యువకుడితో పోరాడిన 82 ఏళ్ల వృద్ధుడు.. కారణం తెలిస్తే శభాష్ అంటారు

వాహన దొంగలు ఎక్కువగా వృద్ధులను లక్ష్యంగా చేసుకుంటారు. దీని వెనుక కారణం ఏమిటంటే, వృద్ధులకు దొంగలతో పోరాడే బలం గాని ఓపిక గాని ఉండదు, కావున వృద్ధులను బెదిరించి కారును దొంగలించుకుపోతారు. అయితే కొంతమంది వృద్దులు దొంగలకు ఏమాత్రం భయపడకుండా పోరాడుతారు.

ఇలాంటి సంఘటనకు సంబంధించి ఒక వీడియో సోషల్ నెట్‌వర్కింగ్ సైట్‌లో వైరల్ అయ్యింది. ఈ వీడియోలో ఒక ఒక వృద్ధుడు యువకుడైన దొంగతో పోరాడి తన కారుని దొంగలించకుండా కాపాడుకుంటాడు.

నివేదికల ప్రకారం ఈ సంఘటన అమెరికాలోని జార్జియాలోని అట్లాంటాలో జరిగినట్లు తెలిసింది. ఈ వీడియోలో ఒక యువ దొంగ 82 ఏళ్ల వ్యక్తి నడుపుతున్న కారుపై మెరుపుదాడి చేస్తున్నట్లు కనిపిస్తుంది.

వృద్ధుడిని భయపెట్టి కారును హాయిగా దొంగిలించవచ్చని అనుకున్న దొంగకి చివరికి నిరాశే మిగిలింది. దీనికి సంబంధించిన సమాచారం ప్రకారం వృద్ధుడు తన కారును అట్లాంటా దిగువ పట్టణంలోని పెట్రోల్ బంక్ వద్ద ఉంచాడు. అదే సమయంలో ఒక దొంగ అక్కడికి వచ్చి ఆ వృద్ధునికి తుపాకీ చూపించి కారు కీని అడుగుతాడు.

ఆ వృద్దుడికి తుపాకీ చూపించినప్పటికీ 'కీ' ఇవ్వడానికి నిరాకరించాడు. దొంగ కారు డోర్ తీసినప్పుడు ఆ వృద్ధుడు అతన్ని బయటకు నెట్టివేసాడు. దీనితో ఆ ఇద్దరూ ఒకరిపై ఒకరు విరుచుకుపడ్డారు. ఆ సమయంలో వృద్ధుడు ఒక మల్లయోధునిలాగా కనిపించాడు. ఆ సమయంలో దొంగ లేచి అతని నుండి కీని లాక్కుని కారు వైపు పరిగెత్తుతాడు.

దొంగ కారులో కూర్చున్నాడు కాని కారు ఎలా స్టార్ట్ చేయాలో తెలియదు. కానీ ఆ దొంగ దొరికిపోతామేమో అని భయంతో అక్కడినుంచి వెళ్ళిపోతాడు. ఈ ఘటనలో వృద్ధులకు తీవ్ర గాయాలు కాలేదని తెలిసింది. కానీ దొంగ ఎడమ భుజానికి గాయమైందని స్థానిక పోలీసులు తెలిపారు.

ఈ సంఘటన జరిగిన ఒక నెల తర్వాత అట్లాంటా పోలీసులు వీడియోను విడుదల చేశారు. ఇది కారును దొంగిలించడానికి ప్రయత్నించిన వారిని గుర్తించడంలో ప్రజలు సహాయం చేయడానికి ఉపయోగపడుతుందని పోలీసులు తెలిపారు. గత సంవత్సరం, కోల్చెస్టర్ అవెన్యూలోని ఎటిఎం నుండి డబ్బు తీసుకుని వచ్చిన 77 ఏళ్ల వ్యక్తి వద్ద దొంగలించడానికి ప్రయత్నించినా దొంగను ఆ వృద్ధుడు ప్రతిఘటించినందున దొంగ తప్పించుకున్నాడు.