గోల్డెన్ బెంజ్ కారుపై అక్షయ్ కుమార్ స్టన్నింగ్ స్టంట్

ఈ స్పెషల్ గోల్డ్ కలర్ మెర్సిడెస్ బెంజ్ కారును ప్రత్యేకించి యూరప్ నుంచి బ్యాంకాక్‌కు దిగుమతి చేసుకున్నారు. ఈ కారు బ్యాంకాక్‌కు వచ్చిన తర్వాత తమ స్టంట్‌కు కావల్సినట్లుగా దీనిని మోడిఫై చేశారు.

ప్రత్యేకంగా కస్టమైజ్ చేసిన ఈ బ్రైట్ గోల్డ్ కలర్ మెర్సిడెస్ కారులో బాలీవుడ్‌లో ఇదివరకెన్నడు ప్రయత్నించని విధంగా ఓ కొత్తరకమైన స్టంట్‌ను చేసినట్లు సినీ వర్గాలు చెప్పుకుంటున్నాయి.

అక్షయ్ కుమార్ బాస్ చిత్రం కోసం ప్రత్యేకంగా కస్టమైజ్ చేసిన ఈ గోల్డ్ కలర్ బెంజ్ కారుకు ముందు వైపు అలాగే వెనుక వైపు రిజిస్ట్రేషన్ నెంబర్ ప్లేట్లకు బదులుగా వాటి స్థానంలో బాస్ అనే నెంబర్ ప్లేట్స్ కనిపిస్తాయి.

ఈ గోల్డెనె బెంజ్ కారు కేవలం స్టంట్‌లో మాత్రమే కాకుండా, బాస్ చిత్రం టైటిల్ సాంగ్‌లో కూడా కనిపిస్తుంది (చివరి స్లైడ్‌లోని వీడియోలో వీక్షించవచ్చు).

అక్షయ్ కుమార్ ఈ గోల్డెన్ బెంజ్ కారును చూడగానే సంతోషంతో ఉక్కిరిబిక్కిరి అయిపోయాడట. కారు రెండు చక్రాలపై బ్యాలెన్స్ చేస్తున్నప్పుడు ఎలాంటి తాళ్ల సాయం లేకుండానే అక్షయ్ ఈ స్టంట్ చేసినట్లు సమాచారం.

వయాకామ్ 18 మోషన్ పిక్చర్స్, కేప్ ఆఫ్ గుడ్ ఫిల్మ్స్ అండ్ అశ్విన్ వార్డే ప్రొడక్షన్స్ బ్యానెర్‌లో నిర్మితమైన బాస్ చిత్రాన్ని అంటోనీ డిసౌజా డైరెక్ట్ చేశారు.

ఈ బుధవారం ప్రేక్షకులకు ముందుకు విచ్చేసిన బాస్ చిత్రం మొదటి రోజునే బాక్సాఫీస్ రికార్డులు బద్దలు చేసి, దర్శకనిర్మాతలకు కాసుల వర్షం కురిపిస్తోంది. మొదటి రోజునే అక్షయ్ కుమార్ బాస్ చిత్రం 11.50 కోట్ల రూపాయలను కలెక్ట్ చేసినట్లు సమాచారం.

అక్షయ్ కుమార్ బాస్ చిత్ర ప్రమోషన్ వీడియోని వీక్షించండి.