కారు కొనేటప్పుడు ఆన్‌ రోడ్‌ ధర విషయంలో మీరెప్పుడైనా ఇది గమనించారా.. లేదంటే మోసపోతారు.!!

చాలా మంది కొత్త కారును కొనుగోలు చేయడానికి పండుగ సీజన్‌ లేదంటే ప్రత్యేక ఆఫర్లు ఉన్నప్పుడు సరైనదిగా భావిస్తారు. అయితే కొత్త కారు కొనుగోలు చేసేముందు కస్టమర్లు కొన్ని విషయాలు గుర్తుంచుకోవాల్సి ఉంటుంది. ముఖ్యంగా ఆన్‌ రోడ్‌ ధర విషయంలో మీరు అప్రమత్తంగా లేకపోతే మోసపోయే అవకాశం ఉంటుంది.

కారు కొనుగోలు చేసేటప్పుడు ఆన్‌ రోడ్(Car On Road Price) ధర విషయంలో మీకు కొన్ని ఎక్స్‌ట్రా ఛార్జెస్‌ ఉంటాయి. అయితే ఈ విషయంలో కొన్ని సందర్భాల్లో ఎక్కువ ధర వేసి చూపించడం ద్వారా మీరు మోసపోయే అవకాశం ఉంటుంది. అలాంటి తప్పు జరగకుండా ఉండటానికి మీరు ఆన్‌ రోడ్‌ ధరలో కారు కొనుగోలు చేసేటప్పుడు ఈ విషయాలు గుర్తుంచుకోవాలి.

ఆన్‌రోడ్ ధరలో బేస్ ధర, రోడ్డు పన్ను, బీమా, రిజిస్ట్రేషన్, ఇతర రుసుములు ఉంటాయి. సాధారణంగా ఎక్కడైనా ఈ ధరలు పారదర్శకంగా మరియు స్థిరంగా ఉంటాయి. కానీ కొందరు డీలర్లు దీన్ని అతిగా చూపి వినియోగదారులను మోసం చేసే అవకాశం ఉంటుంది. దీని వల్ల మీ జేబుకు చిల్లు పడటం ఖాయం.

కారు కొనేటప్పుడు కొందరు చేసే ముఖ్యమైన పొరపాట్లు ఏంటంటే.. మొదటిది సరైన పరిశోధన లేకపోవడం. మీరు కొనాలనుకున్న కారు మోడల్ ఆన్-రోడ్ ధర గురించి మీకు స్పష్టమైన ఆలోచన లేకపోతే, మీరు మోసపోయే అవకాశాలు ఉన్నాయి. చాలా మంది కస్టమర్లు డీలర్లను గుడ్డిగా విశ్వసించడంతో మీరు ఫైనల్‌ బిల్లును చూసి షాక్‌ అవ్వాల్సిందే.

వినియోగదారులు ఆన్‌రోడ్ ధరల వద్ద రిటైల్ లావాదేవీలు చేసుకోవచ్చు. కానీ చాలా మంది ఇలా చేయరు. దీంతో మీరు తక్కువ ధరలో కారును కొనుగోలు చేయలేకరు. కానీ మీరు వారితో బేరమాడినట్లయితే, ఆన్ రోడ్ ధరలో మీరు గణనీయమైన తగ్గింపును పొందవచ్చు. ఎలా అంటే..

కారు కొనుగోలు చేసే ముందు ముందుగా ఆ కారు ఆన్-రోడ్ ధర గురించి ఒక స్పష్టమైన అంచనాకు రండి. తయారీదారు వెబ్‌సైట్, ఆటోమోటివ్ ఫోరమ్‌లు లేదా ధరల వెబ్‌సైట్‌ల వంటి మీరు పూర్తిగా సమాచారం సేకరించండి. మరొక ముఖ్యమైన విషయం ఏమిటంటే మీరు కొనుగోలు చేసే ముందు వివరణాత్మక కొటేషన్ తీసుకోండి. ఇందులో ఆన్‌రోడ్ ధరలోని అన్ని అంశాలు ఉండేలా చూసుకోండి.

దీని ద్వారా మీరు కారు యొక్క ఖచ్చితమైన ధరను తెలుసుకోవచ్చు. కేవలం డీలర్‌షిప్‌ని సందర్శించి కారు కొనుగోలు చేయవద్దు. బహుళ డీలర్‌షిప్‌లను సందర్శించడం ద్వారా ధరల్లో తేడా మీకు తెలుస్తుంది. సాధ్యమైనన్ని డీలర్‌షిప్‌లను సందర్శించి.. ఆన్-రోడ్ ధరలను పోల్చుకోవడానికి కోట్‌లను పొందండి. దీని ద్వారా ఎక్కడ ఎక్కువగా ఛార్జీలు వసూలు చేస్తున్నారో మీరు ఓ అంచనాకి రావచ్చు.

కొన్ని సందర్భాల్లో, విషయాల్లో మీకు స్పష్టత రాకపోతే.. మీరు న్యాయ సలహా తీసుకోవచ్చు. అయితే మీరు కారు కొనుగోలు చేసేటప్పుడు ఆన్‌ రోడ్‌ విషయంలో బేరం చేయడం మాత్రం మర్చిపోవద్దు. కార్ల తయారీదారులు కాకుండా, డీలర్‌షిప్‌లు కూడా తరచుగా ఆఫర్‌లను అందిస్తాయి. బహిరంగ చర్చ ద్వారా మీరు ఎక్కువ ప్రయోజనం పొందవచ్చు. పండుగల సీజన్‌లో కార్లపై గొప్ప ఆఫర్‌లు లభిస్తాయి కాబట్టి కస్టమర్లు ఎక్కువగా షోరూమ్‌లకు వస్తుంటారు కూడా.

అయితే మీ జేబు చిల్లులు పడకుండా ఉండాలంటే మీరు ఆన్-రోడ్ ధరల స్కామ్‌ల గురించి తెలుసుకోవడం చాలా అవసరం. దాని కోసం, మీరు సరైన హోంవర్క్ చేయాల్సి ఉంటుంది. కొటేషన్లు పొందడం, బహుళ డీలర్‌షిప్‌లను సందర్శించడం, మీకు నచ్చిన కారును కొనుగోలు చేయడానికి వీలైనంత ఎక్కువగా గరిష్ఠ బేరం ఆడటం. మీరు సరసమైన ధరలో కారు కొనుగోలు చేయడానికి ఈ టిప్స్‌ మీకు ఉపయోగపడతాయి.