Click it and Unblock the Notifications
ఫోక్స్వ్యాగన్ టైగన్కు బదులుగా టి-రాక్ ఎస్యూవీ!
జర్మన్ కార్ కంపెనీ మఇండియా గడచిన ఫిబ్రవరిలో జరిగిన ఆటో ఎక్స్పోలో తమ పాపులర్ టైగన్ కాంపాక్ట్ ఎస్యూవీ కాన్సెప్ట్ను ఆవిష్కరించిన సంగతి తెలిసినదే. ఈ నేపథ్యంలో, టైగన్ ప్లాట్ఫామ్పై తయారయ్యే ఓ కాంపాక్ట్ ఎస్యూవీ భారత్కు వస్తుందనే వార్తలు గుప్పుమన్నాయి. కానీ ఇప్పుడు మరో కొత్త పుకారు పుట్టుకొచ్చింది.
అదేంటంటే, టైగన్కు బదులుగా టి-రాక్ అనే కాంపాక్ట్ ఎస్యూవీ/క్రాసోవర్ను విడుదల చేసేందుకు ఫోక్స్వ్యాగన్ సన్నాహాలు చేస్తోందట. ప్రస్తుతం భారత్లో కాంపాక్ట్ ఎస్యూవీలకు మంచి గిరాకీ ఉంటోంది. ఈ సెగ్మెంట్లోని రెనో డస్టర్, ఫోర్డ్ ఈకోస్పోర్ట్ వంటి మోడళ్లకు పోటీగా ఓ కొత్త కాంపాక్ట్ సెడాన్ను ప్రవేశపెట్టాలని ఫోక్స్వ్యాగన్ ఎప్పటి నుంచో యోచిస్తోంది.
ఫోక్స్వ్యాగన్ టి-రాక్ కాంపాక్ట్ ఎస్యూవీకి సంబంధించిన మరింత సమాచారాన్ని ఈ ఫొటో ఫీచర్ల పరిశీలించండి.
ఫోక్స్వ్యాగన్ టి-రాక్ కాంపాక్ట్ ఎస్యూవీని తొలిసారిగా గడచిన మార్చ్ నెలలో జరిగిన 2014 జెనీవా మోటార్ షోలో ఆవిష్కరించారు. ఈ టూడోర్ కాన్సెప్ట్ డిటాచబల్ రూఫ్ (తొలగించుకోవటానికి వీలుగా ఉండే రూఫ్)తో లభిస్తుంది.
ఫోక్స్వ్యాగన్ టి-రాక్ కాంపాక్ట్ ఎస్యూవీలో 2.0 లీటర్ టిడిఐ డీజిల్ ఇంజన్ను ఉపయోగించారు. ఈ ఇంజన్ గరిష్టంగా 182 హార్స్ పవర్ల శక్తిని మరియు 380 న్యూటన్ మీటర్ల టార్క్ను ఉత్పత్తి చేస్తుంది.
ఫోక్స్వ్యాగన్ టి-రాక్ కాంపాక్ట్ ఎస్యూవీలో ఇంజన్ 7-స్పీడ్ డ్యూయెల్ క్లచ్ గేర్బాక్స్తో అనుసంధానం చేయబడి ఉంటుంది. ఇది ఆల్-వీల్ డ్రైవ్ సిస్టమ్తో లభిస్తుంది. ఇందులో 4మోషన్ సిస్టమ్ అనే సాంకేతిక పరిజ్ఞానాన్ని ఉపయోగించారు.
ఎల్ఈడి హెడ్లైట్స్, 19-ఇంచ్ అల్లాయ్ వీల్స్ను ఫోక్స్వ్యాగన్ టి-రాక్ కాంపాక్ట్ ఎస్యూవీలో గమనించవచ్చు. ఈ మోడల్ను ఫోక్స్వ్యాగన్ గ్రూప్ నుంచి అత్యంత పాపులర్ అయిన ఎమ్క్యూబి ప్లాట్ఫామ్పై తయారు చేశారు.
ఇండియన్ వెర్షన్ ఫోక్స్వ్యాగన్ టి-రాక్ కాంపాక్ట్ ఎస్యూవీ 5-డోర్, ఫ్రంట్ వీల్ డ్రైవ్ సిస్టమ్తో లభ్యమయ్యే ఆస్కారం ఉంది. అలాగే, ఇక్కడి మార్కెట్కు అనుగుణంగా ఇది పెట్రోల్ మరియు డీజిల్ ఇంజన్ ఆప్షన్లతో అందుబాటులో ఉండొచ్చని సమాచారం.
Continue with Google