Brake Pads బ్రేక్ ప్యాడ్స్‌ని ఇలా చెక్‌ చేసుకోండి.. మీ వాహనంలో ఆ శబ్దాలు వస్తే ప్రమాదం పొంచి ఉన్నట్లే..!

వాహనాలకు బ్రేక్ అనేది చాలా కీలకం. సరైన సమయంలో బ్రేకులు పనిచేయకపోతే ప్రమాదాలకు గురయ్యే ప్రమాదం ఉంటుంది. కాబట్టి వాహనం స్టార్ట్ చేసేముందు బ్రేక్‌ల పనితీరును ఒకటికి రెండుసార్లు చెక్ చేసుకోవాలి. క్రమం తప్పకుండా బ్రేక్‌లు సరిగ్గా పనిచేస్తున్నాయా లేదా అనే విషయాన్ని నిర్ధారించుకోవాలి.

బ్రేక్‌లో ఏదైనా లోపం ఉంటే వెంటనే సరిచేసుకోవాలి. వాహనానికి ఆయువుపట్టు అయిన కీలకమైన బ్రేక్ పనితీరును పర్యవేక్షించుకోకపోతే తీవ్ర పరిణామాలు ఎదుర్కోవాల్సి వస్తుంది. ఓ వాహనంలోని బ్రేకింగ్ సిస్టమ్‌లో బ్రేక్ ప్యాడ్స్‌ కీలకపాత్ర పోషిస్తాయి. అలాంటి ముఖ్యమైన బ్రేక్ ప్యాడ్ నిర్హహణ, పనితీరు వివరాలు మీకోసం..

వాహనంలో బ్రేక్ ప్యాడ్‌లను ఎప్పుడు మార్చాలో తెలుసుకోవడం ద్వారా ప్రమాదాలను నివారించవచ్చు. ఇది వెహికిల్‌కి సరైన సమయంలో బ్రేక్‌ ఉపయోగించేందుకు సహకరిస్తుంది. ఇంతటి కీలకమైన బ్రేక్ ప్యాడ్ అరిగిపోతే ప్రమాదాలు కొని తెచ్చుకున్నట్లు అవుతుంది. మీ బ్రేక్ ప్యాడ్లను మార్చడానికి సమయం ఆసన్నమైందని సూచించే కొన్ని సంకేతాలు మీకు ఉపయోగపడవచ్చు.

శబ్దం: మీరు బ్రేకులు వేసినప్పుడు అధిక పిచ్ శబ్దం వినిపిస్తే, బ్రేక్ ప్యాడ్లు అరిగిపోయాయని అర్థం. బ్రేక్ ప్యాడ్లు బిల్ట్-ఇన్ వేర్ ఇండికేటర్‌తో వస్తాయి. ఇవి మార్చాల్సిన అవసరం వచ్చినప్పుడు ఇలాంటి శబ్దాన్ని విడుదల చేస్తాయి. వెంటనే మార్చుకోవడం ద్వారా ప్రమాదాలను నివారించవచ్చు. ఇలా శబ్దం వచ్చినా వాహనాన్ని నడిపితే బ్రేక్‌లు పనిచేయక ప్రమాదం జరిగే అవకాశం ఉంటుంది.

గ్రైండింగ్ శబ్దం: బ్రేకులు వేసేటప్పుడు గ్రైండింగ్ శబ్దం వస్తుంది. ఇలా సౌండ్ వస్తే సాధారణంగా బ్రేక్ ప్యాడ్‌లు పూర్తిగా అరిగిపోయాయినట్లు హెచ్చరిస్తుందని భావించాలి. ప్యాడ్‌ల యొక్క మెటల్ బ్యాకప్ బ్రేక్ రోటర్‌పై రుద్దుతోంది. దీంతో రోటర్ మరియు ఇతర బ్రేక్ భాగాలను పూర్తిగా దెబ్బతీస్తుంది కనుక వెంటనే ప్యాడ్‌లను మార్చాలి.

వైబ్రేషన్: మీరు బ్రేకులు వేసినప్పుడు బ్రేక్ పెడల్ లో వైబ్రేటింగ్ అనుభూతిని మీరు గమనించినట్లైతే, అది బ్రేక్ ప్యాడ్ లు అరిగిపోయాయని సూచిస్తుంది. అధిక స్పీడ్ లో ఉన్నప్పుడు ఇలాంటి వైబ్రేషన్స్ వస్తాయి. స్పీడ్ లో ఉన్నప్పుడు బ్రేక్ ఉపయోగించాల్సిన సమయంలో అధిక వేడి ఏర్పడటం వల్ల అలా జరుగుతుంది.

విజువల్ ఇన్ స్పెక్షన్: ఒకవేళ మీరు విజువల్ ఇన్ స్పెక్షన్ చేయడం సౌకర్యవంతంగా ఉన్నట్లయితే, మీరు చక్రాన్ని తొలగించవచ్చు. కాలిపర్ ద్వారా బ్రేక్ ప్యాడ్ లను విజువల్ గా తనిఖీ చేయవచ్చు. ప్యాడ్లు చాలా సన్నగా, అరుగుదల సూచికకు దగ్గరగా కనిపిస్తే, వాటిని మార్చాల్సిన సమయం ఆసన్నమైనట్లుగా భావించాలి.

మీ వాహనం పూర్తిగా ఆగిపోవడానికి ఎక్కువగా ఫోర్స్ చేయాల్సిన వచ్చిన సందర్భంలో లేదా మీరు సాధారణం కంటే బ్రేక్ పెడల్ పై ఎక్కువ ఒత్తిడిని వేయాల్సిన అవసరం ఉందని మీరు గమనించినట్లయితే, అది అరిగిపోయిన బ్రేక్ ప్యాడ్ లకు సంకేతం కావచ్చు. ఇలా ఉంటే బ్రేక్ వాహనాన్ని త్వరగా ఆపే సామర్థ్యాన్ని దెబ్బతీస్తుంది, కాబట్టి ప్యాడ్లను తనిఖీ చేయడం చాలా అవసరం.

డ్రైవ్‌స్పార్క్ తెలుగు వెబ్‌సైట్ ఆటోమొబైల్ కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.