మీ జీవితకాలంలో మనదేశంలో చేయాల్సిన టాప్ 10 రోడ్ ట్రిప్స్

పంబన్ బ్రిడ్జ్

రామేశ్వరంలోని పంబన్ ద్వీపాన్ని తమిళనాడు రాష్ట్రాన్ని కలుపుతూ సముద్రంపై నిర్మించిన ఈ పంబన్ బ్రిడ్జ్‌పై రోడ్డు ప్రయాణం ఓ అందమైన అనుభూతి. నీలి నీటితో నిండిన సముద్రంపై నిర్మించిన ఈ అత్యంత పొడవైన బ్రిడ్జ్‌కు సంబంధించి ఓ పుకారు కూడా వినికిడిలో ఉంది. అదేంటంటే, ఈ బ్రిడ్జ్‌ను ఆపరేట్ చేసే క్రమంలో వేలాది మంది ప్రాణాలను కాపాడేందుకు ఓ వ్యక్తి తన కుమారుడి ప్రాణాలను పణంగా పెట్టినట్లు చెప్పుకుంటుంటారు.

Picture Credit: Deepak Bansi via Wiki Commons

మనాలీ-లెహ్ హైవే

రోడ్డపై తెల్లటి హిమపాతాన్ని చూడటానికి మనం విదేశాలకే వెళ్లాల్సిన అవసరం లేదు. మనదేశంలో హిమాలయాల అంచున ఉండే, మనాలీ-లెహ్ రహదారిపై రోడ్ ట్రిప్ చేస్తే చాలు, ఇలాంటి దృశ్యాన్ని అడుగడుగునా చూడొచ్చు. పచ్చని ప్రకృతి తెల్లటి దుప్పటి కప్పుకున్నట్లుగా ఉంటుంది ఇక్కడి వాతావరణం.

Picture Credit: Biswarup Ganguly via Wiki Commons

ఎన్‌హెచ్ 212

కేరళలోని కోళికోడ్ నుంచి మైసూర్ మీదుగా కర్ణాటకలోని కొల్లెగల్ ప్రాంతాలను కలిపే ఈ 212వ జాతీయ రహదారి కర్ణాటకలోని బండిపూర్ టైగర్ రిజర్వ్ గుండా సాగిపోతుంది. ఈ మార్గంలో మీరు దండకారణ్యాలతో పాటుగా భీకరమైన ఏనుగులను, వివిధ అటవీ జంతువులను మరియు ప్రకృతి అందాలను తిలకించవచ్చు.

Picture Credit: Kamaljith K V via Flickr

చంఢీఘడ్-మనాలీ హైవే

భోజన ప్రియులు, ప్రకృతిని తమ కెమెరాల్లో బంధించాలనుకునే ఫొటో గ్రాఫర్లకు ఈ రూట్ ఓ అద్భుతమైన గమ్యం. దారిపొడవునా కనిపించే వివిధ రెస్టారెంట్లు/డాబాలలో లభించే విభిన్న రకాల వంటకాలు భోజన ప్రియులకు నోరూరిస్తాయి.

Picture Credit: Biswarup Ganguly via Wiki Commons

లెహ్-శ్రీనగర్ హైవే

ప్రయాణం అంటే ఇష్టపడే ప్రతి ఒక్కరూ తమ జీవిత కాలంలో సందర్శించాల్సిన టాప్ 5 ప్రదేశాలలో లెహ్-లడక్ రూట్ ఒకటి. లెహ్ నుంచి శ్రీనగర్‌కు బైక్‌పై వెళ్తుంటే, ఆ అనుభూతిని వివరించడానికి మాటలు సరిపోవు. అలాగే, ఈ రూట్‌లోని ప్రకృతి అందాలను చూడటానికి రెండు కన్నులు సరిపోవు.

Picture Credit: sushmita balasubramani

మహాబలేశ్వర్

తీర్థయాత్రలంటే ఇష్టపడే వారికి మహాబలేశ్వర్ రోడ్ ట్రిప్ ఓ మధురమైన జ్ఞాపకంగా మిగులుతుంది. ఉత్తర కర్ణాటక జిల్లాలో ఉన్న మహాబలేశ్వర దేవాలయం ఎంతో ప్రసిద్ధి చెందినది. ఇక్కడ శివుని ఆత్మలింగం ఉంటుంది. ఈ దేవాలయాన్ని కాశీ లేదా వారణాసి దేవాలయాలతో సమంగా భావిస్తారు. పవిత్రమైన ఏడు ముక్తి క్షేత్రాలలో ఒకటిగా పూజిస్తారు.

Picture Credit: ganuullu via Flickr

కళ్యాణ్ నిర్మల్ హైవే

మహారాష్ట్ర మరియు తెలంగాణా రాష్ట్రాల మీదుగా సాగిపోయే ఈ కళ్యాణ్ నిర్మల్ హైవే‌లో అడుగడునా ప్రకృతి మనకి స్వాగతం పలుకుతూ ఉంటుంది. ప్రతి ప్రాంతంలో విభిన్న సంసృతి, సాంప్రదాయాలు మనకు కనిపిస్తూ ఉంటాయి.

Picture Credit: Anand Balasubramaniam via Flickr

రోహ్‌తంగ్ పాస్

మనాలీ నుంచి 51 కిలోమీటర్ల దూరం ఉన్న ఈ రోహ్‌తంగ్ పాస్ లెహ్ జాతీయ రహదారిలో అత్యంత కీలకమైన మార్గం. ఈ రోహ్‌తంగ్ పాస్ రూట్ అడ్వెంచర్లతో కూడుకున్నది. మంచు రోడ్లు, ఎత్తు పల్లలాతో కూడిన రోడ్లు ఎంతో అందగా ఉంటాయి.

Picture Credit: Achiwiki356 via Wiki Commons

ముంబై-పూనే రూట్

స్పీడ్ అంటే ఇష్టపడే వారికి ముంబై పూనే ఎక్స్‌ప్రెస్ వే బెస్ట్ చాయిస్. ఇది భారతదేశపు మొట్టమొదటి హై-స్పీడ్ సిక్స్-లేన్ (6 లైన్ల) రోడ్. ఈ రోడ్డుపై ప్రకృతి కన్నా ఇతర వాహనాల వేగమే మనకు ఎక్కువగా కనిపిస్తుంటుంది.

Picture Credit: Nikhil.kawale

ఓల్డ్ సిల్క్ రూట్

ఓల్డ్ సిల్క్ రూట్

జెలెప్ లా పాస్ మీదుగా భారతదేశాన్ని, టిబెట్‌ను కలిపే రహదారి ఈ ఓల్డ్ సిల్క్ రూట్. ఇదొక పురాతన కాలపు హిల్లీ రోడ్. కొండలు, గుట్టలు మీదుగా సాగిపోయే ఈ రోడ్డు ప్రయాణం ఓ మధురానుభూతిగా నిలిచిపోతుంది. ఈ రోడ్డు మనకు ప్రాచీన చరిత్రను కూడా పరిచయం చేస్తుంది.

Picture Credit: hceebee via Flickr

పూరీ-కోణార్క్ రూట్

ఇది కూడా తీర్థయాత్రలంటే ఇష్టపడే వారికి ఓ చక్కటి రూట్. పూరీ జగన్నాథుని సందర్శించుకోవాలని బయలుదేరే వారు కేవలం ఆ పుణ్యక్షేత్రాన్నే కాకుండా మార్గమధ్యంలోని ప్రకృతి దేవత అందాలను కూడా ఆస్వాదించవచ్చు.

Picture Credit: Manasa Malipeddi via Flickr