బైక్ ఇంధనాన్ని ఆదా చేసుకొని మైలేజ్ పెంచుకునేందుకు చిట్కాలు

* బైక్‌ను ఎల్లప్పుడూ కండిషన్‌లో ఉంచుకొని, ఎప్పటికప్పుడు సర్వీసింగ్‌లు చేయిస్తుండాలి.

* ప్రతి 3000 కి.మీ. లేగా మూడు నెలలకు ఒకసారి ఇంజన్ ఆయిల్‌ను మార్చుకోవాలి.

* క్లచ్‌ను జాగ్రత్తగా ఉపయోగించాలి. క్లచ్ స్లిప్పింగ్ ఇంధన సామర్థ్యాన్ని తగ్గిస్తుంది.

* ప్రతి 2000 కి.మీ. ఒకసారి చైన్ మరియు చైన్ స్ప్రాకెట్లను శుభ్రం చేసుకొని, సరైన లూబ్రికెంట్‌లను వాడాలి.

* వదులు (లూజ్)గా ఉండే చైన్‌తో ఎప్పుడు కూడా రైడ్ చేయకూడదు. ఇది మైలేజ్‌ను తగ్గిస్తుంది. ఇంకా ఇది ప్రమాదకరమైనది కూడా.

* రాపిడి (ఫ్రిక్షన్)ను తగ్గించేదుకు ఎల్లప్పుడు రెండు టైర్లలో సరైన గాలి పీడనం (ఎయిర్ ప్రెజర్) ఉండేలా జాగ్రత్త వహించాలి. టైర్లలో ఎయిర్ తక్కువగా ఉంటే అది మైలేజ్‌పై ప్రభావం చూపే ఆస్కారం ఉంది.

* పెట్రోల్ ట్యాంక్, ఫ్యూయెల్ పైప్, ఫ్యూయెల్ ఫిల్టర్లను తరచూ చెక్ చేసుకుంటూ ఉండాలి.

* కార్బోనేటర్‌ను సరిగ్గా ట్యూన్ చేయించుకోవాలి. ఇది మైలేజ్‌ను పెంచుతుంది. మైలేజ్‌లో ఏదైనా సమస్య తలెత్తితే కార్బోనేటర్‌ను రీ-ట్యూన్ చేయించుకోవాలి.

* కేబుళ్లు, కేబుళ్ల టిప్‌లకు తరచూ లూబ్రికెంట్‌లను వాడుతుండాలి.

* ప్రతి 2000 కి.మీ. ఒకసారి కార్బోనేటర్‌ (ఫ్లోట్ చాంబర్, జెట్స్) మరియు స్పార్క్ ప్లగ్‌లను శుభ్రం చేసుకోవాలి.

* బ్రేక్‌లు ఎక్కువ బిగుతు (టైట్)గా లేకుండా చూసుకోవాలి. దీనివల్ల బైక్ స్పీడ్ తగ్గి, బ్రేక్ షూలు త్వరగా అరిగిపోవడమే కాకుండా మైలేజ్ కూడా తగ్గుతుంది.

* ఎయిర్ ఫిల్టర్లను తరచూ శుభ్రం చేసుకోవాలి.

* ఎంపిక చేసిన / మంచి పెట్రోల్ బంకులలో మాత్రమే ఇంధనాన్ని కొనుగోలు చేయాలి. వీలైంనంత వరకూ ఇంధనాన్ని ఉదయం వేళల్లో పట్టించుకోవడం మంచిది. బైక్‌ను ఎల్లప్పుడు నీడలో పార్కింగ్ చేయటం ఉత్తమం.

* బైక్ టాప్ గేర్‌ను ఎల్లప్పుడూ 40-60 కి.మీ. రేంజ్లా మాత్రమే ఉపయోగించండి. సడెన్ బ్రేక్‌లను వేయకండి. 70 కి.మీ. వేగంగా బైక్‌ని రైడ్ చేయకండి.

* ఇంజన్‌ను రైజ్ చేయకండి. ఇది ఇంధన వినియోగాన్ని పెంచుతుంది. యాక్సిలరేషన్‌ను తగ్గించిన తర్వాత మాత్రమే గేర్‌ను మార్చండి.

* భారీ ట్రాఫిక్ సిగ్నల్స్‌లలో ఇంజన్‌ను స్విఛ్ ఆఫ్ చేయండి. ఇంధన సామర్థ్యం కోసం అనధికారిక పరికరాలను వాడకండి.

కాబట్టి పైన తెలిపిన సలహాలు పాటించి మైలేజ్‌ను పెంచుకోవడమే కాకుండా.. ధనాన్ని కూడా ఆదా చేసుకోండి.