హైవే మీద ప్రయాణిస్తున్నప్పుడు జాగ్రత్త.. ట్రక్కుల నుండి వచ్చే రాళ్ల నుంచి మీ కారు అద్దాలు ఇలా కాపాడుకోండి

కారులో ప్రయాణించేటప్పుడు ప్రయాణీకులను గాలి, వర్షం, దుమ్ము, ఎగిరే రాళ్ల నుంచి కాపాడే అతి ముఖ్యమైన భాగం విండ్‌షీల్డ్ (Windshield). ఒక్కోసారి డ్రైవింగ్ చేసేటప్పుడు చిన్న రాయి తగలడం వల్ల కానీ, సరైన జాగ్రత్తలు తీసుకోకపోవడం వల్ల కానీ విండ్‌షీల్డ్ దెబ్బతింటే, అది ప్రయాణీకుల భద్రతకు ముప్పుగా మారుతుంది. చిన్న పగుళ్లను రిపేర్ చేయగలిగినప్పటికీ, అసలు డ్యామేజ్ కాకుండా జాగ్రత్తలు తీసుకోవడం ఉత్తమం. మీ కారు విండ్‌షీల్డ్‌ను పగుళ్లు లేదా గీతలు పడకుండా కాపాడుకోవడానికి డ్రైవింగ్‌లో తీసుకోవాల్సిన 5 ముఖ్యమైన జాగ్రత్తలు ఇప్పుడు తెలుసుకుందాం.

విండ్‌షీల్డ్ కారు ప్రయాణికులను గాలి, వర్షం, గాలిలో ఎగిరే చిన్న చిన్న రాళ్లు, చెత్త నుండి కాపాడుతుంది. విండ్‌షీల్డ్‌లో పగులు లేదా ఏదైనా నష్టం జరిగితే, కారులో కూర్చున్న వారి భద్రతకు ముప్పు పెరుగుతుంది. పగులు చిన్నదైతే దాన్ని రిపేర్ చేయవచ్చు లేదా మార్చవచ్చు.. కానీ ముందుగానే జాగ్రత్తలు తీసుకోవడం బెస్ట్. విండ్‌షీల్డ్ పగలకుండా లేదా పాడవకుండా నిరోధించడానికి ఇక్కడ కొన్ని ముఖ్యమైన చిట్కాలు ఉన్నాయి.

దూరం పాటించండి
మీరు హైవేపై డ్రైవ్ చేస్తున్నప్పుడు, ఎల్లప్పుడూ ముందు వెళ్లే వాహనాల నుంచి ముఖ్యంగా ట్రక్కులు, బస్సుల వంటి పెద్ద వాహనాల నుంచి సురక్షిత దూరం పాటించండి. ఎందుకంటే ఈ వాహనాల టైర్ల నుంచి చిన్న చిన్న రాళ్లు లేదా కణాలు ఎగిరి మీ కారు విండ్‌షీల్డ్‌కు తగిలి పగుళ్లు ఏర్పడవచ్చు. కొన్నిసార్లు ట్రక్కు బాడీ నుంచి కూడా వస్తువులు లేదా గులకరాళ్లు పడి గాజుకు నష్టం కలిగించవచ్చు.

కంకర రోడ్లు లేదా నిర్మాణంలో ఉన్న రోడ్లపై జాగ్రత్తగా వెళ్లండి
వీలైతే, కంకర రోడ్లు లేదా నిర్మాణంలో ఉన్న రోడ్లపై డ్రైవింగ్ చేయకుండా ఉండండి. అక్కడ నుండి వెళ్లడం తప్పనిసరి అయితే, నెమ్మదిగా డ్రైవ్ చేయండి, తద్వారా రాళ్లు వేగంగా ఎగిరి మీ కారు అద్దానికి తగలవు. వేగంగా వెళ్తే అలాంటి రాళ్లు గాజుకు తీవ్ర నష్టం కలిగించవచ్చు.

కారును నీడలో పార్క్ చేయండి
ఎండ, ఉష్ణోగ్రత విండ్‌షీల్డ్‌కు నష్టం కలిగించడంలో పెద్ద పాత్ర పోషిస్తాయి. నేరుగా ఎండలో పార్క్ చేసిన కారు అద్దం చాలా వేడెక్కుతుంది. ఉష్ణోగ్రతలో చాలా తేడా ఉంటే (లోపల చల్లగా, బయట వేడిగా లేదా దీనికి విరుద్ధంగా), గాజులో పగుళ్లు ఏర్పడవచ్చు. ఎందుకంటే వేడిలో గాజు విస్తరిస్తుంది. చలిలో సంకోచిస్తుంది.

విండ్‌షీల్డ్ ప్రొటెక్షన్ ఫిల్మ్ వేయించండి
మనం మన మొబైల్ స్క్రీన్‌ను రక్షించడానికి స్క్రీన్ గార్డ్‌లను ఎలా ఉపయోగిస్తామో, అలాగే కారుకు విండ్‌షీల్డ్ ప్రొటెక్షన్ ఫిల్మ్‌ను వేయించడం కూడా ప్రయోజనకరంగా ఉంటుంది. ఇది రాళ్లు లేదా ఎగిరే వస్తువుల నుంచి రక్షణ కవచంగా పనిచేసే ట్రాన్స్ఫరెంట్ కవర్. కొన్ని ఖరీదైన ఫిల్మ్‌లలో సెల్ఫ్-హీలింగ్ (ఆటోమేటిక్‌గా నయం అయ్యే) కెపాసిటీ కూడా ఉంటుంది. అంటే చిన్నపాటి దెబ్బలు తగిలినప్పుడు అది దానంతటదే నయమవుతుంది.

వైపర్ల స్థితిని తనిఖీ చేస్తూ ఉండండి
వైపర్ బ్లేడ్‌లు ఎల్లప్పుడూ మంచి స్థితిలో ఉన్నాయని నిర్ధారించుకోండి. వైపర్‌లు పాతవి లేదా అరిగిపోయినట్లయితే, అవి విండ్‌షీల్డ్‌పై గీతలు (స్క్రాచ్‌లు) ఏర్పరచవచ్చు, ఇవి నెమ్మదిగా పగుళ్లు లేదా నష్టానికి కారణమవుతాయి. కాబట్టి ఎప్పటికప్పుడు వైపర్‌లను మార్చుకుంటూ ఉండండి.