ఇంజన్ ఐడిల్‌గా ఉంచడం వలన కలిగే నష్టాలు

తర్వాతి స్లైడ్‌లలో ఇంజన్ ఐడిల్‌గా ఉంచడం వలన కలిగే నష్టాల గురించి తెలుసుకోండి.

ఇంధనం వృధా

ఇది అందరికీ తెలిసిన విషయమే. ఇంజన్‌ను ఐడిల్‌గా ఉంచడం వలన ఇంధనం వృధా అవుతుంది. ట్రాఫిక్ జామ్‌లో చిక్కుకున్నప్పుడు లేదా కారును ఎక్కడైనా పక్కగా కొంత సమయం పాటు నిలపాల్సి వచ్చినప్పుడు దానిని అలాగే ఎక్కువసేపు ఐడిల్‌గా ఉంచకుండా స్విఫ్ చేయాలి అన్నమాట. ఒక్కమాటలో చెప్పాలంటే 20 సెకండ్ల కన్నా ఎక్కువ సమయం కారును ఐడిల్‌గా ఉంచాల్సి వచ్చినప్పుడు, దాన్ని అలానే ఐడిల్‌లో ఉంచే కన్నా స్విఫ్ చేయడం మంచిది.

కారును 10 సెకండ్ల కన్నా ఎక్కువ సేపు ఐడిల్‌గా ఉంచడం వలన అయ్యే ఇంధన ఖర్చు, కారును స్టార్ట్ చేయడానికి కావలసిన ఇంధన ఖర్చు కన్నా ఎక్కువగా ఉంటుంది. అదే రెండు నిమిషాల పాటు కారు ఇంజన్ ఆన్‌లో ఉంటే (ఐడిల్‌గా ఉంటే) అయ్యే ఇంధన ఖర్చుతో సుమారు ఒక మైలు దూరం ప్రయాణించవచ్చు.

ఇంజన్‌లో భాగాలు పాడవుతాయి

కారు ఇంజన్‌ను తరచూ ఆన్/ఆఫ్ చేయటం వలన ఇంజన్‌లోని రన్నింగ్ పార్ట్స్ దెబ్బతింటాయని చాలా మంది భావిస్తుంటారు. కానీ, నిజానికి అది అపోహ మాత్రమే. నేటి ఆధునిక ఇంజన్లను ఫ్యూయెల్ ఇంజెక్షన్ సిస్టమ్‌తో పనిచేస్తాయి, అంతేకాకుండా ఇందులోని అధునాతన విడిభాగాలు ఈ వత్తిడిని సహించే సామర్థ్యాన్ని కలిగి ఉంటాయి. ఒకవేళ ఏవైనా చిన్నపాటి విడిభాగాలు పాడైనా, వాటి ఖర్చు మనం వృధా చేసే ఇంఝనం ఖర్చు కన్నా తక్కువగానే ఉంటుంది.

వాస్తవానికి కారు ఇంజన్‌ను ఆన్/ఆఫ్ చేయటం కన్నా ఇంజన్‌ను ఐడిల్‌గా ఉంచడం వల్లనే అందులోని భాగాలు దెబ్బతినే ప్రమాదం ఉంటుంది. ఇంజన్‌ను ఐడిల్‌గా ఉంచడం వలన అందులో ఇంధన సమర్థవంతంగా మండదు, అంతేకాకుండా కొన్ని ఫ్యూయెల్ రెసిడ్యూస్ ఇంజన్‌లోనే మిగిలిపోతాయి. సరైన ఉష్ణోగ్రత వద్ద ఇంజన్ రన్ కాదు, కాబట్టే ఇలా జరుగుతుంది. ఇలా ఇంజన్‌లో మిగిలిపోయిన ఫ్యూయెల్ రెసిడ్యూస్ వలన మైలేజ్ తగ్గటం జరుగుతుంది. ఇంజన్‌ను వామప్ చేయాలంటే, దానిని ఐడిల్‌గా ఉంచడం కన్నా రన్ చేయటమే మేలు.

వాయు కాలుష్యం

ప్రస్తుతం మనం పీల్చే గాలి పూర్తిగా కాలుష్యంతో నిండిపోయింది. ఇంజన్‌ను అనవసరంగా ఐడిల్‌గా ఉంచడం వలన, దాని నుంచి వెలువడే కార్బన్ డై ఆక్సైడ్ గాలిలో కలిసిపోయి, స్వచ్ఛమైన గాలిని కాస్తా విష వాయువుగా మార్చేస్తోంది. ఎయిర్ పొల్యూషన్, గ్లోబల్ వార్నింగ్‌కు ఇది కూడా ఒక కారణమే. కాబట్టి, అవసరం లేనప్పుడు కారును స్విచ్ ఆఫ్ చేసినట్లయితే, పర్యావరణానికి మనం కూడా మేలు చేసిన వారం అవుతాం.

వాతావరణ వార్తావిశేషాలను తెలిపిన న్యూస్ వెబ్‌సైట్ ఎకోవాచ్ ప్రకారం, వాహనాలను వినియోగించే ప్రతి వ్యక్తి 10 నిమిషాల పాటు ఇంజన్ ఐడిలింగ్‌ను నివారించగలిగినట్లయితే (ఇంజన్ ఆఫ్ చేస్తే) సగటు ఒక పౌండ్ కార్బన్ డై ఆక్సైడ్ గాలిలో కలవకుండా నియంత్రించవచ్చు.

మరో కెనడియన్ అధ్యయనం ప్రకారం, ప్రతి కెనడియన్ సగటున రోజుకు 3 నిమిషాల పాటు ఇంజన్ ఐడిలింగ్‌ను నియంత్రిస్తే, అది ప్రతి ఏటా రోడ్డుపై 3,20,000 వాహనాలను తొలగించి వేసిన దానితో సమానం అవుతుందని తేలింది.

బ్రెయిన్ డ్యామేజ్

ఇంజన్ ఐడిలింగ్‌కి బ్రెయిన్ డ్యామేజ్‌కి ఏంటి సంబంధం అనుకుంటున్నారా? వాహనాల సైలెన్సర్ల నుంచి వచ్చే పొగను పీల్చడం వలన మెదడులోని కణాలు దెబ్బతిని, ఔటిస్మ్ అనే నరాల సంబంధిత వ్యాధికి గురయ్యే ప్రమాదం ఉంటుంది. అంతేకాదు, ఇది మనుషుల ఊపిరితిత్తులకు హాని కలిగిస్తుంది, ఆస్తమాను పెంచుతుంది, అలెర్జీలకు కారణం అవుతుంది, హుద్రోగ సమస్యలకు దారి తీస్తుంది. దీని వలన క్యాన్సర్ కూడా వచ్చే ప్రమాదం ఉందని వైద్యులు చెబుతున్నారు.

చిన్నారులకు హాని

పెద్దవారి కన్నా చిన్నారులు ఎక్కువ గాలిని పీలుస్తుంటారు. కాబట్టి పాఠశాలల వద్ద ఎట్టి పరిస్థితుల్లోను మీ వాహనాన్ని ఐడిల్‌గా ఉంచకండి. అలా చేస్తే, వారి భవిష్యత్తును మీరే నాశనం చేసిన వారు అవుతారు.

డబ్బును ఆదా చేసుకోండి

ఇంజన్‌ను స్విచ్ చేయటం వలన చాలా ఇంధనం ఆదా అవుతుంది. ఇంధనం ఆదా కావడమంటే, డబ్బు ఆదా అయినట్లే. ఇటీవలి అధ్యయనం ప్రకారం, అమెరికన్లు ప్రతిరోజు తమ వాహనాలను ఐడిల్‌గా ఉంచడం వలన సగటున రోజుకు 13 మిలియన్ డాలర్ల డబ్బును వృధా చేస్తున్నారట. ఇంజన్ ఐడిలింగ్ వలన అయ్యే ఖర్చుతో కారు మెయింటినెన్స్ జరిపోతుంది.

మరి ఆలోచించండి.. మీరు కూడా ఇంజన్ ఐడిలింగ్‌ను నివారించండి.. బంగారు భవిష్యత్తుకు బాటలు వేయండి..!