కుటుంబం కోసం ఆటో డ్రైవర్‌గా మారిన 21 ఏళ్ల అమ్మాయి.. ఎక్కడో తెలుసా ?

జమ్మూ కాశ్మీర్‌కు చెందిన ఈ 21 ఏళ్ల అమ్మాయి ఆటో డ్రైవర్ కావడం ద్వారా తన తండ్రికి సహాయం చేయాలని నిర్ణయించుకుంది. దీనికి సంబంధించిన నివేదికల ప్రకారం ఈ అమ్మాయి జమ్మూ కాశ్మీర్‌లోని ఉధంపూర్ జిల్లాకు చెందినది. ఆమె పేరు బంజీత్ కౌర్. ఆమె తండ్రి స్కూల్ బస్ డ్రైవర్ .

బంజీత్ కౌర్ తండ్రి కరోనా మహమ్మరి కారణంగా ఉద్యోగం కోల్పోయాడు. ఉపాధి కోల్పోవడంతో వారి జీవితం చాలా కష్టతరం అయిపోయింది. ఈ నేపథ్యంలోనే తన తండ్రికి సహాయం చేయడానికి బంజీత్ కౌర్ ఆటో నడపాలని నిర్ణయించుకుంది.

న్యూస్ ఏజెన్సీ ANI బెంజీత్ కౌర్ తో మాట్లాడుతూ, నాన్న పాఠశాలలో బస్సు డ్రైవర్‌గా పనిచేస్తున్నారు. కానీ కరోనా వైరస్ మహమ్మారి కారణంగా పాఠశాలలు మూసివేయబడ్డాయి. ఈ కారణంగా, తన తండ్రి బస్ డ్రైవర్ ఉద్యోగాన్ని కోల్పోయాడు. ఉద్యోగం కోల్పోయిన తరువాత, అతను ఆటోరిక్షాను నడపడం ప్రారంభించాడు. కానీ తగినంత ఆదాయం లేదు. ఈ కారణంగానే నేను నా తండ్రితో కలిసి ఆటోరిక్షాను నడపాలని నిర్ణయించుకున్నాను.

బంజీత్ కౌర్ ఆమె ఆటో నడుపుతున్నప్పటికీ, తాను డిఫెన్స్ లో చేరాలనుకుంటున్నట్లు, కావున ప్రస్తుతం సెకండ్ ఇయర్ గ్రాడ్యుయేట్ చదువుతున్నట్లు తెలిపింది. అంతే కాకుండా ప్రస్తుతం ఆటోరిక్షా నడపడం కేవలం పార్ట్‌టైమ్ జాబ్ అని చెప్పింది.

సమాజంలో నేటి యువతరం బాలికలు ఎంత కష్టతరమైనదానినైన ఎదుర్కోవడానికి సిద్ధంగా తయారవ్వాలని బంజీత్ కౌర్ చెప్పారు. ఈ నిర్ణయం చాలా మందిని ప్రభావితం చేస్తుందని, బంజీత్ కౌర్ కుటుంబం చాలా సంతోషించింది.

దీని గురించి బంజీత్ కౌర్ తండ్రి మాట్లాడుతూ, ప్రతి రంగంలో బాలికలు బాగా రాణించగలరని ఆమె తండ్రి సర్దార్ గోరఖ్ సింగ్ అన్నారు. వారు కోరుకున్న ఏ వృత్తిని అయినా ఎంచుకోవచ్చు. తమకు ఇష్టమైన రంగంలో రాణించినట్లైతే ప్రతి ఒక్కరూ 100% విజయాన్ని తప్పకుండా పొందవచ్చని చెప్పారు.

కరోనా మహమ్మారి కారణంగా కరోనా లాక్ డౌన్ సమయంలో నేను ఉద్యోగం కోల్పోయినప్పుడు, నా కుమార్తె నాకు ఆటో రిక్షా నేర్పించమని కోరింది. నేను ఆమెకు సహాయం చేశానని ఆమె చెప్పాడు. పిల్లలు ఇష్టమైన వాటిని నేర్పించడానికి తల్లి తంతులు తమ వంతు కృషి చేయాలనీ చెప్పారు. అప్పుడే వారు అన్ని రంగాలలోనూ రాణించగలరు.