టయోటా ఫార్చ్యూనర్‌ SUV లో సింపుల్‌ డ్రెస్‌లో దిగిన ‘సాహో' బ్యూటీ శ్రద్ధా కపూర్‌..

సినీ సెలబ్రిటీలతో పాటు రాజకీయ నాయకులు, ప్రముఖ వ్యాపారవేత్తలు ఉపయోగించే టాప్‌ SUVలలో టయోటా ఫార్చ్యూనర్‌ ఒకటి. ఇటీవల బాలీవుడ్‌ బ్యాటీ శ్రద్ధా కపూర్(Shraddha Kapoor) టయోటా ఫార్చ్యూనర్ ఎస్‌యూవీలో తళుక్కుమన్నారు. చాలా సాదాసీదా డ్రెస్‌లో హుందాగా శ్రద్ధా కపూర్ తన టయోటా ఫార్చ్యూనర్‌లో నుంచి దిగిన వీడియో నెట్టింట్లో వైరల్‌ అవుతోంది.

దేశీయ మార్కెట్లో ఫుల్ సైజ్ SUV అనగానే ముందుగా గుర్తుకు వచ్చేది Toyota Fortuner. కొన్నేళ్లుగా ఫుల్‌ సైజ్‌ SUV విభాగంలో టయోటా ఫార్చ్యూనర్ ఆధిపత్యంతో ఉంది. అంతే కాకుండా ప్రతి నెలా సేల్స్‌లో ప్రత్యర్థి ఫుల్‌ సైజ్‌ SUV లకు గట్టి పోటీనిస్తోంది. తాజాగా శ్రద్ధా టయోటా ఫార్చ్యూనర్‌లో దిగడంతో ఇది హాట్‌ టాపిక్‌గా మారింది.

వీడియోను చూసినట్లయితే శ్రద్ధా కపూర్‌.. ముంబయిలోని శాంతాక్రూజ్‌లోని మాడాక్ ఫిల్మ్స్ కార్యాలయానికి వెళ్తోంది. శ్రద్ధా తన కారులోంచి దిగిన అనంతరం ఆఫీసులోకి వెళ్లే ముందు అక్కడే నిలబడి ఉన్న ఫొటోగ్రాఫర్లకు పోజులిచ్చింది. కాగా టయోటా ఫార్చ్యూనర్ SUV నలుపు రంగులో ఆకర్షణీయంగా ఉంది.

బాఘీ ఫేమ్‌ శ్రద్ధా కపూర్‌ వద్ద టయోటా ఫార్చ్యూనర్‌తో పాటు అనేక కార్లు ఉన్నాయి. ఫస్ట్‌ జెన్‌ మారుతి సుజుకి గ్రాండ్ విటారా, ఇంకా మారుతి సుజుకి స్విఫ్ట్ హ్యాచ్‌బ్యాక్ ఉన్నాయి. ఈ రెండు కార్లలో శ్రద్ధా తరచుగా బయటకు వచ్చేది. లగ్జరీ కార్ల విషయానికొస్తే శ్రద్ధా కపూర్‌కు మెర్సిడెస్ ML-250 CDI SUV, ఫస్ట్‌ జెన్‌ BMW 3-సిరీస్‌ కార్లు ఉన్నాయి.

ఇక టయోటా ఫార్చ్యూనర్ SUV విషయానికొస్తే ఇది అప్‌డేటెడ్‌ ఫీచర్లతో కొత్త ఫేస్‌లిఫ్ట్ మోడల్‌తో విడుదల అయింది. ఫుల్‌ సైజ్‌ SUV సెగ్మెంట్ విక్రయాల్లో టయోటా ఫార్చ్యూనర్ చాలా కాలంగా టాప్‌లో కొనసాగుతోంది. కాగా 7 సీట్‌ ప్రస్తుత తరం ఫార్చ్యూనర్ 2016లో భారత మార్కెట్లోకి విడుదలైంది.

టయోటా ఫార్చ్యూనర్ ఫేస్‌లిఫ్ట్ SUV లోపలి భాగం అధునాతన కొత్త ఫీచర్లతో మరింత ప్రీమియంగా కనిపించేలా అప్‌డేట్ అయి వచ్చింది. Apple CarPlay మరియు Android Auto మరియు కనెక్టివిటీ కార్ టెక్నాలజీతో కూడిన కొత్త 8.0-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌ను కలిగి ఉంటూ ఇంటీరియర్‌కు న్యూ లుక్‌ను తీసుకొచ్చింది.

ఇంకా టయోటా ఫార్చ్యూనర్‌లో వెంటిలేటెడ్ ఫ్రంట్ సీట్లు, ఇన్‌స్ట్రుమెంట్‌ క్లస్టర్, 11-స్పీకర్ JBL ఆడియో సిస్టమ్, యాంబియంట్ లైటింగ్, ఇతర ఫీచర్లతో ఆకర్షణీయంగా ఉంది. టయోటా కొన్ని నెలల క్రితం భారత మార్కెట్లో తన ఫార్చ్యూనర్ లెజెండ్ 4X4 వేరియంట్‌ను విడుదల చేసింది.

లెజెండ్‌ వేరియంట్‌ ప్రసిద్ధ టయోటా ఫార్చ్యూనర్ SUV యొక్క టాప్ వేరియంట్. ఫార్చ్యూనర్ GR స్పోర్ట్ వేరియంట్‌ను కూడా టయోటా ప్రారంభించింది. లెజెండ్‌ వేరియంట్ 4X4 ఎంపికతో అందుబాటులో ఉంది. ఇది క్లాస్-లీడింగ్ 7-సీటర్‌తో ఉండటంతో దీని ధర మరింత పెరిగింది.

ఫార్చ్యూనర్ SUV డిజైన్‌ను పరిశీలిస్తే ఇది ఫేస్‌లిఫ్ట్ SUV ఇంటిగ్రేటెడ్ LED DRLలతో పాటు అప్‌డేటెడ్‌ LED ప్రొజెక్టర్ హెడ్‌ల్యాంప్‌లను కలిగి ఉంది. ఈ ఫార్చూనర్ SUVలో క్రోమ్ సరౌండ్‌తో కూడిన పెద్ద ఫ్రంట్ గ్రిల్, ఫాగ్ ల్యాంప్‌ల కోసం కొత్త హౌసింగ్‌లతో అప్‌డేట్ చేయబడిన ఫ్రంట్ బంపర్‌తో వస్తుంది. ఇది కొత్త 18-అంగుళాల అల్లాయ్ వీల్స్ మరియు వెనుక భాగంలో LED టెయిల్ ల్యాంప్‌లను కలిగి ఉంది.