ తెలిపింది. ఈ కారులో 1.6 లీటర్ పెట్రోల్ ఇంజన్ను ఉపయోగించారు. ప్లాంట్లో డైలీ ఇన్స్పెక్షన్ కోసం, ఫైర్ అండ్ సేఫ్టీ డిపార్ట్మెంట్ మెటీరియర్ మూవ్మెంట్ కోసం ఈ ఫైర్ఫైటింగ్ కారును ఉపయోగించనున్నట్లు అకాడెమీ పేర్కొంది.
Continue with Google