Just In
- 13 hrs ago వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- 16 hrs ago ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- 19 hrs ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- 22 hrs ago 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
Don't Miss
- News భారీ వర్షం - వాతావరణ శాఖ బిగ్ అలర్ట్..!!
- Sports రోహిత్పై గౌరవం..అంతకుమించి ఏం లేదు: పుకార్లపై ప్రీతి జింటా ఫైర్
- Movies ఇంద్రజకు చుక్కలు చూపించిన డైరెక్టర్.. భోరుమని ఏడ్చిన సీనియర్ హీరోయిన్.. ఏం జరిగిందంటే?
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
మీ కార్ మైలేజీని లెక్కించడం ఎలా?
మనదేశంలో కార్లను కొనుగోలు చేసే కస్టమర్లు ప్రాధాన్యతను ఇచ్చే కొన్ని అంశాల్లో మైలేజ్ అత్యంత ప్రధానమైనది. తాము కొనుగోలు చేసే కారు కొత్తదైనా లేదా పాతదైనా సరే మైలేజ్ విషయంలో వారు ప్రత్యేక దృష్టి సారిస్తుంటారు. వాస్తవానికి, కారు రన్నింగ్ కాస్ట్ను తగ్గించుకోవాలంటే ఎక్కువ మైలేజీనిచ్చే కార్లనే కొనుగోలు చేయటం మంచిది.
నిజానికి కార్ కంపెనీలు సర్టిఫై చేసే మైలేజ్ గణాంకాలు చాలా సందర్భాల్లో పేపరు మాత్రమే పరిమితమై ఉంటాయి. రియల్ వరల్డ్ డ్రైవింగ్ కండిషన్స్లో, కంపెనీలు పేర్కొన్నట్లుగా ఖచ్చితమైన మైలేజీని పొందటం సాధ్యం కాదు. అలాగే, మరికొన్ని సందర్భాల్లో కంపెనీ పేర్కొన్న మైలేజీ కన్నా ఎక్కువ మైలేజీ వచ్చిన సంఘటనలు కూడా ఉన్నాయి.
సందర్భం ఏదేతైనేం, ఇక్కడ మైలేజ్ అనేది ముఖ్యం. కార్ మైలేజ్ మనం నడిపే తీరు, రోడ్డు, లోడ్, టైర్ ప్రెజర్ ఇలా అనేక అంశాలపై ఆధారపడి ఉంటుంది. మరి మీరు నడిపే కారు ఖచ్చితంగా ఎంత మైలేజీనిస్తుందనే విషయాన్ని తెలుసుకోవాలంటే, అందుకో ఓ చిన్న క్యాలుక్యులేషన్ ఉంది. అదేంటో, మీ కారు మైలేజీని ఎలా తెలుసుకోవాలో ఈ కథనంలో పరిశీలించండి..!
మరింత
సమాచారం
తర్వాతి
సెక్షన్లో..
మరిన్ని
వివరాలను
ఈ
ఫొటో
ఫీచర్లో
పరిశీలించండి..!
తర్వాతి స్లైడ్లలో మీ కారు మైలేజీని ఎలా లెక్కించాలో తెలుసుకోండి.
ఫుల్ ట్యాంక్
ముందుగా మీ కారును ఫుల్ ట్యాంక్ చేయించండి. ఫ్యూయెల్ లిడ్ (మూత) పై వరకూ వచ్చేలా పూర్తిగా ఇంధనాన్ని నింపండి.
ఓడోమీటర్ రీడింగ్
కారులో ఇంధనం ఫుల్ చేయించిన తర్వాత, ఇంజన్ను స్టార్ట్ చేయడానికి ముందు ఓడోమీటర్ రీడింగ్ను నమోదు చేసుకోండి, ఒకవేళ మీ కారులో ట్రిప్ మీటర్ ఉన్నట్లయితే దాన్ని సున్నా (జీరో)కు సెట్ చేసుకోండి.
ఎప్పటిలానే డ్రైవ్ చేయండి
మీరు ఎల్లప్పుడూ కారు నడిపే విధంగానే డ్రైవ్ చేయండి. డ్రైవింగ్ విధానంలో మార్పు వస్తే, మైలేజ్లో మార్పు కూడా తలెత్తే అవకాశం ఉంది. ర్యాష్ డ్రైవింగ్, స్పీడ్ డ్రైవింగ్ను వీలైనంత వరకూ అవైడ్ చేయాలి.
హాఫ్ ట్యాంక్ టూ ఫుల్ ట్యాంక్
ఫుల్ ట్యాంక్ చేయించిన తర్వాత కారును కొంత దూరం నడిపిన పిమ్మట, ఇన్స్ట్రుమెంట్ క్లస్టర్లోని ఫ్యూయెల్ గేజ్ కారులో ఇంధనం సగం ట్యాంక్ లేదా కాలుభాగం ఉన్నట్లు సూచించినప్పుడు మరోసారి ట్యాంక్ను ఇంధనంతో పూర్తిగా ఫుల్ చేయించండి (ఇదివరకు ట్యాంక్ ఫుల్ చేయించిన పెట్రోల్ బంకులోనే ఇంధనం కొనుగోలు చేయడం ఉత్తమం).
ఎన్ని లీటర్లు పట్టిందో నోట్ చేసుకోండి.
ఇలా రెండవ సారి ఫుల్ ట్యాంక్ చేయించటానికి ఎన్ని లీటర్ల ఇంధనం పట్టిందో నోట్ చేసుకోండి.
ఓడోమీటర్ రీడింగ్
రెండవ సారి ఫుల్ ట్యాంక్ చేయించిన తర్వాత ఇంజన్ స్టార్ట్ చేయటానికి ముందుగా, మరోసారి ఓడోమీటర్ రీడింగ్ను నమోదు చేసుకోండి.
ఓడోమీటర్ రీడింగ్ల వ్యత్యాసం
మొదటి మరియు రెండవ సారి నమోదు చేసుకున్న ఓడోమీటర్ రీడింగ్ల వ్యత్యాసాన్ని, రెండవ సారి ఇంధనం భర్తీ చేయడానికి పట్టిన పరిమాణం (లీటర్లు)తో భాగిస్తే వచ్చే సగటే కారు యొక్క మైలేజ్ అవుతుంది.
(తర్వాతి స్లైడ్లో ఉదాహరణను పరిశీలించండి)
ఉదాహరణ
ఉదాహరణకు మొదటిసారి ట్యాంక్ ఫుల్ చేయించినప్పుడు ఓడోమీటర్ రీడింగ్ 1000 కి.మీ. వద్ద ఉంది అనుకుందాం. రెండోసారి ట్యాంక్ ఫుల్ చేయించినప్పుడు ఓడోమీటర్ రీడింగ్ 1300 కి.మీ. వద్దకు చేరుకుని ఉండి, ట్యాంక్లో ఖాలీ స్థలాన్ని భర్తీ చేయడానికి 15 లీటర్ల ఇంధనం పట్టినట్లయితే, మీ కారు మైలేజీ ప్రతి లీటరుకు 20 కి.మీ అవుతుంది.
ఎలా అంటే, తొలి రీడింగ్ నుండి తుది రీడింగ్ను తీసివేస్తే ప్రయాణించిన మొత్తం దూరం వస్తుంది (1000km - 1300km = 300km). ఈ దూరం ప్రయాణించడానికి అయిన ఇంధన పరిమాణం మరియు రెండోసారి ట్యాంక్లోని ఖాలీ స్థలాన్ని నింపడానికి పట్టే ఇంధన పరిమాణం రెండూ కూడా సమానంగా ఉంటుంది. ప్రయాణించిన దూరాన్ని ఖర్చైన ఇంధనంతో భాగిస్తే మైలేజీ వస్తుంది.
ఇక్కడ ప్రయాణించిన దూరం 300 కి.మీ. మరియు ఖర్చైన ఇంధనం 15 లీటర్లు. 300 కి.మీ. లను 15 లీటర్లతో భాగిస్తే వచ్చే ఫలితం 20 కి.మీ. అంటే మీ కారు ఇచ్చే మైలేజ్ లీటరుకు 20 కిలోమీటర్లన్నమాట.