ఈ ఒక్క లింక్‌ పెట్రోల్‌ లేదా ఎలక్ట్రిక్‌ వెహికిల్స్‌లో ఏది కొనాలో చెబుతుంది.. ఓ సారి ట్రై చేసి డిసైడ్‌ అవ్వండి

దేశంలో చాలా మంది ఇప్పుడు పెట్రోల్, డీజిల్‌ వెహికిల్స్‌ నుంచి ఎలక్ట్రిక్ వాహనాలకు మారాలని చూస్తున్నారు. గత కొన్ని నెలలుగా గణాంకాలు సైతం ఇదే విషయాన్ని స్పష్టం చేస్తున్నాయి. కంపెనీలు సైతం ఈ విభాగానికి అధిక ప్రాధాన్యత ఇస్తున్నాయి. అయితే చాలామందికి ఎలక్ట్రిక్, పెట్రోల్‌ వెహికిల్స్‌ వల్ల ఏ రకమైన ఎలాంటి ప్రయోజనాలు ఉంటాయో తెలియక అయోమయం అవుతున్నారు. అందులో మరీ ముఖ్యంగా మైలేజీ/రేంజ్‌ అనేది తీవ్ర గందరగోళం గురిచేస్తుంది. అందువల్ల ఏది కొనాలో తెలియక చాలామంది తికమక పడుతున్నట్లు తెలిసింది. ఇక్కడ మేము వెల్లడించబోయే ప్రభుత్వ వెబ్‌సైట్‌ ద్వారా ఎలక్ట్రిక్, గ్యాసోలిన్ వాహనాల ఖర్చులను అంచనా వేయండి.

ఇక్కడ మీ ట్రావెల్‌ కాస్ట్ కాలిక్యులేటర్‌ని ఉపయోగించి మీ ప్రయణానికి అయ్యే ఖర్చుని సులభంగా తెలుసుకోవచ్చు. అందుకోసం ముందుగా మీ గూగుల్ క్రోమ్ లేదా ఇతర సెర్చ్‌ ఇంజిన్‌లలో "జర్నీ కాస్ట్ కాలిక్యులేటర్" కోసం టైప్‌చేసి ఎంటర్‌ చేయండి. అక్కడే మీకు https://e-amrit.niti.gov.in/journey-cost-calculator అనేది డిస్ప్లే అవుతుంది. దానిపై క్లిక్ చేస్తే పూర్తి కాలిక్యులేటర్ కనిపిస్తుంది.

అక్కడ మీరు మీ వాహనానికి సంబంధించిన కొన్ని వివరాలను నింపాల్సి ఉంటుంది. మిగిలినవి ఆటోమేటిక్‌గా ఫిల్‌ అవుతాయి. ఇక మీరు పోల్చాలనుకుంటున్న రెండో వాహనం వివరాలను ఎంటర్‌ చేయండి "మొత్తం ఖర్చును లెక్కించండి" పై క్లిక్ చేయండి. కాలిక్యులేటర్ అప్పుడు మీరు ఎంచుకున్న ఎలక్ట్రిక్, ICE వాహనం ప్రయాణ ఖర్చులను చూపుతుంది. ఆ తర్వాత చూపించే మీ ట్రిప్ ప్లాన్ చేయడానికి ఈ లింక్‌ మీకు సహాయపడుతుంది.

పైన తెలిపిన లింక్ మీ ఖర్చులను అంచనా వేయడం ద్వారా మీరు మీ యాత్రకు అత్యంత చౌకైన ఆప్షన్‌ ఏదో సులభంగా ఎంచుకోవచ్చు. మీరు మీ పెట్రోల్ కారును ఎలక్ట్రిక్ కారుగా మార్చాలని ఆలోచిస్తుంటే, గుర్తుంచుకోవలసిన కొన్ని విషయాలు ఉన్నాయి. మోటారు, కంట్రోలర్, రోటర్ (Rotor), బ్యాటరీ అనే నాలుగు ప్రధాన భాగాలు అవసరం అవుతాయి. ఇవి కాకుండా పెట్రోల్ కారులో మిగతా యాంత్రిక భాగాలు ఒకేలా ఉంటాయి.

ఇక మీ పాత పెట్రోల్ కారులో ఇంజిన్, ఫ్యూయల్ ట్యాంక్, ఎలక్ట్రిక్ కేబుల్స్ ఉండవు. ఫ్యూయల్ ట్యాంక్ స్థానంలో ఛార్జింగ్ పాయింట్‌ని ఏర్పాటు చేయనున్నారు. కార్లను రీప్లేస్ చేసే కంపెనీలు వాటి బ్యాటరీలకు వారంటీలను కూడా అందిస్తాయి. ఇక మీ వాహనాన్ని ఎలక్ట్రిక్ కారుగా మార్చుకోవడానికి మీ రాష్ట్ర ఆర్టీఓ కార్యాలయం నుంచి అనుమతి తప్పనిసరి. ఇది ఆమోదం పొందిన తర్వాత, మీరు మీ కారును ఎలక్ట్రిక్ వాహనంగా మార్చుకోవచ్చు.

దీనివల్ల మీ డబ్బు చాలా ఆదా అవుతుంది. అంతే కాదు వాహనం మెయింటెనెన్స్ ఖర్చు కూడా తగ్గుతుంది. ఎలక్ట్రిక్ వాహనానికి మారడం పలు విధాలుగా ప్రయోజనకరంగా ఉంటుంది. ఇది ఇంధన ఖర్చులను తగ్గించడమే కాకుండా పరిశుభ్రమైన వాతావరణాన్ని సృష్టించడానికి దోహదం చేస్తుంది. ఏదేమైనా, నిర్ణయం తీసుకునే ముందు అన్ని అంశాలను బేరీజు వేయడం చాలా అవసరం.

జర్నీ కాస్ట్ కాలిక్యులేటర్ వంటి సాధనాలను ఉపయోగించడం ద్వారా మీ మార్పిడి ప్రక్రియపై ఓ అంచనాకు రావచ్చు. ఇది మీ రోజువారి అవసరాలకు అనుగుణంగా గ్యాసోలిన్, ఎలక్ట్రిక్ వాహనాల మధ్య తేడాలను సుస్పష్టం చేస్తుంది. ఇక్కడ మీరు పెట్రోల్, డీజిల్ వాహనాల మధ్య కూడా తేడాలను తెలుసుకోవచ్చు. అంతే కాదు, మీరు ఇంట్లో ఎంత ఛార్జ్ చేస్తారు. పబ్లిక్ ఛార్జింగ్ స్టేషన్లలో ఎంత ఛార్జ్ చేస్తారో కూడా లెక్కించవచ్చు.

అందువల్ల, ఖచ్చితమైన లెక్కింపు కోసం ప్రభుత్వం ఈ కాలిక్యులేటర్ సేవను అందిస్తుంది. ఒకవేళ మీరు ఎలక్ట్రిక్ వాహనాన్ని కొనుగోలు చేయాలనుకుంటే, మీరు పెట్రోల్ వాహనాన్ని ఉపయోగించినప్పుడు ఎంత ఖర్చు చేస్తారు అలాగే ఎలక్ట్రిక్ వాహనాన్ని కొనుగోలు చేసిన తర్వాత ఎంత ఖర్చవుతుందో లెక్కించడానికి ఈ కాలిక్యులేటర్‌ని ఉపయోగించండి. ద్విచక్ర వాహనాలు, త్రిచక్ర వాహనాలు, కార్లకు సంబంధించి వివరాలను తెలుసుకోవచ్చు.