గజిబిజి రోడ్లు...

విన్స్టన్ చర్చిల్ అవెన్యూ - జిబ్రాల్టర్ (Winston Churchill Avenue - Gibraltar):

ఈ రహదారి మార్గంలో యాక్టివ్ ఎయిర్ పోర్ట్ రన్‌వే ఉంది. ప్లేన్ ల్యాండింగ్ లేదా టేక్ ఆఫ్ సమయంలో 10 నిమిషాల పాటు ట్రాఫిక్ ఆంక్షలు ఉంటాయి. ఈ మార్గంలో ప్రయాణం ఉత్కంఠభరితంగా సాగుతుంది.

ద లీనా హైవే (The Lena Highway - Russia):

మీకు బురుదలో ప్రయాణించటమంటే ఇష్టమా.. అయితే మీకు లీనా హైవే బెస్ట్ చాయిస్. ఈ జాతీయ రహదారి సైబీరియా, రష్యా వాసులకు సుపరిచితం. శీతా కాలం ఈ రోడ్డు సౌకర్యవంతంగా ఉంటుంది. వర్షా కాలం వచ్చిందంటే చాలు ఈ రోడ్డు బరుదతో కప్పబడి ఆసౌకర్యంగా మారుతుంది. ఈ పరిస్థితుల్లో ప్రయాణం ఇబ్బందికరంగా ఉంటుంది.

కారాకోరమ్ హైవే - పాకిస్తాన్ టూ చైనా (Karakoram Highway - Pakistan to China):

కారాకోరమ్ పర్వత శ్రేణి ప్రాంతంలో ఏర్పాటు చేసిన ఈ రహదారి చైనా- పాకిస్తాన్‌లను కలుపుతుంది. రోడ్డు పొడవు 15,500 అడుగులు. ఈ మార్గంలో ఆక్సిజన్ శాతం తక్కువుగా ఉంటుంది. కొండ చరియలు విరిగిపడుతుంటాయి. ముష్కరమూకల దాడులు కూడా అధికం.

జుయోలియాంగ్ టన్నెల్ - చైనా (Guoliang Tunnel - China):

ఈ సొరంగ మార్గంలో ప్రయాణం అత్యంత సాహసోపేతంగా ఉంటుంది. వాహనచోదకులు మరింత అప్రమత్తంగా వ్యవహరించాల్సి ఉంటుంది.

గేట్ టవర్, ఓసాకా, జపాన్ (Gate Tower, Osaka, Japan):

అభివృద్థి పధంలో ముందుకు దూసుకుపోతున్న జపాన్ రహదారుల నిర్మాణం విషయంలోనూ తన పనితనాన్ని చాటింది. ఓసాకా నగరంలోని ఓ రహదారి గేట టవర్ బిల్డింగ్ లోపల నుంచి చొచ్చుకుపోతుంది. ఆ దృశ్యాన్ని చిత్రంలో మీరు చూడొచ్చు.

చీసాపీక్ బే వంతెన (Chesapeake Bay Bridge):

అమెరికాలోని మేరీల్యాండ్ ప్రాంతంలో ఉన్న 12 కిలోమీటర్ల వంతెన మార్గం పై ప్రయాణం అత్యంత సాహసోపేతంగా ఉంటుంది. ఈ మార్గంలో ఏర్పాటు చేసిన రెండు మైళ్ల సముద్ర సొరంగ మార్గం ఉత్కంఠకు తెరలేపుతుంది.