అమీర్ 'సత్యమేవ జయతే'కు స్పాన్సర్ చేయనున్న స్కొడా

Gallery | More Photos

ఈ టెలివిజన్ షో వచ్చే నెల ఆరవ తేదీ నుండి (మే 6, 2012) నుండి స్టార్ నెట్‌వర్క్‌లోని వివిధ ఛానెళ్లలో ప్రసారం కానుంది. ఈ టెలివిజన్‌కు దేశవ్యాప్తంగానే కాకుండా, ప్రపంచ వ్యాప్తంగా ఎంతో మంది వీక్షకులు ఉన్నారు. ఒక్క భారతదేశంలోనే ఇది 40 లక్షల మంది వీక్షలకు చేరవచ్చని అంచనా. ఈ కార్యక్రమానికి స్పాన్సర్‌గా వ్యవరించడం ద్వారా దేశవ్యాప్తంగా ఉన్న ప్రజల దృష్టిని ఆకట్టుకోవాలని స్కొడా భావిస్తోంది.

దీని గురించి స్కొడా మార్కెటింగ్ హెడ్ కమల్ బసు మాట్లాడుతూ.. సత్యమేవ జయతేకు స్పాన్సర్‌గా వ్యవహరించటం తమకెంతో గర్వంగా ఉందని, ఈ షో భారతీయుల మదిని ఆకట్టుకుంటుందని అన్నారు. దశాబ్ధ కాలంగా ఇండియాలో ఉన్న తమకు సరైన సమయంలో ఓ మంచి అవకాశం దక్కిందని, ఇది తమ కస్టమర్ల మనస్సులలో స్కొడా విలువలను మరింత బలపరుస్తుందని అన్నారు.

అలాగే, అమీర్ ఖాన్ చేస్తున్న ఈ మొట్టమొదటి టెలివిజన్ షో ద్వారా స్టార్ నెట్‌వర్క్ సామర్థ్యం కూడా పెరుగుతుందని ఆయన అభిప్రాయపడ్డారు. అమీర్ ఖాన్ వ్యాఖ్యాతగా వ్యవరిస్తున్న సత్యమేవ జయతే అనే టెలివిజన్ షోకు సంబంధించిన ప్రోమో ఇప్పటికే వివిధి టెలివిజన్ ఛానెళ్లలో ప్రసారం అవుతున్న సంగతి తెలిసిందే.