కార్లపై ఇయర్ ఎండ్ సేల్ డిస్కౌంట్స్

తర్వాతి స్లైడ్‌లలో ప్రస్తుతం మార్కెట్లో లభిస్తున్న టాప్5 బెస్ట్ డీల్స్ గురించి తెలుసుకోండి.

ఫోర్డ్ ఫిగో: రూ.54,000 బెనిఫిట్స్

అమెరికన్ కార్ కంపెనీ ఫోర్డ్ ఇండియా అందిస్తున్న చిన్న కారు ఫోర్డ్ ఫిగోపై కంపెనీ రూ.54,000 విలువైన ప్రయోజనాలను అందిస్తోంది. ఇందులో రూ.20,000 ఎక్సేంజ్ బోనస్, రూ.29,000 ఉచిత ఇన్సూరెన్స్, రూ.5,000 లాయల్టీ బోనస్ కలిసి ఉంటాయి.

షెవర్లే బీట్: రూ.65,000

జనరల్ మోటార్స్ ఇండియా విక్రయిస్తున్న చిన్న కారు షెవర్లే బీట్‌పై కంపెనీ మొత్తం రూ.65,000 విలువైన ప్రయోజనాలను ఆఫర్ చేస్తోంది. ఇందులో రూ.25,000 ఎక్సేంజ్ బోనస్, రూ.20,000 బజాజ్ అలయంజ్ ఇన్సూరెన్స్ (3 ఏళ్ల కవరింగ్), రూ.20,000 లాయల్టీ బోనస్ కలిసి ఉంటాయి.

హ్యుందాయ్ ఇయాన్: రూ.42,000

హ్యుందాయ్ మోటార్ ఇండియా విక్రయిస్తున్న చిన్న కారు ఇయాన్‌పై కంపెనీ మొత్తం రూ.42,000 ప్రయోజనాలను అందిస్తోంది. ఇందులో రూ.30,000 ఎక్సేంజ్ బోనస్, రూ.12,000 వరకూ ఉచిత ఇన్సూరెన్స్ కలిసి ఉంటాయి.

హ్యుందాయ్ శాంటాఫే: రూ.2 లక్షలు

హ్యుందాయ్ మోటార్ ఇండియా విక్రయిస్తున్న పవర్‌ఫుల్ ఎస్‌యూవీ హ్యుందాయ్ శాంటాఫే కంపెనీ ఏకంగా రూ.2 లక్షల విలువైన ప్రయోజనాలను అందిస్తోంది. కొత్త శాంటాఫే మార్కెట్లోకి రానున్న నేపథ్యంలో, ఇంతటి భారీ డిస్కౌంట్‌ను ఆఫర్ చేస్తున్నట్లు సమాచారం. ఈ డిస్కౌంట్ కోసం కస్టమర్లు డీలర్లతో బేరమాడాల్సి ఉంటుంది.

మారుతి వ్యాగన్ఆర్

మారుతి సుజుకి ఇండియా అందిస్తున్న టాల్ బాయ్ కారు వ్యాగన్ఆర్‌పై కంపెనీ డీలర్లు సుమారు రూ.50,000 విలువైన ప్రయోజనాలను అందిస్తున్నారు. ఇందులో రూ.20000 ఎక్సేంజ్ బోనస్, రూ.30,000 కన్జ్యూమర్ ఆఫర్ కలిసి ఉన్నాయి.

గమనిక: ఈ డిస్కౌంట్లు సిటీ, ప్రాంతాన్ని బట్టి మారే అవకాశం ఉంటుంది. మరిన్ని వివరాల కోసం మీ సమీపంలోని అధీకృత డీలర్లను సంప్రదించండి.