బైక్‌ను గేర్‌లో ఆపడం, ఆన్ చేయడం వలన కలిగే సమస్యలు

తరచూ బైక్‌ను గేర్‌లో ఉండగాన్ ఆన్-ఆఫ్ చేస్తుండటం వలన కొంత కాలానికి గేర్‌బాక్సులో సమస్యలు రావడం, క్లచ్ ప్లేట్లు అరిగిపోవటం/కాలిపోవటం జరిగే ప్రమాదం ఉంది. టాప్-ఎండ్ వేరియంట్ బైక్‌లలో ఇంజన్‌ను ఆటోమేటిక్‌గా ఆన్ చేసేందుకు పవర్ స్టార్ట్, పవర్ స్టాప్ స్విచ్‌లు ఉంటాయి.

ఆటోమేటిక్ స్విచ్‌లు ఉన్నాయి కదా అనేసి రన్నింగ్‌లో బైక్‌ను ఆన్ చేయడం, ఆఫ్ చేయడం మంచిది కాదు. ఇది బైక్ లైఫ్‌ను తగ్గిస్తుంది. కాబట్టి, బైక్‌ను ఆఫ్ చేయడానికి ముందు కానీ లేదా బైక్‌ను ఆన్ చేయబోయే ముందు కానీ.. బైక్ న్యూట్రల్‌లో ఉందని నిర్థారించుకున్న తర్వాత మాత్రమే ఆన్ చేయడం లేదా ఆఫ్ చేయడం చేయాలి.

ఎప్పుడో ఒకసారి ఇలా చేస్తే ఫర్వా లేదు కానీ, అలాకాకుండా.. ఇష్టం వచ్చినట్లు తరచూ, బైక్‌ను గేర్‌లో ఉండగానే ఆన్-ఆఫ్ చేసినట్లయితే, తర్వాతి సర్వీసింగ్‌లలో మీ చేతి చమురు వదలక తప్పదు.