మీ కారులో ఈ ఒక్క పరికరం ఉంటే చాలు.. మీ కారుని ఎవ్వరూ తాకే సాహసం కూడా చేయరు!

వాహనం డ్యాష్ బోర్డుపై అమర్చే పరికరాన్నే డ్యాష్ కెమెరా లేదా డాష్‌క్యామ్ అంటారు. దీనివల్ల మీ మొత్తం ప్రయాణాన్ని రికార్డు చేస్తుంది. దీనిని ఇన్‌సర్ట్‌ చేసుకోవడం వల్ల మీ ప్రయాణంలో అనేక ప్రయోజనాలు ఉంటాయి. ఉదాహరణకు ప్రమాదం జరిగినప్పుడు డాష్‌క్యామ్‌ రికార్డింగ్ ప్రమాదానికి ఎవరు బాధ్యులో గుర్తించడంలో సహాయపడుతుంది, తద్వారా ఇన్సూరెన్స్‌ సమాచారం, పోలీసు కంప్లైంట్‌ తదితర పనులను సులభతరం చేస్తుంది. ఇంత కీలకమైన డాష్‌క్యామ్‌ మీ ప్రయాణంలో మీకు ఓ సీసీటీవీ కెమెరాగా పనిచేస్తుంది. దీనివల్ల కలిగే ప్రయోజనాలకు సంబంధించిన అంశాలు ఈ కథనంలో మీకోసం..

అలాగే ఇన్సూరెన్స్‌ బీమా మోసాలను నివారించడంలో కూడా డాష్ క్యామ్‌లు ఉపయోగపడతాయి. బీమా సంస్థల నుంచి డబ్బులు కోసం కొందరు ప్రమాదాలను కావాలనే సృష్టిస్తున్నారు. ఇటువంటి మోసపూరిత చర్యలకు ఈ డాష్‌క్యామ్‌ చెక్‌పెట్టనుంది. అదనంగా మీరు మీ వాహనాన్ని సర్వీస్ సెంటర్ వంటి ప్రదేశంలో మరొకరికి వదిలివేస్తే, మీ వాహనం ఎలా సర్వీసింగ్‌ చేస్తున్నారనే విషయాన్ని డాష్‌క్యామ్‌లో పర్యవేక్షించవచ్చు.

దీనివల్ల మరొక ప్రయోజనం కూడా ఉంది. మీ డ్రైవింగ్ ఎక్స్‌పీరియన్స్‌ని మెరుగుపరచడానికి డాష్‌క్యామ్‌లు మీకు సహాయపడతాయి. రికార్డ్ చేసిన ఫుటేజీని చూడటం ద్వారా, మీరు ఎక్కడ జాగ్రత్తగా ఉండాలో లేదా మార్పులు చేయాలో మీరు గుర్తించవచ్చు. అలాగే మీ లాంగ్‌ డ్రైవ్‌ల్లో మీ ప్రయాణంలోని అందమైన దృశ్యాలు, చిరస్మరణీయ క్షణాలను రికార్డ్ చేయగలవు. వీటిని మీరు తరువాత చూడవచ్చు లేదా ఇతరులతో పంచుకోవచ్చు.

మీకు డాష్‌క్యామ్‌ లేకపోతే ఇతర ప్రత్యామ్నాయ ఆప్షన్స్‌ కూడా ఉన్నాయి. ఇందుకోసం మీ కారులో రూపొందించిన నిర్దిష్ట టూల్స్ ద్వారా మీ స్మార్ట్ ఫోన్‌ని డాష్‌క్యామ్‌గా ఉపయోగించుకోవచ్చు. సీసీటీవీ కెమెరాలు లేని ప్రదేశాలలో మీ వాహనాన్ని పార్క్ చేయడం ఏదైనా సంఘటన జరిగినప్పుడు ఫుటేజీ అందుబాటులో ఉందని నిర్ధారించుకోవడానికి ఇదొక మార్గం.

ఆ కారులోని నిర్దిష్ట ప్రదేశాలలో సమస్యలు ఉన్నాయని అనుమానం వస్తే మీ స్మార్ట్‌ఫోన్‌లో వీడియో రికార్డింగ్‌ని మాన్యువల్‌గా ప్రారంభించడం ఉపయోగపడుతుంది. ప్రమాదాలు, దొంగతనం, ఇతర ఇబ్బందులు తలెత్తినప్పుడు మీ ఇన్సూరెన్స్ పాలసీని సులభంగా పొందేందుకు తగిన రక్షణను అందిస్తుందని నిర్ధారించుకోవడం కూడా చాలా ముఖ్యం.

ఈ ప్రత్యామ్నాయాలు ఉపయోగకరంగా ఉన్నప్పటికీ, వాహన సేఫ్టీ మరియు వ్యక్తిగత భద్రతను నిర్ధారించడానికి అత్యంత సురక్షితమైన సౌకర్యవంతమైన ఆప్షన్స్‌గా ఓ ప్రత్యేక డాష్‌క్యామ్‌ని కొనుగోలు చేయడం ఉత్తమం. ఇప్పుడు విడుదలవుతున్న కార్లలో డాష్‌క్యామ్‌ని ఇన్‌బిల్ట్‌గా అందిస్తున్నారు. కావున మీరు కారు కొనేటప్పుడు ఈ విషయాన్ని అడిగి తెలుసుకోండి. కొంతమంది డీలర్స్‌ వీటని మ్యాన్యువల్‌గా కూడా ఇన్‌సర్ట్‌ చేస్తున్నారు. కాబట్టి ఏదో విధంగా డాష్‌క్యామ్‌ని కచ్చితంగా పెట్టుకోవడం మర్చిపోవద్దు.

ప్రస్తుతం రోడ్లపై భారీ సంఖ్యలో దొంగతనాలు జరుగుతున్నాయి. ముఖ్యంగా మీరు విలేజ్‌ ప్రాంతాల్లో వెళ్లినప్పుడు మీకు డాష్‌క్యామ్‌లు సహాయంగా ఉంటాయి. ఎందుకంటే ప్రమాదాన్ని ఎవ్వరూ ఊహించలేరు. కాబట్టి దీనిపై ప్రతీ ఒక్కరికి అవగాహన చాలా ముఖ్యం. రోడ్డు ప్రమాదంలో మీ తప్పు ఉందా లేదో తెలుసుకోవడానికి ఇది మీకు కచ్చితంగా సహాయపడుతుంది. తద్వారా మీరు సులభంగా కేసులు, ఇతర సమస్యల నుంచి బయటపడవచ్చు.

డ్రైవ్స్‌పార్క్ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.