దుర్భర స్థితిలో పడిఉన్న ఖరీదైన లగ్జరీ కార్స్.. ఎక్కడో తెలుసా?

ఇప్పుడు మనం ఈ ఆర్టికల్ లో నిరుపయోగంగా రోడ్డున పడిఉన్న లగ్జరీ కార్లను గురించి పూర్తి సమాచారం తెలుసుకుందాం.

మెర్సిడెస్ బెంజ్ ఎస్-క్లాస్ ఎస్320 :

మెర్సిడెస్ బెంజ్ ఎస్-క్లాస్ ఎస్320 అనేది ఓల్డ్ వెర్షన్ బెంజ్ కారు. ఇది ఇప్పుడు ముంబై వీధుల్లో నిరుపయోగంగా వదిలివేయబడింది. ఈ ఖరీదైన కారులో ఎయిర్ సస్పెన్షన్ సిస్టమ్ పనిచేయకపోవడం వల్ల, దీనిని మళ్ళీ రిపేర్ చేయడానికి ఎక్కువ మొత్తంలో ఖర్చు చేయవలసి వస్తుంది. కావున దీని ఓనర్ ఈ బెంజ్ ఎస్-క్లాస్ ఎస్320 కారుని రోడ్దు ప్రక్కన వదిలివేసి ఉండాలి.

ఇక్కడ మనం ఈ బెంజ్ ఎస్-క్లాస్ ఎస్320 కారుని విరిగిన సస్పెన్షన్‌తో, పూర్తిగా నిరుపయోగంగా ఉన్న దుస్థితిలో చూడవచ్చు. మనం ఇక్కడ ఫొటోలో గమనించినట్లయితే దీనిని చాలా రోజులుగా ఉపయోగించకుండా ఉంది అని మనకు స్పష్టంగా తెలుస్తుంది.

ఆడి క్యూ 7 :

ఆడి క్యూ 7 కార్ రోడ్డు పక్కన నిరుపయోగంగా పది ఉండటం మనం ఇక్కడ చూడవచ్చు. ఇది ఆరేళ్ల ఆడి క్యూ 7 కార్. టి-బిహెచ్‌పిలో పంచుకున్న వివరాల ప్రకారం, కొంతకాలంగా ఈ వాహనాలు ఇక్కడ పడి ఉన్నాయి. ఈ క్యూ 7 అదే ఎయిర్ సస్పెన్షన్ సమస్యను ఎదుర్కొంటున్నట్లు కనిపిస్తోంది. అయినప్పటికీ దీనిపై గీతలు లాంటివి కనిపించవు. క్యూ 7 ఆడి యొక్క శక్తివంతమైన వెర్షన్. ఇది 4.2-లీటర్ వి 8 డీజిల్ ఇంజిన్‌తో వస్తుంది, ఇది 800 ఎన్‌ఎమ్ టార్క్ ఉత్పత్తి చేస్తుంది.

మెర్సిడెస్ బెంజ్ ఎస్-క్లాస్ :

ఇది మరొక మెర్సిడెస్ బెంజ్ ఎస్-క్లాస్ సెడాన్, ఇది కేరళలో ఉంది మరియు నెమ్మదిగా తుప్పుపట్టింది. ఈ మెర్సిడెస్ బెంజ్ ఎస్-క్లాస్ సెడాన్‌లో కూడా ఎయిర్ సస్పెన్షన్ లోపం ఉందని తెలుస్తుంది. ఈ కారు బాడీపై పాచి పేరుకుపోయింది, అంటే ఇది చాలా కాలంగా నిరుపయోగంగా ఇక్కడ పడి ఉంది.

జీప్ చెరోకీ :

కొన్ని సంవత్సరాల క్రితం జీప్ అధికారికంగా భారత మార్కెట్లోకి ప్రవేశించింది. అయినప్పటికీ ఈ జీప్ బ్రాండెడ్ ఎస్‌యూవీలను భారతదేశంలో ప్రైవేటుగా దిగుమతి చేసుకున్న వారు చాలా మంది ఉన్నారు.

ఉత్తరప్రదేశ్‌లోని నోయిడాలో గుర్తించిన 2 వ తరం జీప్ చెరోకీ ఇది. ఈ వెహికల్ నిరుపయోగంగా వదిలివేయబడింది. ఈ కారణంగా రోడ్డుపక్కన మిగిలిపోయింది. ఈ వాహనం ఏక్సటర్నల్ రోల్ కేజ్, లిఫ్ట్ కిట్ మరియు మరెన్నో మార్పులతో కలిగి ఉంది. ఈ వాహనాన్ని వదిలివేయడానికి ఖచ్చితమైన కారణం తెలియదు.

బిఎండబ్ల్యు 5-సిరీస్ :

ఇది బిఎమ్‌డబ్ల్యూ యొక్క 5-సిరీస్ సెడాన్, ఇది కేరళలోని కొడంగల్లూరులో వదిలివేయబడింది. ఈ కారు పరిస్థితి బాగుంది, కాని ఈ సెడాన్ యొక్క మెకానికల్ ప్రాబ్లమ్స్ గురించి మనకు ఖచ్చితంగా తెలియదు. ఇక్కడ మనం గమనించినట్లయితే ఈ కారు చాలా కాలంగా ఇక్కడే ఉందని తెలుస్తుంది. ఎందుకంటే దానిపై ఒక చెట్టు కూడా పెరిగింది.

Image Courtesy: Team BHP