Just In
- 3 hrs ago 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- 5 hrs ago మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- 6 hrs ago కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- 8 hrs ago వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి (వీడియో)
Don't Miss
- Sports DC vs GT: రఫ్ఫాడించిన ముఖేష్ కుమార్.. ఓడిపోయే మ్యాచ్లో గెలిచిన ఢిల్లీ!
- News హైదరాబాద్, కరీంనగర్ కాంగ్రెస్ అభ్యర్థులు వీరే: ఖమ్మంలో హీరో వెంకటేష్ వియ్యంకుడు
- Movies అలాంటి దుస్తులు ధరిస్తే మానభంగాలా? అనసూయ పోస్టు వైరల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వర్షాకాలంలో సురక్షితంగా వాహనం నడపటం ఎలా? - చిట్కాలు
వర్షాకాలంలో వాహనాలను నడపటం చాలా సవాలుతో కూడుకున్న పని. ప్రత్యేకించి ఈ కాలంలో అస్తవ్యస్తంగా ఉన్న రోడ్లు, రోడ్లపై భారీగా నిలిచిపోయే వర్షపు నీరు, నోరు తెరకుచునే నాళాలు ఇలా అనేక సమస్యలు ఉంటాయి. ఇవన్నీ కార్ల డ్రైవింగ్ లేదా ద్విచక్ర వాహనాల రైడింగ్కు ఆటంకాలుగా మారుతాయి.
వర్షాకాలంలో తడిగా ఉండే రోడ్లపై వాహనాలను కంట్రోల్ చేయటం లేదా అత్యవసర పరిస్థితుల్లో బ్రేక్ వేసి వాహనాన్ని నిలుపదల చేయటం కొంచెం కష్టంతో కష్టంగా ఉంటుంది. మరోవైపు జోరున కురిసే వర్షంలో డ్రైవర్/రైడర్ దృశ్యమానత (విజిబిలిటీ) కూడా తక్కువగా ఉంటుంది. మరి ఇలాంటి సవాలుతో కూడుకున్న వాతావరణంలో వాహనాలను సురక్షితంగా నడపటం ఎలానో తెలుసుకుందాం రండి.
1. అరిగిపోయిన టైర్లను మార్చండి
వర్షాకాలంలో తడిసిన రోడ్లపై టైర్లకు మరియు రోడ్డుకు మధ్య ఘర్షణ చాలా తక్కువగా ఉంటుంది. ఒకవేళ మీ వాహనపు టైర్లు పూర్తిగా అరిగిపోయి ఉన్నట్లయితే, అలాంటి వాహనాలు వర్షా కాలంలో తక్కువ స్టాపింగ్ సామర్థ్యాన్ని కలిగి ఉంటాయి. అంటే, బ్రేక్ వేసిన ప్రాంతం నుండి వాహనం నిలిచే ప్రాంతం మధ్య దూరం సాధారణం కన్నా ఎక్కువగా ఉంటుంది.
ఇటువంటి సందర్భాల్లో అత్యవసరంగా బ్రేక్ వేయాల్సి వచ్చినప్పుడు వాహనం రోడ్డుపై జారిపోయి ప్రమాదం సంభవించే అవకాశం ఉంది. కాబట్టి, ఈ సీజన్లో మీ ప్రయాణం సురక్షితంగా సాగాలంటే, మీ వాహనానికి సరైన గ్రిప్తో కూడిన టైర్లు ఉండటం అవసరం. టైర్లు అరిగిపోయినట్లుగా భావిస్తే, తక్షణమే వాటిని కొత్త వాటితో రీప్లేస్ చేసుకోవటం మంచిది.
2. బ్రేక్లను తనిఖీ చేయండి
సాధారణంగా వానాకాలంలో తడిరోడ్లపై బ్రేకులు సరిగ్గా పనిచేయవు. పొడిగా ఉన్న రోడ్లతో పోల్చుకుంటే, తడిరోడ్లపై వెహికల్ స్టాపింగ్ డిస్టెన్స్ ఎక్కువగా ఉంటుంది. తడిసిన బ్రేక్ రోటర్లు/కాలిపర్లు కారణంగా బ్రేకింగ్ సామర్థ్యం కూడా తగ్గుతుంది. అంతేకాకుండా, అరిగిపోయిన బ్రేక్ షూలు ఈ సమయంలో ప్రమాదాలకు కారణం అవుతుంటాయి.
కాబట్టి వర్షాకాలానికి అనుగుణంగా బ్రేక్లను సిద్ధం చేసుకోవటం మంచిది. ఆరోగ్యకరమైన బ్రేకులు అంటే, సురక్షితమైన స్టాపింగ్ అని గుర్తుంచుకోండి. వర్షం పడుతున్నప్పుడు మరియు తడిసిన రోడ్లపై వాహనాలను నెమ్మదిగా నడపండి. ప్రత్యేకించి మలుపుల వద్ద వేగాన్ని తగ్గించి, జాగ్రతగా డ్రైవ్ చేయండి.
3. అధిక వేగాన్ని నివారించండి
వర్షాకాలంలో అధిక వేగంతో వాహనాలను నడపడం చాలా ప్రమాదకరం. వర్షంలో అధిక వేగం ప్రమాదాల తీవ్రతను పెంచుతుంది. ఈ సందర్భంలో, కారును చాలా నెమ్మదిగా నడపడం శ్రేయస్కరం. ఇటువంటి పరిస్థితుల్లో అకస్మాత్తుగా బ్రేకులు వేయటం లేదా స్టీరింగ్ వీల్ని అకస్మాత్తుగా తిప్పడం చేయకూడదని గుర్తుంచుకోవాలి.
4. తడిసిపోయి కారులోకి ప్రవేశించకండి
వానలో ముద్దగా తడిసిపోయి మాత్రం కారులోకి ప్రవేశించకండి. తడిసిన బట్టలతో డ్రైవింగ్ చేయటం కాస్తంత చిరాకుగా అనిపిస్తుంది. దీని వలన పరధ్యానానికి లోనై ప్రమాదాలను కొని తెచ్చుకునే అవకాశం ఉంది. అంతేకాకుండా తడిసిన సీట్లు కారు లోపల దుర్వాసనకు కారణం కావచ్చు. వర్షాకాలంలో వీలైనంత వరకూ కారులో ఒక గొడుగు, ఒక జత పొడి బట్టలు మరియు కొన్ని ప్లాస్టిక్ బ్యాగ్స్ను ఉంచుకోవటం మంచిది.
5. కారుని సర్వీస్ చేయించండి
వర్షాకాలంలో మీ కారుని తప్పనిసరిగా సర్వీస్ చేయించాలి. వానాకాలంలో డ్రైవింగ్కి అనుగుణంగా మీ కారును సిద్ధంగా ఉంచుకోవాలి. టెక్నీషియన్ సలహా మేరకు అవసరమైన అన్ని మరమ్మతులు చేయించుకోవాలి. పైన తెలిపిన అంశాలనే కాకుండా వైపర్స్, హెడ్లైట్స్, హాజర్డ్ లైట్స్, బ్రేక్స్ లైట్స్ మరియు బ్యాటరీ వంటి పలు అంశాలను కూడా తనిఖీ చేయించాలి అవసరమైన వాటిని కొత్త వాటితో భర్తీ చేసుకోవాలి.