బ్యాట్‌తోనే కాదు, కార్లతో కూడా దుమ్మురేపుతున్న సూర్యకుమార్.. ఈ కార్ల కలెక్షన్ చూస్తే షాక్ అవ్వాల్సిందే!

భారత్, పాకిస్థాన్ మధ్య మ్యాచ్ దుబాయ్‌లో జరిగింది. ఈ టోర్నమెంట్‌లో ఇరు జట్లకు ఇది రెండో మ్యాచ్. ఆసియా కప్ 2025లో భారత క్రికెట్ జట్టుకు కెప్టెన్‌గా సూర్యకుమార్ యాదవ్ వ్యవహరిస్తున్నాడు. భారత క్రికెట్ జట్టు స్టార్ బ్యాట్స్‌మెన్ అయిన సూర్యకుమార్ యాదవ్ తన దూకుడు బ్యాటింగ్‌కు ప్రసిద్ధి చెందాడు.

మైదానంలో ఫోర్లు, సిక్సర్ల వర్షం కురిపించే సూర్యకుమార్ యాదవ్ (సూర్య)కి క్రికెట్ మాత్రమే కాదు, ఖరీదైన, లగ్జరీ కార్లంటే కూడా చాలా ఇష్టం. అతని గ్యారేజ్‌లో కోట్ల రూపాయల విలువైన కార్లు ఉన్నాయి. వాటి గురించి వివరంగా తెలుసుకుందాం.

1. మెర్సిడెస్ జీఎల్‌ఎస్ 400డీ (Mercedes GLS 400d)
సూర్యకుమార్ యాదవ్ గ్యారేజ్‌లో మొదటి కారు మెర్సిడెస్ జీఎల్‌ఎస్ 400డీ. దీని ధర రూ.1.37 కోట్లు. ఇందులో 3.0 లీటర్ 6-సిలిండర్ డీజిల్ ఇంజిన్ ఉంది. ఇది 330 హార్స్ పవర్, 700 ఎన్ఎమ్ టార్క్ ఉత్పత్తి చేస్తుంది. ఈ కారు 0 నుండి 100 kmph వేగాన్ని కేవలం 6.3 సెకన్లలో అందుకోగలదు. సూర్యకుమార్ యాదవ్ తరచుగా ఈ లగ్జరీ ఎస్‌యూవీలో కనిపిస్తుంటాడు.

2. టయోటా వెల్‌ఫైర్ (Toyota Vellfire)
సూర్యకుమార్ యాదవ్ కార్ కలెక్షన్‌లో తదుపరి కారు టయోటా వెల్‌ఫైర్. ఇది అత్యంత లగ్జరీ ఎంపీవీలలో ఒకటి. ఇందులో 2.5 లీటర్ ఫోర్-సిలిండర్ డీఓహెచ్‌సీ సెల్ఫ్-ఛార్జింగ్ స్ట్రాంగ్ హైబ్రిడ్ ఇంజిన్ ఉంది. ఇది 193 పీఎస్ పవర్, 240 ఎన్ఎమ్ టార్క్ ఉత్పత్తి చేస్తుంది. ఈ హైబ్రిడ్ ఇంజిన్ 19.28 km/లీటర్ మైలేజ్ ఇస్తుంది. ఈ కారు ప్రారంభ ధర రూ.1.22 కోట్లు.

3. మెర్సిడెస్ జీ-వ్యాగన్ (Mercedes G-Wagon)
సూర్యకుమార్ యాదవ్ దగ్గర ఉన్న అత్యంత ఖరీదైన కారు మెర్సిడెస్ జీ-వ్యాగన్. ఇది ప్రపంచంలోనే అత్యంత ప్రజాదరణ పొందిన లగ్జరీ ఆఫ్-రోడింగ్ ఎస్‌యూవీలలో ఒకటి. ఇందులో 4.0 లీటర్ ట్విన్-టర్బో వీ8 పెట్రోల్ ఇంజిన్ ఉంది. ఇది 585 హార్స్ పవర్, 850 ఎన్ఎమ్ టార్క్ ఉత్పత్తి చేస్తుంది. ఈ కారు 0 నుండి 100 kmph వేగాన్ని కేవలం 4.5 సెకన్లలో అందుకోగలదు. ఈ కారు ప్రారంభ ధర రూ.2.55 కోట్లు.

4. బీఎమ్‌డబ్ల్యూ 3 జీటీ (BMW 3 GT)
సూర్యకుమార్ యాదవ్ కార్ల కలెక్షన్‌లో చివరి కారు బీఎమ్‌డబ్ల్యూ 3 జీటీ. 3 సిరీస్ ఈ జర్మన్ కార్ బ్రాండ్ అత్యంత ప్రజాదరణ పొందిన శ్రేణులలో ఒకటి. ఇందులో 2.0 లీటర్ టర్బో డీజిల్ ఇంజిన్ ఉంది. ఇది 190 పీఎస్ పవర్, 400 ఎన్ఎమ్ టార్క్ ఉత్పత్తి చేస్తుంది. ఈ కారు ప్రారంభ ధర రూ.42.50 లక్షలు నుండి రూ.47.70 లక్షల వరకు ఉంటుంది.

5. ల్యాండ్ రోవర్ రేంజ్ రోవర్ వెలార్ (Land Rover Range Rover Velar)
రేంజ్ రోవర్ వెలార్ కూడా సూర్యకుమార్ కలెక్షన్‌లో ఒక భాగం. దీని ఎక్స్-షోరూమ్ ధర సుమారు రూ.90 లక్షలు. ఈ ఎస్‌యూవీ 2.0-లీటర్ పెట్రోల్, డీజిల్ ఇంజన్ ఆప్షన్లలో లభిస్తుంది. డీజిల్ వెర్షన్ కేవలం 8.2 సెకన్లలో 0-100 కి.మీ./గంట వేగాన్ని అందుకుంటుంది. పెట్రోల్ వెర్షన్ 243 బీహెచ్‌పీ పవర్‌ను ఉత్పత్తి చేస్తుంది. ఈ కారు ప్రారంభ ధర రూ.79.87 లక్షలు.